மாவட்ட செய்திகள்

கண்ணாடி கடை உரிமையாளர் கொலை வழக்கில் 4 வாலிபர்களுக்கு ஆயுள் தண்டனை நாமக்கல் கோர்ட்டு தீர்ப்பு + "||" + Namakkal court convicts life imprisonment for 4 persons in glass shop owner murder case

கண்ணாடி கடை உரிமையாளர் கொலை வழக்கில் 4 வாலிபர்களுக்கு ஆயுள் தண்டனை நாமக்கல் கோர்ட்டு தீர்ப்பு

கண்ணாடி கடை உரிமையாளர் கொலை வழக்கில் 4 வாலிபர்களுக்கு ஆயுள் தண்டனை நாமக்கல் கோர்ட்டு தீர்ப்பு
கண்ணாடி கடை உரிமையாளர் கொலை வழக்கில் 4 வாலிபர்களுக்கு ஆயுள் தண்டனை விதித்து நாமக்கல் கோர்ட்டில் தீர்ப்பு கூறப்பட்டது.
நாமக்கல்,

நாமக்கல் ராமாபுரம்புதூர் பெரியண்ணன் தெருவை சேர்ந்தவர் பாலசுப்பிரமணியன் (வயது 45). இவர் நாமக்கல்லில் உள்ள சேலம் சாலையில் கண்ணாடி கடை நடத்தி வந்தார். கடந்த 2010-ம் ஆண்டு பிப்ரவரி மாதம் 19-ந் தேதி இவரை கடத்தி சென்ற மர்ம நபர்கள் அவர் அணிந்திருந்த 6½ பவுன் நகைகளை கொள்ளையடித்து விட்டு, அவரை கொலை செய்து பரமத்திவேலூர் அருகே உள்ள கட்டமராபாளையம் பகுதியில் உடலை வீசி சென்று விட்டனர்.


இதுதொடர்பாக அவரது மனைவி ஜெயலட்சுமி நாமக்கல் போலீசில் புகார் செய்தார். அந்த புகாரின் பேரில் போலீசார் வழக்குப்பதிவு செய்து கரூர் மாவட்டம் தவிட்டுபாளையத்தை சேர்ந்த பிரபு என்கிற மங்காபிரபு (30), புலியூர் முருகானந்தம் (24), குப்புச்சிபாளையம் ராஜ்குமார் (24), வேலகவுண்டம்பட்டி தன்ராஜ் என்கிற தனராஜன் (30), தவிட்டுபாளையம் சிவா (30), கொமாரபாளையம் சுரே‌‌ஷ் (21) ஆகிய 6 பேரை கைது செய்தனர்.

4 பேருக்கு ஆயுள் தண்டனை

இதுதொடர்பான வழக்கு நாமக்கல் மாவட்ட முதன்மை கோர்ட்டில் நடைபெற்று வந்தது. இந்த வழக்கில் அரசு தரப்பில் வக்கீல் தனசேகரன் வாதாடினார். இந்த வழக்கில் நேற்று தீர்ப்பு கூறப்பட்டது. குற்றம்சாட்டப்பட்ட மங்காபிரபு, ராஜ்குமார், தன்ராஜ், சிவா ஆகிய 4 பேருக்கும் ஆயுள் தண்டனை மற்றும் தலா ரூ.30 ஆயிரம் அபராதம் விதித்து நீதிபதி இளவழகன் தீர்ப்பு கூறினார்.

இதையடுத்து ஆயுள் தண்டனை விதிக்கப்பட்ட 4 பேருக்கும் நாமக்கல் அரசு ஆஸ்பத்திரியில் மருத்துவ பரிசோதனை செய்யப்பட்டு பலத்த போலீஸ் பாதுகாப்புடன் கோவை சிறைக்கு அழைத்து செல்லப்பட்டனர். இவ்வழக்கில் கைதான முருகானந்தம், சுரே‌‌ஷ் ஆகியோர் மீதான குற்றச்சாட்டு நிரூபிக்கப்படாததால் அவர்கள் விடுதலை செய்யப்பட்டனர்.

தொடர்புடைய செய்திகள்

1. பாலியல் புகார் வழக்கில் கைதான கராத்தே மாஸ்டர் கெபிராஜிடம் 2 நாள் போலீஸ் காவலில் விசாரிக்க கோர்ட்டு அனுமதி
பாலியல் புகார் வழக்கில் கைதான கராத்தே மாஸ்டர் கெபிராஜிடம் 2 நாள் போலீஸ் காவலில் எடுத்து விசாரிக்க கோர்ட்டு அனுமதி வழங்கியதால், அவரிடம் சி.பி.சி.ஐ.டி. போலீசார் தீவிரமாக விசாரித்து வருகின்றனர்.
2. விபத்தில் படுகாயம் அடைந்த ஆராய்ச்சி மாணவிக்கு ரூ.31.70 லட்சம் இழப்பீடு சென்னை கோர்ட்டு உத்தரவு
விபத்தில் படுகாயம் அடைந்த ஆராய்ச்சி மாணவிக்கு ரூ.31.70 லட்சம் இழப்பீடு சென்னை கோர்ட்டு உத்தரவு.
3. மகளை பலாத்காரம் செய்த தந்தைக்கு 60 ஆண்டு சிறை ஈரோடு மகளிர் கோர்ட்டு அதிரடி தீர்ப்பு
நண்பர்களுடன் சேர்ந்து பெற்ற மகளையே கூட்டு பாலியல் பலாத்காரம் செய்த தந்தைக்கு 60 ஆண்டு சிறை தண்டனையும், அவரது நண்பர்களுக்கு 40 ஆண்டு ஜெயில் தண்டனையும் விதித்து ஈரோடு மகளிர் கோர்ட்டு அதிரடி தீர்ப்பு கூறியது.
4. மக்களின் தீர்ப்பை ஏற்றுக்கொள்கிறோம்.. வாக்களித்த மக்களுக்கு நன்றி - கமல்ஹாசன்
மக்களின் தீர்ப்பை ஏற்றுக்கொள்வதாகவும், வாக்களித்த மக்களுக்கு நன்றி என்றும் மநீம தலைவர் கமல்ஹாசன் தெரிவித்துள்ளார்.
5. பட்டா வழங்க லஞ்சம்: நில அளவை துணை ஆய்வாளருக்கு 2 ஆண்டு சிறை
பட்டா வழங்க லஞ்சம்: நில அளவை துணை ஆய்வாளருக்கு 2 ஆண்டு சிறை சென்னை சிறப்பு கோர்ட்டு தீர்ப்பு.