<
கிருஷ்ணகிரி மாவட்டத்தில் பணம் வைத்து சூதாடிய 26 பேர் கைது
கிருஷ்ணகிரி மாவட்டத்தில் பணம் வைத்து சூதாடியதாக 26 பேரை போலீசார் கைது செய்தனர்.
ஓசூர்,
கிருஷ்ணகிரி மாவட்டம் ஓசூர் டவுன் போலீசார் தொரப்பள்ளி - கொல்லப்பள்ளி சாலையில் ஊராட்சி ஒன்றிய தொடக்கப்பள்ளி பகுதியில் ரோந்து சென்றனர். அங்கு பணம் வைத்து சூதாடிய கொத்தூரைச் சேர்ந்த ரமேஷ் (வயது 36), மணி (23), தொரப்பள்ளி சர்தார் (34) ஆகிய 3 பேரை போலீசார் கைது செய்தனர். அவர்களிடம் இருந்து ரூ.2,050 பறிமுதல் செய்யப்பட்டது.
ஓசூர் அட்கோ போலீசார் கதிரேப்பள்ளி கிருஷ்ணசாமி கோவில் பகுதியில் ரோந்து சென்றனர். அங்கு பணம் வைத்து சூதாடிய அதே பகுதியைச் சேர்ந்த சீனிவாசன் (39), வெங்கடேசன் (35), கிருஷ்ணமூர்த்தி (23), ரமேஷ் (40), மூர்த்தி (32), மஞ்சுநாத் (20) ஆகிய 6 பேரை போலீசார் கைது செய்தனர். அவர்களிடம் இருந்து ரூ.5,050 பறிமுதல் செய்யப்பட்டது.
மத்திகிரி போலீசார் பூனப்பள்ளி ஏரி பகுதியில் ரோந்து சென்றனர். அங்கு பணம் வைத்து சூதாடியதாக அதேபகுதியை சேர்ந்த வினய் (29), கிருஷ்ணன் (36), சந்தோஷ் (30), அசோக் (39), விஸ்வநாத் (33), ராமண்ணா (32), பிரசாத் (29), ரவி (40), வெங்கடேஷ் (36) ஆகிய 9 பேரை போலீசார் கைது செய்தனர். அவர்களிடம் இருந்து ரூ.2,200 பறிமுதல் செய்யப்பட்டது.
கந்திகுப்பம் போலீசார் தாண்டவன்பள்ளம் அருகே நக்கல்குட்டை பகுதியில் ரோந்து சென்றனர். அங்கு பணம் வைத்து சூதாடிய வரட்டனப்பள்ளி மேல் தெருவை சேர்ந்த சிவக்குமார் (29), கணேசன் (40), சங்கர் (45), சக்தி (36) ஆகிய 4 பேரையும் போலீசார் கைது செய்தனர். அவர்களிடம் இருந்து ரூ.240 பறிமுதல் செய்யப்பட்டது.
அஞ்செட்டி போலீசார் தக்கட்டி பகுதியில் ரோந்து சென்றனர். அங்கு பணம் வைத்து சூதாடியதாக பி.ராசிபுரத்தைச் சேர்ந்த மாதேவா (38), முனிராஜ் (45), மணி (28), முனியப்பா (35) ஆகிய 4 பேரையும் போலீசார் கைது செய்தனர். அவர்களிடம் இருந்து ரூ.750 பறிமுதல் செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
