மாவட்ட செய்திகள்

கொரோனா வைரஸ் தடுப்பு குறித்து சிதம்பரம் நகராட்சி பணியாளர்களுக்கான விழிப்புணர்வு முகாம் + "||" + Awareness Camp for Chidambaram Municipal Employees on Coronavirus Prevention

கொரோனா வைரஸ் தடுப்பு குறித்து சிதம்பரம் நகராட்சி பணியாளர்களுக்கான விழிப்புணர்வு முகாம்

கொரோனா வைரஸ் தடுப்பு குறித்து சிதம்பரம் நகராட்சி பணியாளர்களுக்கான விழிப்புணர்வு முகாம்
சிதம்பரத்தில் கொரோனா வைரஸ் தடுப்பு குறித்து நகராட்சி பணியாளர்களுக்கான விழிப்புணர்வு முகாம் நடந்தது.
சிதம்பரம்,

கொரோனா வைரஸ் தாக்குதலை கட்டுப்படுத்த கடலூர் மாவட்ட நிர்வாகம் பல்வேறு முன்னெச்சரிக்கை பணிகளை மேற்கொண்டு வருகிறது. அந்த வகையில் சிதம்பரம் நகராட்சியில் பணிபுரியும் துப்புரவு பணியாளர்கள் பாதுகாப்பாக பணியாற்ற வேண்டியதன் அவசியம் குறித்தும், கொரோனா வைரஸ் தடுப்பு முன்னெச்சரிக்கை மேற்கொள்வதோடு, பொதுமக்களுக்கு எவ்வாறு விழிப்புணர்வு ஏற்படுத்துவது என்பது குறித்த முகாம் நகராட்சி அலுவலக கூட்ட அரங்கில் நடந்தது.


இதற்கு சிதம்பரம் நகராட்சி ஆணையாளர் சுரேந்திர‌ஷா தலைமை தாங்கினார். நகராட்சி பொறியாளர் மகாதேவன், நகராட்சி சுகாதார ஆய்வாளர் பால்டேவிட்ஸ் ஆகியோர் முன்னிலை வகித்தனர்.

முகக்கவசம்

மாவட்ட தொற்றுநோய் தடுப்பு அலுவலர் டாக்டர் மனோகரன், டாக்டர்கள் குணபாலன், மங்கையற்கரசி, சுகாதார மேற்பார்வையாளர் அரிகிரு‌‌ஷ்ணன், சுகாதார ஆய்வாளர் கருணாநிதி ஆகியோர் கலந்து கொண்டு கொரோனா வைரஸ் பரவாமல் இருக்க எடுக்கவேண்டிய முன்னெச்சரிக்கை நடவடிக்கை குறித்தும், வைரஸ் தடுப்புமுறை குறித்து பொதுமக்களுக்கு எவ்வாறு விழிப்புணர்வு ஏற்படுத்துவது என்பது குறித்தும் விளக்கி பேசினார். அதைத்தொடர்ந்து நகராட்சி அலுவலர்கள், துப்புரவு பணியாளர்களுக்கு கை, கால்களை எவ்வாறு கழுவுவது, பொது இடங்களில் பாதுகாப்பு கவசம் அணிந்து பணியாற்றுவது குறித்து விளக்கப்பட்டது. முன்னதாக துப்புரவு மேற்பார்வையாளர், பணியாளர்களுக்கு முகக்கவசம் மற்றும் கை கழுவும் திரவம் உள்ளிட்டவை வழங்கப்பட்டது.

இதுகுறித்து நகராட்சி ஆணையாளர் சுரேந்திர‌ஷா கூறுகையில், கொரோனா வைரஸ் தாக்குதலை கட்டுப்படுத்த சிதம்பரம் நகரில் பல்வேறு முன்னெச்சரிக்கை பணிகளை மேற்கொண்டு வருகிறோம். அதன்அடிப்படையில் சிதம்பரம் நகரில் பொதுமக்கள் அதிகம் கூடும் இடங்களில் கொரோனா வைரஸ் தடுப்பு விழிப்புணர்வு முகாம் நடத்த உள்ளோம். எனவே பொதுமக்கள் பொது இடங்களில் எச்சில் துப்பக்கூடாது. தும்மக்கூடாது. கை, கால்களை கழுவி சுத்தமாக வைத்துக்கொள்ளவேண்டும் என்றார். இதில் நகராட்சி மருந்துக்கடை சங்க நிர்வாகிகள் உள்பட பலர் கலந்து கொண்டனர்.

தொடர்புடைய செய்திகள்

1. வீடுகளில் வளர்க்கும் நாய்களுக்கு தடுப்பூசி போட வேண்டும் கலெக்டர் சி.கதிரவன் வேண்டுகோள்
வீடுகளில் வளர்க்கும் நாய்களுக்கு தடுப்பூசி போட வேண்டும் என்று கலெக்டர் கூறினார்.
2. அரசு ஆரம்ப சுகாதார நிலையத்தில் குழந்தைகளுக்கான இதய பரிசோதனை முகாம்
பள்ளி சிறார் மருத்துவக்குழு சார்பில், வீரபாண்டி மேம்படுத்தப்பட்ட அரசு ஆரம்ப சுகாதார நிலையத்தில் குழந்தைகளுக்கான இதய பரிசோதனை சிறப்பு முகாம் நேற்று நடந்தது.
3. தேன்கனிகோட்டை அருகே தளி வனப்பகுதியில் 130 யானைகள் முகாம் கிராம மக்கள் பீதி
தேன்கனிக்கோட்டை அருகே தளி வனப்பகுதியில் 130 காட்டு யானைகள் முகாமிட்டுள்ளன. இதனால் கிராமமக்கள் பீதி அடைந்துள்ளனர்.
4. 100 நாள் வேலை திட்ட பணியாளர்கள் 9 பேருக்கு கொரோனா 3 நாட்களுக்கு கடைகளை அடைக்க வருவாய் அதிகாரி உத்தரவு
தோகைமலை அருகே நாகனூர் ஊராட்சியில் நடந்த சிறப்பு மருத்துவ முகாம் பரிசோதனையில் 100 நாள் வேலை திட்ட பணியாளர்கள் 9 பேருக்கு கொரோனா தொற்று உறுதி செய்யப்பட்டதை தொடர்ந்து அந்த பகுதியில் உள்ள கடைகளை 3 நாட்களுக்கு அடைக்க மாவட்ட வருவாய் அதிகாரி உத்தரவிட்டார்.
5. 1 வயது முதல் 19 வயதிற்கு உட்பட்ட 5.20 லட்சம் பேருக்கு குடற்புழு நீக்க மாத்திரைகள் வழங்கும் முகாம்
கிருஷ்ணகிரி மாவட்டத்தில் 1 வயது முதல் 19 வயதிற்கு உட்பட்ட 5 லட்சத்து 20 ஆயிரத்து 12 பேருக்கு குடற்புழு நீக்க மாத்திரைகள் வழங்கும் முகாமை கலெக்டர் ஜெயசந்திரபானு ரெட்டி தொடங்கி வைத்தார்.

ஆசிரியரின் தேர்வுகள்...