மாவட்ட செய்திகள்

34 நாட்களுக்கு பிறகு திருபுவனை, முத்தியால்பேட்டை பகுதிகளில் கட்டுப்பாடுகள் தளர்வு + "||" + After 34 days, restrictions will be relaxed in Thirubuvanai and Muthialpet areas

34 நாட்களுக்கு பிறகு திருபுவனை, முத்தியால்பேட்டை பகுதிகளில் கட்டுப்பாடுகள் தளர்வு

34 நாட்களுக்கு பிறகு திருபுவனை, முத்தியால்பேட்டை பகுதிகளில் கட்டுப்பாடுகள் தளர்வு
34 நாட்களுக்கு பிறகு திருபுவனை மற்றும் முத்தியால்பேட்டை பகுதியில் கட்டுப்பாடுகள் தளர்த்தப்பட்டது.
புதுச்சேரி,

விழுப்புரம் மாவட்டம் விக்கிரவாண்டியை சேர்ந்த நபர் ஒருவர் திருக்கனூர் பகுதிக்கு வந்து சென்றார். அவருக்கு கொரோனா பாதிப்பு இருப்பது உறுதி செய்யப்பட்டதை தொடர்ந்து, கொரோனா பீதியில் திருக்கனூர் புதுநகர், காந்திநகர் உள்ளிட்ட பகுதிகள் கடந்த மாதம் 1-ந் தேதி சீல் வைக்கப்பட்டு தனிமைப்படுத்தப்பட்டன. இங்கிருந்து வெளியே செல்லவும், வெளியாட்கள் இங்கே வரவும் தடை விதிக்கப்பட்டு, போலீஸ் பாதுகாப்பு போடப்பட்டது. இதேபோல் முத்தியால்பேட்டை பகுதியும் கொரோனா பீதியால் கட்டுப்பாட்டு மண்டலமாக அறிவிக்கப்பட்டு, அந்த பகுதி சீல் வைக்கப்பட்டது.


இந்த நிலையில் திருக்கனூர், முத்தியால்பேட்டை பகுதியில் கடந்த 3-ந் தேதிக்கு பிறகு சீல் அகற்றப்பட்டு, கட்டுப்பாடுகள் தளர்த்தப்படும் என்று முதல்-அமைச்சர் சில நாட்களுக்கு முன்பு அறிவித்திருந்தார். அதன்படி நேற்று காலை சுகாதாரத்துறை அதிகாரிகளின் அறிவுறுத்தலின்படி திருபுவனை, முத்தியால்பேட்டை பகுதியில் கட்டுப்பாடுகள் தளர்த்தப்பட்டன.

மக்கள் மகிழ்ச்சி

திருபுவனையில் டி.பி.ஆர்.செல்வம், போலீஸ் சூப்பிரண்டு ரங்கநாதன், வில்லியனூர் சப்-கலெக்டர் சஷ்வத் சவுரப், தாசில்தார் அருணையா ஆகியோர் கட்டுப்பாட்டு மண்டலம் பகுதியில் இருந்த தடுப்பு வேலிகளை அகற்றினர். இந்த நிகழ்ச்சியில் சுகாதார நிலைய மருத்துவர் பாலசுப்பிரமணியன், போலீஸ் இன்ஸ்பெக்டர் கிட்லா சத்தியநாராயணா மற்றும் அதிகாரிகள் கலந்து கொண்டனர். கட்டுப்பாடுகள் தளர்த்தப்பட்டதால், கடந்த 34 நாட்களாக வீட்டுக்குள்ளே முடங்கியிருந்த மக்கள் மகிழ்ச்சி அடைந்தனர்.

3,281 பேருக்கு பரிசோதனை

இந்த நிலையில் கொரோனா தடுப்பு நடவடிக்கைகள் குறித்து சுகாதாரத் துறை அமைச்சர் மல்லாடி கிருஷ்ணாராவ் நேற்று நிருபர்களுக்கு பேட்டியளித்தார். அப்போது அவர் கூறியதாவது:-

புதுச்சேரி மாநிலத்தில் மூன்று பேர் கொரோனா வைரஸ் தொற்றினால் பாதிக் கப்பட்டு சிகிச்சை பெற்று வருகின்றனர். இதுவரை 4 லட்சத்து 14 ஆயிரம் குடும்பங்களுக்கு வீடு வீடாக சென்று சுகாதார ஊழியர்கள் ஆய்வு நடத்தியுள்ளனர். 3 ஆயிரத்து 281 பேருக்கு கொரோனா பரிசோதனை செய்யப்பட்டு உள்ளது.

