மாவட்ட செய்திகள்

தர்மபுரி மாவட்டத்தில், ஊரடங்கு உத்தரவை மீறி சாலைகளில் சென்ற 66 பேர் கைது - 152 இருசக்கர வாகனங்கள் பறிமுதல் + "||" + Dharmapuri district, In violation of the curfew 66 arrested on road trips

தர்மபுரி மாவட்டத்தில், ஊரடங்கு உத்தரவை மீறி சாலைகளில் சென்ற 66 பேர் கைது - 152 இருசக்கர வாகனங்கள் பறிமுதல்

தர்மபுரி மாவட்டத்தில், ஊரடங்கு உத்தரவை மீறி சாலைகளில் சென்ற 66 பேர் கைது - 152 இருசக்கர வாகனங்கள் பறிமுதல்
தர்மபுரி மாவட்டத்தில் 144 தடை உத்தரவை மீறி சாலைகளில் சென்ற 66 பேர் கைது செய்யப்பட்டனர். மாவட்டம் முழுவதும் 152 இருசக்கர வாகனங்கள் பறிமுதல் செய்யப்பட்டன.
தர்மபுரி,

இந்தியாவில் கொரோனா வைரஸ் தொற்று தடுப்பு நடவடிக்கையாக 21 நாட்கள் ஊரடங்கு உத்தரவு பிறப்பிக்கப்பட்டுள்ளது. பொதுமக்கள் தேவையின்றி சாலைகளில் வாகனங்களில் செல்லவும், நடமாடவும் தடை விதிக்கப்பட்டு உள்ளது. இந்த நிலையில் தர்மபுரி மாவட்டத்தில் ஊரடங்கு உத்தரவை மீறி சாலைகளில் நடமாடுபவர்கள் மற்றும் இருசக்கர வாகனங்களில் செல்பவர்களை போலீசார் கண்காணித்து நடவடிக்கை எடுத்து வருகிறார்கள். தர்மபுரி நகரில் 4 ரோடு, அரசு மருத்துவக்கல்லூரி மருத்துவமனை, அரசு கலைக்கல்லூரி உள்பட முக்கிய இடங்களில் உள்ள சாலைகளில் தடுப்பு கட்டைகள் அமைத்து வாகன சோதனையில் ஈடுபட்டு வருகிறார்கள்.

சாலைகளில் ஆம்புலன்சு வாகனங்கள், அத்தியாவசியமான சேவை பணிகளுக்கு செல்லும் வாகனங்கள் தவிர பிற வாகனங்களுக்கு அனுமதி மறுக்கப்படுகிறது.

இந்த நிலையில் தர்மபுரி, அரூர், பென்னாகரம், பாலக்கோடு உள்பட மாவட்டத்தின் பல்வேறு பகுதிகளில் சாலைகளில் ஊரடங்கு உத்தரவை மீறி இருசக்கர வாகனங்களில் சென்ற 66 பேர் மீது வழக்குப்பதிவு செய்த போலீசார், அவர்களை கைது செய்தனர்.

இதேபோல் ஊரடங்கு உத்தரவை மீறி சாலைகளில் சென்ற இருசக்கர வாகனங்கள், சாலையோரத்தில் தேவையின்றி நிறுத்தி வைக்கப்பட்டிருந்த இருசக்கர வாகனங்கள் என மொத்தம் 152 இருசக்கர வாகனங்கள் பறிமுதல் செய்யப்பட்டன.

தொடர்புடைய செய்திகள்

1. தடை உத்தரவால், அறுவடை செய்த நெல்லை விற்பனை செய்ய முடியாத நிலை - குறிஞ்சிப்பாடி பகுதி விவசாயிகள் தவிப்பு
144 தடை உத்தரவால் குறிஞ்சிப்பாடி தாலுகா பகுதியில் அறுவடை செய்த நெல்லை விற்பனை செய்ய முடியாமல் விவசாயிகள் தவித்து வருகின்றனர்.
2. 144 தடை உத்தரவை மீறி சுற்றித்திரிந்த 86 பேர் கைது - 80 மோட்டார்சைக்கிள்கள், கார் பறிமுதல்
வேலூர் மாவட்டத்தில் 144 தடை உத்தரவை மீறி சாலைகளில் சுற்றித்திரிந்த 86 பேரை போலீசார் கைது செய்தனர். 80 மோட்டார் சைக்கிள்கள், கார் பறிமுதல் செய்யப்பட்டன.
3. 144 தடை உத்தரவை மீறி சாலையில் வந்த 3 கார்கள், 50 மோட்டார் சைக்கிள்கள் பறிமுதல் - போலீசார் நடவடிக்கை
கள்ளக்குறிச்சியில் 144 தடை உத்தரவை மீறி சாலையில் வந்த 3 கார்கள், 50 மோட்டார் சைக்கிள்களை போலீசார் பறிமுதல் செய்தனர்.
4. நாகையில், 144 தடை உத்தரவை மீறிய 169 பேர் மீது வழக்கு - 150 மோட்டார்சைக்கிள்கள் பறிமுதல்
நாகையில் 144 தடை உத்தரவை மீறிய 169 பேர் மீது போலீசார் வழக்குப்பதிவு செய்தனர். மேலும் 150 மோட்டார்சைக்கிள்களை பறிமுதல் செய்தனர்.
5. 144 தடை உத்தரவு: விதிகளை மீறினால் 6 மாதம் சிறை - சென்னை மாநகராட்சி கமிஷனர் எச்சரிக்கை
சென்னை மாநகராட்சியில் விதிமுறைகளை மீறுபவர்களுக்கு அதிகபட்சமாக 6 மாதம் வரை சிறை தண்டனை அளிக்கப்படும் என சென்னை மாநகராட்சி கமிஷனர் எச்சரிக்கை விடுத்துள்ளார்.