மாவட்ட செய்திகள்

சிவகங்கை மருத்துவமனையில் டாக்டர்கள், சுகாதார பணியாளர்களுக்கு பாதுகாப்பு கவச உடை - அமைச்சர் பாஸ்கரன் வழங்கினார் + "||" + Doctors and Health Care Workers in Sivaganga Hospital - Presented by Minister Baskaran

சிவகங்கை மருத்துவமனையில் டாக்டர்கள், சுகாதார பணியாளர்களுக்கு பாதுகாப்பு கவச உடை - அமைச்சர் பாஸ்கரன் வழங்கினார்

சிவகங்கை மருத்துவமனையில் டாக்டர்கள், சுகாதார பணியாளர்களுக்கு பாதுகாப்பு கவச உடை - அமைச்சர் பாஸ்கரன் வழங்கினார்
சிவகங்கை மருத்துவக் கல்லூரி மருத்துவமனையில் கொரோனா நோயாளிகளுக்கு சிகிச்சை அளிக்கும் டாக்டர்கள் மற்றும் சுகாதார பணியாளர்களுக்கு ரூ.10 லட்சம் மதிப்பீட்டில் பாதுகாப்பு கவச உடைகளை அமைச்சர் பாஸ்கரன் வழங்கினார்.
சிவகங்கை, 

சிவகங்கை மருத்துவக் கல்லூரியில் கொரோனா சிகிச்சை பிரிவில் பணிபுரியும் டாக்டர்கள் மற்றும் சுகாதார பணியாளர்களுக்கு பாதுகாப்பு உபகரணங்கள் மற்றும் கவச உடைகள் வழங்கும் நிகழ்ச்சி சிவகங்கை கலெக்டர் அலுவலகத்தில் நடைபெற்றது. நிகழ்ச்சிக்கு கலெக்டர் ஜெயகாந்தன் தலைமை தாங்கினார். மானாமதுரை எம்.எல்.ஏ. நாகராஜன் முன்னிலை வகித்தார். அமைச்சர் பாஸ்கரன் கலந்துகொண்டு பாதுகாப்பு கவச உடைகள் மற்றும் பாதுகாப்பு உபகரணங்களை மருத்துவக் கல்லூரி முதல்வர் ரெத்தினவேலிடம் வழங்கினார். தொடர்ந்து அவர் பேசியதாவது:-

சிவகங்கை மற்றும் ராமநாதபுரம் மாவட்டங்களில் கொரோனாவால் பாதிக்கப்பட்டவர்கள் சிவகங்கை மருத்துவக் கல்லூரி மருத்துவமனையில் சிகிச்சை பெற்று வருகின்றனர். இவர்களுக்கு சிகிச்சை மேற்கொண்டு வரும் டாக்டர்களுக்கு தேவையான அனைத்து உட்கட்டமைப்பு வசதி, உபகரணங்கள், மருந்துகள் உள்ளிட்டவைகளை அரசு வழங்கி வருகிறது.

எஸ்.புதூர் ஊராட்சி ஒன்றியத்தைச் சேர்ந்த மாவட்ட ஊராட்சிக்குழு உறுப்பினர் பாஸ்கரன் தனது சொந்த செலவில் ரூ.10 லட்சம் மதிப்பீட்டில் டாக்டர்கள் மற்றும் சுகாதார பணியாளர்களுக்கு பாதுகாப்பு கவச உடைகள், முக கவசம், கையுறை, கிருமிநாசினி மருந்துகள் ஆகியவற்றை வழங்கியுள்ளார். இவ்வாறு அவர் கூறினார்.

நிகழ்ச்சியில் மாவட்ட வருவாய் அலுவலர் லதா, சிவகங்கை வருவாய் கோட்டாட்சியர் சிந்து, மருத்துவக் கல்லூரி கண்காணிப்பு மருத்துவர் சையது முகமது, ராமநாதபுரம் மற்றும் சிவகங்கை மாவட்ட கூட்டுறவு அச்சக தலைவர் சசிக்குமார், கூட்டுறவு விற்பனை பண்டகசாலை தலைவர் ஆனந்தன் மற்றும் அரசு அலுவலர்கள் உள்பட பலர் கலந்து கொண்டனர்.

தொடர்புடைய செய்திகள்

1. பெரம்பலூரில் டாக்டர்கள், போலீஸ் இன்ஸ்பெக்டர் உள்பட 69 பேருக்கு தொற்று: அரியலூரில் 51 பேர் பாதிப்பு
பெரம்பலூரில் டாக்டர்கள், போலீஸ் இன்ஸ்பெக்டர் உள்பட 69 பேருக்கு தொற்று உறுதி செய்யப்பட்டது.
2. சிவகங்கை மாவட்டத்தில் பிளஸ்-2 தேர்வில் 95.65 சதவீதம் தேர்ச்சி - மாவட்ட முதன்மை கல்வி அதிகாரி தகவல்
சிவகங்கை மாவட்டத்தில் பிளஸ்-2 தேர்வில் 95.65 சதவீதம் பேர் தேர்ச்சி பெற்றுள்ளனர்.
3. சிவகங்கை அருகே ராணுவ வீரர் தாய்-மனைவி கொலை நகை-பணம் கொள்ளை
சிவகங்கை அருகே ராணுவ வீரரின் வீட்டுக்குள் புகுந்து தாய்-மனைவியை கொலை செய்து விட்டு நகை-பணத்தை கொள்ளையடித்து சென்ற மர்ம கும்பல்
4. கடலூர் மாவட்டத்தில் டாக்டர்கள், ஊரக வளர்ச்சித்துறை அதிகாரி உள்பட 64 பேருக்கு கொரோனா
கடலூர் மாவட்டத்தில் டாக்டர்கள், ஊரக வளர்ச்சித்துறை அதிகாரி உள்பட 64 பேருக்கு கொரோனா பாதிப்பு உறுதியானது. மேலும் கூடுதல் கலெக்டர் ராஜகோபால் சுங்கரா தனிமைப்படுத்திக்கொண்டார்.
5. உணவுக்குழாயில் கேரட், பீட்ரூட் அடைத்துக்கொண்ட சினை பசுமாட்டை அறுவை சிகிச்சை செய்து காப்பாற்றிய டாக்டர்கள்
உணவுக்குழாயில் கேரட், பீட்ரூட் அடைத்துக்கொண்ட சினை பசுமாட்டை அறுவை சிகிச்சை செய்து டாக்டர்கள் காப்பாற்றினார்கள்.

ஆசிரியரின் தேர்வுகள்...