மாவட்ட செய்திகள்

தொற்று அதிகரிக்கும் என்பதால் கொரோனா தடுப்பு நடவடிக்கையை தீவிரப்படுத்த வேண்டும் தொல்.திருமாவளவன் பேட்டி + "||" + Coronation prevention should be intensified as infection increases, says Thirumalavan

தொற்று அதிகரிக்கும் என்பதால் கொரோனா தடுப்பு நடவடிக்கையை தீவிரப்படுத்த வேண்டும் தொல்.திருமாவளவன் பேட்டி

தொற்று அதிகரிக்கும் என்பதால் கொரோனா தடுப்பு நடவடிக்கையை தீவிரப்படுத்த வேண்டும் தொல்.திருமாவளவன் பேட்டி
தொற்று அதிகரிக்கும் என்பதால் கொரோனா தடுப்பு நடவடிக்கையை தீவிரப்படுத்த வேண்டும் என்று தொல்.திருமாவளவன் கூறினார்.
கடலூர்,

விடுதலை சிறுத்தைகள் கட்சி தலைவர் தொல்.திருமாவளவன் நேற்று கடலூருக்கு வந்தார். அப்போது அவர், கடலூர் மாவட்ட கலெக்டர் அன்புசெல்வனை சந்தித்து கோரிக்கைகள் தொடர்பான மனு அளித்தார். அவருடன் துரை.ரவிக்குமார் எம்.பி., கடலூர் நாடாளுமன்ற தொகுதி செயலாளர் பா.தாமரைச்செல்வன் மற்றும் நிர்வாகிகள் உடனிருந்தனர். பின்னர் விடுதலை சிறுத்தைகள் கட்சி தலைவர் தொல்.திருமாவளவன் நிருபர்களுக்கு பேட்டி அளித்தார். அப்போது அவர் கூறியதாவது:-


நிவாரணம் கிடைக்க நடவடிக்கை

100 நாள் வேலை திட்டத்தை உடனடியாக தொடங்க வேண்டும். தொடர்ச்சியாக 50 நாட்களுக்கு வேலை வழங்க வேண்டும். நீர்நிலைகளை தூர்வாரும் பணிகளுக்கு முன்னுரிமை வழங்க வேண்டும். உலக சுகாதார நிறுவனம் ஜூன், ஜூலை மாதங்களில் நோய்த்தொற்று பரவல் அதிகரிக்கும் என தெரிவித்துள்ளதால் தடுப்பு நடவடிக்கையை தீவிரப்படுத்த வேண்டும்.

சிப்காட் பகுதியில் உள்ள ரசாயன தொழிற்சாலைகளை மீண்டும் திறக்க அறிவிப்பு வந்தால் அதற்கு முன் தொழிற்பேட்டையை பரிசோதித்து ஆபத்தில்லாமல் இயங்குமா? என்று சுற்றுச்சூழல் துறை அதிகாரிகளிடம் சான்று பெற வேண்டும். அந்த சான்று வந்த பின்னரே தொழிற்சாலைகள் தொடங்குவதற்கு அனுமதி கொடுக்க வேண்டும். சிதம்பரம் நாடாளுமன்ற தொகுதிக்குட்பட்ட 3 சட்டமன்ற தொகுதிகளில் நாடாளுமன்ற மேம்பாட்டு தொகுதி நிதியை ஒதுக்கீடு செய்திருக்கிறோம். அதற்கான பணிகளை தொடங்க உடனடியாக ஆணை பிறப்பிக்க வேண்டும்.

கனவு திட்டம்

மத்திய அரசிடம் நிதி இருக்கிறதா?, இல்லையா? என்பது கேள்வி அல்ல. ஆட்சி நிர்வாகத்தில் உள்ள பிரதமர் மோடி பொருளாதார நெருக்கடிகளை எதிர்கொள்ள கடமைப்பட்டுள்ளார். அந்த வகையில் இப்போது நெருக்கடியில் உடனடியாக பாதிக்கப்படும் மக்களுக்கு புலம்பெயரும் தொழிலாளர்களுக்கு மற்றும் தினக்கூலி தொழிலாளர்களுக்கு நேரடியாக நிவாரணம் கிடைக்கக்கூடிய வகையில் திட்டங்களை அறிவிக்க வேண்டும் என்பதுதான் எனது வேண்டுகோள்.

