<
மேட்டூர் அருகே, கட்டிட தொழிலாளி வெட்டிக்கொலை - மகன் வெறிச்செயல்
மேட்டூர் அருகே கட்டிட தொழிலாளியை மகன் வெட்டிக்கொலை செய்தார். இது குறித்து போலீஸ் தரப்பில் கூறப்பட்டதாவது:-
மேட்டூர்,
சேலம் மாவட்டம் மேட்டூர் அருகே உள்ள மோட்டூர் காட்டுவளவு பகுதியை சேர்ந்தவர் சக்தியண்ணன் (வயது 75). கட்டிட தொழிலாளி. இவரது மனைவி அய்யம்மாள். இவர்களது மகன் மதிவாணன் (35). இவர்கள் அனைவரும் ஒரே வீட்டில் வசித்து வந்தனர். மதிவாணன் மனநலம் பாதிக்கப்பட்டு, அதற்காக டாக்டரிடம் சிகிச்சை பெற்று வந்ததாக கூறப்படுகிறது.
இந்த நிலையில் நேற்று முன்தினம் இரவு சிமெண்டு பூச பயன்படுத்தப்படும் கலவை கரண்டியை எடுத்து மதிவாணன், தனது தந்தை சக்தியண்ணனை சரமாரியாக வெட்டினார். இதில் ரத்தவெள்ளத்தில் துடிதுடித்து அவர் இறந்தார். இதைப்பார்த்து அய்யம்மாள் அதிர்ச்சி அடைந்தார். இது குறித்து கருமலைக்கூடல் போலீசாருக்கு தகவல் தெரிவிக்கப்பட்டது.
அதன் பேரில் போலீசார் சம்பவ இடத்துக்கு விரைந்து சென்றனர். தொடர்ந்து சக்தியண்ணனின் உடலை கைப்பற்றி பிரேத பரிசோதனைக்காக மேட்டூர் அரசு ஆஸ்பத்திரிக்கு அனுப்பி வைத்தனர். பின்னர் வெறிச்செயலில் ஈடுபட்ட அவரது மகன் மதிவாணனை பிடித்துச்சென்று போலீசார் விசாரணை நடத்தி வருகிறார்கள்.
இது குறித்து போலீசார் கூறுகையில், மனநலம் பாதிக்கப்பட்டதால், தந்தை என்று கூட பாராமல், மதிவாணன், சக்தியண்ணனை வெட்டிக்கொலை செய்தாரா? அல்லது வேறு ஏதேனும் காரணம் உள்ளதா? என விசாரணை நடத்தி வருகிறோம் என்றனர்.
இந்த சம்பவம் மேட்டூர் பகுதியில் பரபரப்பை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
