மாவட்ட செய்திகள்

சேலம் விமான நிலைய விரிவாக்கம்: நில அளவீடு பணிக்கு விவசாயிகள் எதிர்ப்பு + "||" + Salem Airport Expansion: Farmers' Resistance to Land Survey Work

சேலம் விமான நிலைய விரிவாக்கம்: நில அளவீடு பணிக்கு விவசாயிகள் எதிர்ப்பு

சேலம் விமான நிலைய விரிவாக்கம்: நில அளவீடு பணிக்கு விவசாயிகள் எதிர்ப்பு
சேலம் விமான நிலைய விரிவாக்கத்துக்காக நில அளவீடு பணிக்கு விவசாயிகள் எதிர்ப்பு தெரிவித்தனர். அவர்கள் அதிகாரிகளுடன் வாக்குவாதத்தில் ஈடுபட்டதால் பரபரப்பு ஏற்பட்டது.
ஓமலூர்,

ஓமலூர் அருகே காமலாபுரத்தில் சேலம் விமான நிலையம் உள்ளது. இந்த விமான நிலையம் 570 ஏக்கர் பரப்பளவில் விரிவாக்கம் செய்யப்படும் என மத்திய, மாநில அரசுகள் அறிவித்தன. இதைத்தொடர்ந்து விரிவாக்க பணிகள் தொடங்கப்பட்டன.


விமான நிலையம் விரிவாக்கத்தால் காமலாபுரம், பொட்டியபுரம், சிக்கனம்பட்டி, தும்பிபாடி ஆகிய ஊராட்சிக்குட்பட்ட விவசாய விளைநிலங்கள் மற்றும் குடியிருப்புகள் பாதிக்கப்படும். இதனால் தங்கள் விளைநிலங்கள் மற்றும் குடியிருப்பு பகுதிகளை கொடுக்க மாட்டோம் என விவசாயிகள் மற்றும் பொதுமக்கள் பல கட்ட போராட்டங்களை நடத்தி வந்தனர்.

நில அளவீடு பணி

கடந்த ஆண்டு நடைபெற்ற நாடாளுமன்ற தேர்தலுக்கு முன்பு இருந்து விமான நிலைய விரிவாக்கத்துக்கு நில அளவீடு பணி நிறுத்தி வைக்கப்பட்டிருந்தது. மேலும் விவசாயிகள் தங்கள் நிலம் விமான நிலைய விரிவாக்கத்துக்கு கைப்பற்றப்படுமா?. அவ்வாறு கைப்பற்றினால் உரிய இழப்பீடு கிடைக்குமா? என்பது தெரியாமல் தவித்து வந்தனர்.

இந்த நிலையில் தும்பிபாடி மாரியம்மன் கோவில் அருகே நேற்று சேலம் விமான நிலைய விரிவாக்க பணி தனி தாசில்தார் அறிவுடைநம்பி மற்றும் வருவாய் துறையினர் நில அளவீடு பணியில் ஈடுபட்டனர். இதையொட்டி போலீஸ் இன்ஸ்பெக்டர்கள் பிரேம் ஆனந்த், முருகன் ஆகியோர் தலைமையில் 20-க்கும் மேற்பட்ட போலீசார் பாதுகாப்பு பணியில் ஈடுபட்டனர்.

வாக்குவாதம்

இதனால் அதிர்ச்சியடைந்த விவசாயிகள், தங்களது விளை நிலங்களை விரிவாக்கத்திற்கு கொடுக்க மாட்டோம் எனக்கூறி போராட்டம் நடத்தி வருகிறோம். ஆனால் நீங்கள், விளை நிலங்கள் மற்றும் தென்னை, தேக்கு மற்றும் மரங்களுக்கு எவ்வளவு இழப்பீடு கிடைக்கும் என்று கூட தெரிவிக்காமல் அளவீடு செய்கிறீர்கள் என்று கூறி அதிகாரிகளுடன் வாக்குவாதத்தில் ஈடுபட்டனர். இதனால் அங்கு பரபரப்பு ஏற்பட்டது.

இதற்கு அதிகாரிகள் தற்போது அளவீடு பணி தான் நடக்கிறது. அடுத்த கட்டமாகதான் எவ்வளவு ஏக்கர் பரப்பளவில் நிலம் கையகப்படுத்தப்படுகிறது, எவ்வளவு இழப்பீடு வழங்கப்படும் என்பது தெரியவரும் என்று கூறினார்கள். இதனால் அளவீடு பணிக்கு எதிர்ப்பு தெரிவித்த விவசாயிகள் அங்கிருந்து கலைந்து சென்றனர். இதன் காரணமாக அந்த பகுதியில் சிறிது நேரம் பரபரப்பு நிலவியது.

தொடர்புடைய செய்திகள்

1. விவசாயிகள் கோடை உழவை தவற விடக்கூடாது வேளாண் இணை இயக்குனர் தகவல்
பயிர்கள் செழித்து மகசூல் தர உதவும் கோடை உழவை விவசாயிகள் தவற விடமால் மேற்கொள்ள வேண்டும் என்று வேளாண் அதிகாரி தெரிவித்துள்ளார்.
2. சேலம் வ.உ.சி. மார்க்கெட்டில் கடைகளை இடமாற்றம் செய்ய வியாபாரிகள் எதிர்ப்பு
சேலம் வ.உ.சி. மார்க்கெட்டில் கடைகளை இடமாற்றம் செய்வதற்கு அங்குள்ள வியாபாரிகள் எதிர்ப்பு தெரிவித்தனர்.
3. உசிலம்பட்டி அருகே கனமழையால் நீரில் மூழ்கி நெற்பயிர்கள் நாசம் விவசாயிகள் வேதனை
உசிலம்பட்டி அருகே பெய்த கனமழை காரணமாக நெற்பயிர்கள் மழை நீரில் மூழ்கி நாசமடைந்தது. இதனால் விவசாயிகள் வேதனை அடைந்துள்ளனர்.
4. கிருஷ்ணகிரி மாவட்டத்தில் தக்காளி விலை கடும் வீழ்ச்சி விவசாயிகள் கவலை
ஊரடங்கு உத்தரவு காரணமாக கிருஷ்ணகிரி மாவட்டத்தில் தக்காளி விலை கடும் வீழ்ச்சியை சந்தித்துள்ளது. இதனால் விவசாயிகள் கவலை அடைந்துள்ளனர்.
5. விருத்தாசலம் அருகே கருப்பு கொடி ஏந்தி விவசாயிகள் போராட்டம்
விருத்தாசலம் அருகே கருப்பு கொடி ஏந்தி விவசாயிகள் போராட்டத்தில் ஈடுபட்டனர்.