மாவட்டத்தில் வாரத்திற்கு 3 நாட்கள் மட்டுமே மளிகை கடைகள் திறக்க அனுமதி - கலெக்டர் உத்தரவு

புதுக்கோட்டை, 

கொரோனா வைரஸ் பரவலை தடுக்கும் விதமாக நாடு முழுவதும் ஊரடங்கு உத்தரவிடப்பட்டுள்ளது. இதன்படி புதுக்கோட்டை மாவட்டத்தில் மருந்தகம், மளிகை உள்ளிட்ட கடைகள் தவிர அனைத்து கடைகளும் அடைக்கப்பட்டுள்ளது. சாலைகள் பொதுமக்கள் இன்றி வெறிச்சோடி காணப்பட்டது. மாவட்டத்தில் கொரோனா வைரஸ் பரவலை தடுக்கும் விதமாக, புதுக்கோட்டை மாவட்டத்தில் உள்ள அனைத்து மளிகை கடைகளும் இனிமேல் மறு உத்தரவு பிறப்பிக்கும் வரை வாரத்தில் திங்கள், புதன் மற்றும் வெள்ளி கிழமை ஆகிய மூன்று நாட்கள் மட்டுமே செயல்பட வேண்டும்.

இந்த கடைகள் ஏற்கனவே நடைமுறையில் உள்ள கால அளவான காலை 6 மணி முதல் மதியம் 1 மணி வரை மட்டுமே திறந்திருக்க வேண்டும் என்று பொதுமக்களின் நலனை கருத்தில் கொண்டு உத்தரவிட்டுள்ளது. மேலும் இந்த உத்தரவினை கடை பிடிக்காமல் மீறுபவர்கள் மீது இந்திய தண்டனை சட்டம், தொற்றுநோய்கள் தடுப்புச் சட்டம் மற்றும் இந்திய பேரிடர் மேலாண்மை சட்டத்தின் கீழ் கடும் நடவடிக்கை மேற்கொள்ளப்படும்.

இவ்வாறு அதில் அவர் கூறியுள்ளார்.