கொரோனா வைரஸ் பரவுவதை தடுக்க எக்ஸ்பிரஸ், மின்சார ரெயில்களில் கிருமி நாசினி தெளிப்பு மத்திய, மேற்கு ரெயில்வே நடவடிக்கை

மும்பை,

குறிப்பாக ரெயில் நிலையங்களில் ஒலி பெருக்கி மூலம் கொரோனா வைரஸ் குறித்து பயணிகளிடம் விழிப்புணர்வு ஏற்படுத்தப்பட்டு வருகிறது. ரெயில்வே போலீசாரும் பயணிகளிடம் கொரோனா குறித்து விழிப்புணர்வு ஏற்படுத்தி வருகின்றனர்.


இதுகுறித்து மேற்கு ரெயில்வே மக்கள் தொடர்பு அதிகாரி ரவீந்தர் பாகர் கூறுகையில், ‘‘கடந்த ஒரு வாரமாக தினமும் ரெயில்கள் சுத்தம் செய்யப்படுகின்றன’’ என்றார்.

மத்திய ரெயில்வே மக்கள் தொடர்பு அதிகாரி சிவாஜி சுதார் தெரிவிக்கையில், ‘நாங்களும் ரெயில்களை தினமும் சுத்தம் செய்து வருகிறோம். குறிப்பாக பயணிகள் அதிகம் நிற்கும் இடங்கள், கைப்பிடிகள், கை கழுவும் இடம், வாசல் உள்ளிட்ட பகுதிகளில் கிருமி நாசினிகள் தெளிக்கப்பட்டு சுத்தம் செய்யப்படுகிறது. நீண்ட தூர ரெயில்களில் அடிக்கடி பெட்டிகளை சுத்தம் செய்ய ஊழியர்களிடம் அறிவுறுத்தி உள்ளோம்’ என்றார்.

ரெயில்கள் மட்டும் இன்றி ரெயில்நிலையங்களில் நகரும் படிக்கட்டுகள், லிப்டு, இருக்கைகளிலும் ரெயில்வே சாா்பில் கிருமி நாசினி தெளிக்கப்பட்டு வருகிறது.