இப்போது அறிவித்துள்ள ஆத்மா நிர்மா பாரதற்சார்பு பொருளாதார திட்டம் கனவு திட்டமாகத்தான் தெரிகிறது. பொதுமக்களுக்கு உடனடியாக நிவாரணம் கிடைக்கக் கூடிய திட்டம் எதுவும் இல்லை. தாழ்த்தப்பட்டவர்களுக்கு ஏதாவது பிரச்சினையென்றால் திருமாவளவன் மட்டுமே கண்டிக்க வேண்டுமென எதிர்பார்ப்பது எந்த வகையிலான மனநிலை. தி.மு.க.வினரின் செயல்பாட்டினை நியாயப்படுத்தவில்லை. எனினும் ஏன் மற்றவர்கள் கண்டிக்கவில்லை என்பதே எனது கேள்வி.

இவ்வாறு அவர் கூறினார்.

தொடர்புடைய செய்திகள்

1. ஏற்கனவே அச்சிடப்பட்ட படிவத்தை பூர்த்தி செய்து தீர்ப்பு: மாஜிஸ்திரேட்டுகள் எந்திரத்தனமாக உத்தரவு பிறப்பிக்கக்கூடாது
ஏற்கனவே அச்சிடப்பட்ட படிவத்தை பூர்த்தி செய்து மாஜிஸ்திரேட்டு ஒருவர் தீர்ப்பு வழங்கிய விவகாரத்தை விசாரித்த ஐகோர்ட்டு, மாஜிஸ்திரேட்டுகள் எந்திரத்தனமாக உத்தரவு பிறப்பிக்கக்கூடாது என்று அறிவுறுத்தி உள்ளது.
2. முன்னாள் அமைச்சர் மணிகண்டன் ரூ.10 கோடி நஷ்டஈடு வழங்கவேண்டும் சைதாப்பேட்டை கோர்ட்டில் நடிகை மனு
முன்னாள் அமைச்சர் மணிகண்டன் ரூ.10 கோடி நஷ்டஈடு வழங்கவேண்டும் சைதாப்பேட்டை கோர்ட்டில் நடிகை மனு.
3. டுவிட்டர் பக்கம் முடக்கம்: நடிகை குஷ்பு டி.ஜி.பி.யிடம் பரபரப்பு புகார் மனு
நடிகை குஷ்புவின் டுவிட்டர் பக்கம் முடக்கப்பட்டுள்ளது. இது தொடர்பாக அவர் போலீஸ் டி.ஜி.பி. சைலேந்திரபாபுவிடம் புகார் கொடுத்து விட்டு பரபரப்பாக பேட்டி கொடுத்தார்.
4. அ.தி.மு.க.வில் நிர்வாகிகளை நியமிக்க தடை கேட்ட வழக்கை அபராதத்துடன் தள்ளுபடி செய்ய வேண்டும் ஐகோர்ட்டில் எடப்பாடி பழனிசாமி மனு
அ.தி.மு.க.வில் நிர்வாகிகளை நியமிக்க தடை கேட்ட வழக்கை அபராதத்துடன் தள்ளுபடி செய்ய வேண்டும் என்று கட்சியின் இணை ஒருங்கிணைப்பாளர் எடப்பாடி பழனிசாமி பதில் மனு தாக்கல் செய்துள்ளார்.
5. அரசின் அடிப்படை கடமையை எதிர்த்து பா.ஜ.க. தொடர்ந்த வழக்கை தள்ளுபடி செய்ய வேண்டும் ஐகோர்ட்டில் தமிழக அரசு பதில் மனு
அரசியலமைப்புச் சட்டத்தின் அடிப்படையில் ஒரு அரசின் அடிப்படை கடமையையும், பணியையும் தடுக்கும்விதமாக பா.ஜ.க. பொதுச்செயலாளர் கரு.நாகராஜன் தொடர்ந்துள்ள வழக்கை தள்ளுபடி செய்ய வேண்டும் என்று சென்னை ஐகோர்ட்டில் தமிழக அரசு பதில் மனு தாக்கல் செய்துள்ளது.