மாவட்ட செய்திகள்

கிருஷ்ணகிரி மாவட்டத்தில் ஒரே நாளில் ரூ.6 கோடிக்கு மது விற்பனை + "||" + Krishnagiri district sells liquor for Rs 6 crore in a single day

கிருஷ்ணகிரி மாவட்டத்தில் ஒரே நாளில் ரூ.6 கோடிக்கு மது விற்பனை

கிருஷ்ணகிரி மாவட்டத்தில் ஒரே நாளில் ரூ.6 கோடிக்கு மது விற்பனை
கிருஷ்ணகிரி மாவட்டத்தில் நேற்று முன்தினம் ஒரே நாளில் ரூ.6 கோடிக்கு மது விற்பனை ஆகி உள்ளது.
கிருஷ்ணகிரி,

கொரோனா வைரஸ் பரவுவதை தடுக்க நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. இந்த உத்தரவு வருகிற 17-ந் தேதி வரை நீட்டிக்கப்பட்டுள்ளது. இந்த நிலையில் கடந்த 4-ந் தேதி முதல் தமிழ்நாட்டில் சில கட்டுப்பாடுகள் தளர்த்தப்பட்டது. அதில் ஒரு பகுதியாக சென்னை மாநகரம் நீங்கலாக டாஸ்மாக் கடைகள் அனைத்தும் 7-ந் தேதி (நேற்று முன்தினம்) முதல் இயங்கும் என அறிவிக்கப்பட்டது.


இதைத் தவிர கொரோனா பாதிப்பு காரணமாக கட்டுப்பாடுகள் விதிக்கப்பட்ட பகுதிகளில் உள்ள டாஸ்மாக் கடைகள் திறக்கப்படாது என்று அறிவிக்கப்பட்டது. இதனிடையே கிருஷ்ணகிரி மாவட்டத்தில் மொத்தம் 119 டாஸ்மாக் கடைகள் உள்ளன. இந்த கடைகளுக்கு கடந்த 6-ந் தேதி கிருஷ்ணகிரி டாஸ்மாக் குடோனில் இருந்து மது வகைகள் லாரிகள் மூலமாக அனுப்பி வைக்கப்பட்டன.

ரூ.6 கோடிக்கு மது விற்பனை

அதைத் தொடர்ந்து அனைத்து கடைகள் முன்பும், சமூக இடைவெளியை கடைபிடித்தும், முக கவசம் அணிந்தும் மதுபான வகைகளை பெற்றுக் கொள்ள அறிவுறுத்தப்பட்டது. இதையடுத்து நேற்று முன்தினம் காலை 8 மணி முதலே மதுக்கடைகளின் முன்பு மதுபிரியர்கள் நீண்ட வரிசையில் நின்றார்கள். காலை 10 மணிக்கு மது விற்பனை தொடங்கியது.

முதலில் 50 வயதுக்கு மேற்பட்டவர்களும், பிறகு 40 முதல் 50 வயதிற்கு உட்பட்டவர்களும், கடைசியாக 40 வயதிற்கு கீழே உள்ளவர்களுக்கு மது வகைகள் வழங்கப்பட்டன. மது கடைகள் திறந்ததால் மது பிரியர்கள் மகிழ்ச்சியில் நீண்ட நேரம் நின்று மது வகைகளை பெற்று சென்றார்கள். அந்த வகையில் கிருஷ்ணகிரி மாவட்டத்தில் மட்டும் ரூ.6 கோடிக்கு மது வகைகள் விற்பனை ஆனது. மது வகைகள் 8,800 பெட்டிகளும், பீர் 2,200 பெட்டிகளும் விற்பனை ஆனதாக அதிகாரிகள் தெரிவித்தனர்.


தொடர்புடைய செய்திகள்

1. திருப்பூர் மார்க்கெட்டில் மீன் விற்பனை அமோகம் 30 டன் விற்று தீர்ந்தது
திருப்பூர் தென்னம்பாளையத்தில் உள்ள மீன் மார்க்கெட்டுக்கு நேற்று முன்தினம் இரவு ஆந்திராவில் இருந்து 30 டன் வளர்ப்பு மீன்கள் விற்பனைக்கு கொண்டு வரப்பட்டது.
2. நாமக்கல் மாவட்டத்தில் மது, கள், சாராயம் விற்பனை செய்த 333 பேர் கைது
நாமக்கல் மாவட்டத்தில் ஊரடங்கு தொடங்கிய நாள் முதல் இதுவரை சட்டவிரோதமாக மதுபானம், கள், சாராயம் விற்பனை செய்த 333 பேர் கைது செய்யப்பட்டு இருப்பதாக போலீஸ் சூப்பிரண்டு அருளரசு தெரிவித்து உள்ளார்.
3. விருத்தாசலத்தில் டோக்கன் வைத்திருப்பவர்களுக்கு மட்டுமே மது விற்பனை
டோக்கன் வைத்திருப்பவர்களுக்கு மட்டுமே மது விற்பனை டாஸ்மாக் ஊழியர்களுக்கு போலீஸ் அறிவுறுத்தல்.
4. ஊரடங்கு காலத்தில் மது விற்பனை செய்தது தொடர்பாக சி.பி.ஐ. விசாரணை கவர்னர் கிரண்பெடி தகவல்
ஊரடங்கு காலத்தில் திருட்டுத்தனமாக மது விற்பனை செய்தது தொடர்பாக சி.பி.ஐ. விசாரணை நடப்பதாக கவர்னர் கிரண்பெடி தெரிவித்துள்ளார்.
5. தர்மபுரி மார்க்கெட்டில் பூக்கள் விற்பனை சரிவு குப்பை வண்டியில் ஏற்றி சென்றனர்
தர்மபுரி பூ மார்க்கெட்டில் பூக்கள் விற்பனை சரிவால் அவற்றை குப்பை வண்டியில் நகராட்சி ஊழியர்கள் ஏற்றி சென்றனர்.