மாவட்ட செய்திகள்

சிவகங்கை மருத்துவ கல்லூரி மருத்துவமனையில் ஒப்பந்த தொழிலாளர்கள் வேலை நிறுத்த போராட்டம் + "||" + Contract workers strike at Sivaganga Medical College Hospital

சிவகங்கை மருத்துவ கல்லூரி மருத்துவமனையில் ஒப்பந்த தொழிலாளர்கள் வேலை நிறுத்த போராட்டம்

சிவகங்கை மருத்துவ கல்லூரி மருத்துவமனையில் ஒப்பந்த தொழிலாளர்கள் வேலை நிறுத்த போராட்டம்
சிவகங்கை மருத்துவ கல்லூரி மருத்துவமனையில் ஒப்பந்த தொழிலாளர்கள் வேலை நிறுத்த போராட்டத்தில் ஈடுபட்டனர்.
சிவகங்கை, 

சிவகங்கை அரசு மருத்துவ கல்லூரி மருத்துவமனையில் ஒப்பந்த அடிப்படையில் பணிபுரியும் தொழிலாளர்களுக்கு ஊதியம் வழங்காததால் வேலை நிறுத்த போராட்டத்தில் ஈடுபட்டனர். இதனால் மருத்துவமனையில், இறந்தவரின் உடலை உறவினர்களே ஸ்ட்ரெச்சரில் வைத்து தள்ளிச் சென்றனர்.

சிவகங்கையில் அரசு மருத்துவ கல்லூரி மருத்துவமனை உள்ளது. இங்கு தினசரி 5 ஆயிரத்திற்கும் மேற்பட்ட நோயாளிகள் வந்து செல்லும் நிலையில், மருத்துவமனையை சுத்தம் செய்வது, பாதுகாப்பு பணியில் ஈடுபடுவது உள்ளிட்ட பல்வேறு பணிகளுக்காக 300-க்கும் மேற்பட்ட ஒப்பந்த தொழிலாளர்கள் பணியமர்த்தப்பட்டுள்ளனர். இவர்களுக்கு தகுதிக்ேகற்ப ரூ.7 ஆயிரம் முதல் ரூ.15 ஆயிரம் வரை மாத ஊதியம் வழங்கப்படுகிறது.

இவர்களை ஒப்பந்தம் எடுத்துள்ள நிறுவனம், ஒப்பந்த தொழிலாளர்கள் கடந்த மாதம் பணிபுரிந்ததற்கான ஊதியத்தை இதுவரை வழங்கவில்லை என கூறப்படுகிறது. இதனால் நேற்று முன்தினம் ஒப்பந்த தொழிலாளர்கள் வேலை நிறுத்த போராட்டத்தில் ஈடுபட்டனர். இதைதொடர்ந்து மருத்துவ கல்லூரி டீன் ரெத்தினவேல் பேச்சுவார்த்ைத நடத்தி சமரசம் செய்தார். அதனை தொடர்ந்து வழக்கம் போல் பணிக்கு சென்றனர்.

இந்த நிலையில் நேற்று மீண்டும் ஒப்பந்த தொழிலாளர்கள் மருத்துவமனை வாசலில் அமர்ந்துகொண்டு வேலை நிறுத்த போராட்டத்தில் ஈடுபட்டனர். இந்த போராட்டம் பகல் 11 மணி வரை நீடித்தது. பின்னர் மருத்துவ கல்லூரி டீன் பேச்சு வார்த்தை நடத்தியதன்பேரில் தொழிலாளர்கள் மீண்டும் பணிக்கு சென்றனர். போராட்டம் காரணமாக மருத்துவமனையில் சுகாதார பணிகள் பெரிதும் பாதிக்கப்பட்டது. மேலும் மருத்துவமனையில் இறந்தவர்களின் உடல்களை பிணவறையில் இருந்து எடுத்து வர ஊழியர்கள் இல்லாததால், இறந்தவர்களின் உறவினர்களே உடல்களை ஸ்ட்ரெச்சரில் ஏற்றி தள்ளிச் சென்றனர்.

தொடர்புடைய செய்திகள்

1. சிவகங்கை மாவட்டத்தில் கடைகள் திறப்பு; சாலைகளில் மக்கள் கூட்டம்
ஊரடங்கில் சில தளர்வுகள் நேற்று முதல் அமல்படுத்தப்Sபட்டதால் சிவகங்கை மாவட்டத்தில் பெரும்பாலான கடைகள் திறக்கப்பட்டு சாலைகளில் மக்கள் கூட்டம், கூட்டமாக சென்றனர். வங்கிகளில் கூட்டம் வழக்கத்தைவிட அலைமோதியது.
2. சிவகங்கையில் கேமரா மூலம் மக்கள் நடமாட்டம் கண்காணிப்பு
சிவகங்கை கலெக்டர் அலுவலகத்தில் கேமரா மூலம் மக்கள் நடமாட்டம் குறித்து கண்காணிப்பு பணிகளை கலெக்டர் ஜெயகாந்தன் தொடங்கி வைத்தார்.
3. சிவகங்கை மாவட்டத்தில் கொரோனா தடுப்பு பணிகள்; கண்காணிப்பு அலுவலர் ஆய்வு
சிவகங்கை மாவட்டத்தில் மேற்கொள்ளப்பட்டு வரும் கொரோனா தடுப்பு பணிகள் குறித்து கண்காணிப்பு அலுவலர் ஆய்வு செய்தார்.
4. சிவகங்கைக்கு வந்த ‘ரேபிட் டெஸ்ட் கிட் கருவிகள்’ - பரிசோதனை எப்போது? அதிகாரி விளக்கம்
சிவகங்கைக்கு ‘ரேபிட் டெஸ்ட் கிட்’ கருவிகள் வந்துள்ளன. அந்த கருவிகள் மூலம் கொரோனா பரிசோதனை நடைபெறுவது எப்போது? என்பது குறித்து அதிகாரி விளக்கம் அளித்தார்.
5. சிவகங்கையில் கொரோனா நோயாளிகள் 6 பேர் சிகிச்சை முடிந்து வீடு திரும்பினர்
சிவகங்கை மருத்துவ கல்லூரி மருத்துவமனையில் கொரோனா நோய் தொற்று காரணமாக சிகிச்சை பெற்று வந்த 6 பேர், சிகிச்சை முடிந்து வீடு திரும்பினர்.