கட்டுப்பாட்டு மண்டலத்தில் இருந்த முத்தியால்பேட்டை, திருக்கனூர் பகுதிகளுக்கு தற்போது தளர்வு வழங்கப்பட்டுள்ளது. தமிழக பகுதியில் இருந்து சிறு சிறு காரணங்களுக்காக புதுச்சேரிக்கு வருகின்றனர். அவர் களை அனுமதிக்க கூடாது என்றும் தெரிவிக்கப்பட்டுள்ளது. மருத்துவ சிகிச்சைக்காக வந்தால் கூட அவசர சிகிச்சைக்காக வருபவர்களை மட்டுமே அனுமதிக்க கூறி உள்ளோம்.

கொரோனா தொற்று இல்லை

புதுவையில் மதுக்கடைகள் திறக்கவும் வாய்ப்பு உள்ளது. ஏனெனில் பக்கத்து மாநிலங் களில் இதற்கான அறிவிப்புகள் வந்துள்ளன. இது தொடர்பாக முதல்-அமைச்சர் முடிவு எடுப்பார். கோயம்பேடு மார்க்கெட் பகுதியில் இருந்து கொரோனா வைரஸ் தொற்று அதிக அளவில் பரவியுள்ளது. புதுவையிலும் கோயம்பேடு வியாபாரிகளுடன் தொடர்பில் இருந்த 157 பேரின் உமிழ்நீர் மாதிரிகள் சோதிக்கப்பட்டதில், அவர்களுக்கு தொற்று இல்லை என்று அறிக்கை வந்துள்ளது.

இவ்வாறு அமைச்சர் மல்லாடி கிருஷ்ணாராவ் கூறினார்.


தொடர்புடைய செய்திகள்

1. பாகூர் பகுதியில் பணியாற்றும் வடமாநில தொழிலாளர்கள் சொந்த ஊர் செல்ல விரும்பவில்லை போலீஸ் அதிகாரிகளிடம் தெரிவித்தனர்
பாகூர் பகுதியில் பணியாற்றும் வடமாநில தொழிலாளர்கள், சொந்த ஊர் செல்ல விரும்பவில்லை என்று போலீஸ் அதிகாரிகளிடம் தெரிவித்தனர்.
2. ஊரடங்கு கட்டுப்பாடுகள் மேலும் தளர்வு: நெல்லையில் பெரும்பாலான கடைகள் திறக்கப்பட்டன
ஊரடங்கு கட்டுப்பாடுகள் மேலும் தளர்த்தப்பட்டது. இதனால் நெல்லையில் பெரும்பாலான கடைகள் திறக்கப்பட்டன. இதன் காரணமாக சாலைகளில் போக்குவரத்து நெரிசல் ஏற்பட்டது.
3. ஊரடங்கு கட்டுப்பாடுகள் தளர்வு: வேலூர் மாவட்டத்தில் 47 நாட்களுக்கு பிறகு கடைகள் திறப்பு
ஊரடங்கு கட்டுப்பாடுகள் தளர்வு செய்யப்பட்டதால் வேலூர் மாவட்டத்தில் 47 நாட்களுக்கு பிறகு கடைகள் திறக்கப்பட்டன.
4. திண்டுக்கல் மாவட்டம் முழுவதும் பெரிய, சிறிய தொழில் நிறுவனங்கள் செயல்பட அனுமதி
திண்டுக்கல் மாவட்டத்தில் பெரிய, சிறிய தொழில் நிறுவனங்கள் செயல்படுவதற்கு அனுமதி வழங்கப்பட்டு இருக்கிறது.
5. ஊரடங்கு தளர்வு 43 நாட்களுக்கு பிறகு கடைகள் திறப்பு கோவையில் சிறு,குறு தொழிற்சாலைகள் இயங்கின
ஊரடங்கு தளர்த்தப்பட்டதால் கோவையில் 43 நாட்களுக்கு பிறகு கடைகள் திறக்கப்பட்டது. சிறு, குறு தொழிற்சாலைகள் இயங்கின. தொழிலாளர்கள் முகக்கவசம் அணிந்து வேலைக்கு சென்றனர்.