மாவட்ட செய்திகள்

மதுரையில் வீட்டில் பதுக்கிய வெடிகுண்டுகள் சிக்கின + "||" + In Madurai Homemade bombs were trapped

மதுரையில் வீட்டில் பதுக்கிய வெடிகுண்டுகள் சிக்கின

மதுரையில் வீட்டில் பதுக்கிய வெடிகுண்டுகள் சிக்கின
மதுரையில் வீட்டில் பதுக்கிய வெடிகுண்டுகள் சிக்கிய சம்பவம் பரபரப்பை ஏற்படுத்தியுள்ளது.
மதுரை, 

மதுரை சம்மட்டிபுரத்தை சேர்ந்தவர் சரத்குமார் (வயது 28). இவர் மீது வழக்குகள் உள்ளன. நேற்று முன்தினம் இரவு சம்மட்டிபுரத்தில் இரு கோஷ்டியினர் போதையில் மோதிக் கொண்டனர். இதில் ஒருதரப்பினர் மோதல் குறித்து சரத்குமாரிடம் தெரிவித்தனர். அவர் இருதரப்பினரையும் சமரசம் செய்து விட்டு அங்கிருந்து சென்று விட்டார். இதற்கிடையில் தகவல் அறிந்து எஸ்.எஸ்.காலனி போலீசார் அங்கு விரைந்து வந்தனர். மோதிக்கொண்ட இருதரப்பினரையும் பிடித்து விசாரித்தனர். அப்போது போலீசாரால் தேடப்பட்டு வந்த சரத்குமார் அங்கு வந்து சென்றது தெரியவந்தது. உடனே போலீசார் சரத்குமாரை சுற்றி வளைத்து பிடித்தனர்.

அவரிடம் விசாரித்த போது, நாட்டு வெடிகுண்டுகள் வைத்திருப்பதாக கூறினார். மேலும் அதனை தன்னுடைய நண்பர் நிதிஷ்குமாருக்கு சொந்தமான இடத்தில் உள்ள ஒரு கூரை விட்டில் பதுக்கி வைத்திருப்பதாகவும் தெரிவித்துள்ளார். அதை தொடர்ந்து போலீசார் நேற்று சம்மட்டிபுரம் பாரதிநகரில் உள்ள அந்தகூரை வீட்டிற்கு வெடிகுண்டு தடுப்பு பிரிவு போலீசாருடன் சென்றனர். அங்கு சோதனை செய்த போது ஒரு பையில் 3 நாட்டு வெடிகுண்டுகள் இருந்ததை கண்டனர். உடனே வெடிகுண்டு தடுப்பு பிரிவு போலீசார் அதனை பாதுகாப்பாக அங்கிருந்து கொண்டு சென்றனர்.

பின்னர் போலீசார் அந்த இடத்தின் உரிமையாளர் நிதிஷ்குமாரையும் பிடித்தனர். மேலும் அவர்கள் எதற்காக அந்த வெடிகுண்டுகளை அங்கு பதுக்கி வைத்திருந்தார்கள், அதற்கான பின்னணி என்ன, அவர்களுக்கு வெடிகுண்டு எப்படி கிடைத்தது? என்பது குறித்து தொடர்ந்து விசாரணை நடத்தி வருகிறார்கள். இந்த சம்பவம் அந்த பகுதியில் பரபரப்பை ஏற்படுத்தியது.

தொடர்புடைய செய்திகள்

1. மதுரையில் டிஜிட்டல் முறையில் மொய் பணம் வசூலிப்பு; திருமண விழாவில் அசத்திய மணமக்கள்
தென் மாவட்டங்களில் குறிப்பாக மதுரையில் மொய் எழுதுவது மிகவும் விசேஷம். இந்த மொய் பெறும் பழக்கம் திருமணம், காதுகுத்து, பூப்புனித நீராட்டு விழா போன்ற குடும்ப விழாக்களில் காலம், காலமாக இருந்து வருகிறது.
2. மதுரையில் இருந்து சென்னை செல்லும் ரெயில்களில் காத்திருப்போர் பட்டியலில் கூட இடம் இல்லை; பயணிகள் கடும் தவிப்பு
தென் மாவட்டங்களில் இருந்து சென்னை செல்லும் எக்ஸ்பிரஸ் ரெயில்களில் காத்திருப்போர் பட்டியலும் முடிந்து முன் பதிவு செய்ய முடியாமல் ரெயில் பெட்டிகள் பயணிகள் கூட்டத்தால் நிரம்பி வழிகிறது.
3. வாரம் இருமுறை ராமேசுவரத்தில் இருந்து மதுரை, கோவை வழியாக மங்களூருக்கு புதிய ரெயில் - தென்னக ரெயில்வே பரிந்துரை
ராமேசுவரத்தில் இருந்து மதுரை, கோவை வழியாக மங்களூருக்கு வாரம் இருமுறை எக்ஸ்பிரஸ் ரெயில் இயக்க ரெயில்வே வாரியத்துக்கு பரிந்துரை செய்துள்ளதாக தென்னக ரெயில்வே பொதுமேலாளர் தெரிவித்துள்ளார்.
4. மதுரையில் நடைபெற உள்ள ஜல்லிக்கட்டு போட்டிகளுக்கான அரசாணையை வெளியிட்டது தமிழக அரசு
மதுரை மாவட்டத்தில் இந்த ஆண்டு நடைபெற உள்ள ஜல்லிக்கட்டு போட்டிகளுக்கான அரசாணையை தமிழக அரசு வெளியிட்டுள்ளது.
5. மதுரையில் மருத்துவ கல்லூரி மாணவிகள் 3 பேருக்கு கொரோனா தொற்று
மதுரையில் மாணவர்களை தொடர்ந்து மருத்துவ கல்லூரி மாணவிகள் 3 பேருக்கு கொரோனா தொற்று உறுதி செய்யப்பட்டுள்ளது.