மாவட்ட செய்திகள்

காட்பாடியில் இருந்து 1,440 வடமாநில தொழிலாளர்கள் சிறப்பு ரெயிலில் பீகார் பயணம் - கலெக்டர் வழியனுப்பி வைத்தார் + "||" + From the Katpadi 1,440 North State workers Traveling to Bihar by special train - Collector

காட்பாடியில் இருந்து 1,440 வடமாநில தொழிலாளர்கள் சிறப்பு ரெயிலில் பீகார் பயணம் - கலெக்டர் வழியனுப்பி வைத்தார்

காட்பாடியில் இருந்து 1,440 வடமாநில தொழிலாளர்கள் சிறப்பு ரெயிலில் பீகார் பயணம் - கலெக்டர் வழியனுப்பி வைத்தார்
பீகார் மாநிலத்தை சேர்ந்த 1,440 தொழிலாளர்கள் காட்பாடியிலிருந்து சிறப்பு ரெயிலில் சொந்த மாநிலத்துக்கு புறப்பட்டனர். அவர்களை கலெக்டர் சண்முகசுந்தரம் வழியனுப்பி வைத்தார்.
காட்பாடி, 

கொரோனோ வைரஸ் தடுப்பு நடவடிக்கையின் காரணமாக பிறப்பிக்கப்படட ஊரடங்கால் தமிழகத்தின் பல்வேறு மாவட்டங்களில் முடங்கியுள்ள வடமாநிலத்தை சேர்ந்தவர்கள் சிறப்பு ரெயில்கள் மூலம் தமிழக அரசு அனுப்பி வைத்து வருகிறது. வேலூர் மாவட்ட நிர்வாகம் சார்பில் கடந்த 6-ந் தேதி முதல் காட்பாடியிலிருந்து சிறப்பு ரெயில்கள் மூலம் ஜார்க்கண்ட்,, பீகார், மேற்கு வங்க மாநிலங்களைச் சேர்ந்த சுமார் 9 ஆயிரம் பேர் 8 கட்டங்களாக சிறப்பு ரெயில்கள் மூலம் அவர்களுடைய மாநிலங்களுக்கு அனுப்பி வைக்கப்பட்டுள்ளனர்.

இதனை தொடர்ந்து 9-வது கட்டமாக பீகார் மாநிலத்தை சேர்ந்த நோயாளிகள் மற்றும் அவர்களுடைய உறவினர்கள் மற்றும் பல்வேறு தொழில்கள் செய்து வந்த தொழிலாளர்கள் பீகாருக்கு அனுப்பப்பட்டினர். வேலூரிலிருந்து 493 பேர், திருவண்ணாமலையில் இருந்து 248 பேர், ராணிப்பேட்டையில் இருந்து 404 பேர், திருப்பத்தூரில் இருந்து 295 பேர் என மொத்தம் 1, 440 பேர் நேற்று காட்பாடியில் இருந்து சிறப்பு ரெயில் மூலம் அனுப்பும் பணி நடந்தது.

அதன்படி வேலூர், ராணிப்பேட்டை, திருப்பத்தூர், திருவண்ணாமலை என பல்வேறு நகரங்களில் தங்கியிருந்தவர்கள் அரசு சிறப்பு பஸ்கள் மூலம் காட்பாடி ரெயில் நிலையத்திற்கு அழைத்து வரப்பட்டனர். அங்கு அவர்களுக்கு தெர்மல் ஸ்கேனர் மூலம் பரிசோதனை செய்த பின்னர் சிறப்பு ரெயில் பெட்டிகளில் ஏறி அமர்ந்தனர்.

அவர்களை வேலூர் மாவட்ட கலெக்டர் சண்முகசுந்தரம் மாவட்ட போலீஸ் சூப்பிரண்டு பிரவேஷ்குமார் ஆகியோர் வழியனுப்பி வைத்தனர் அப்போது மாவட்ட வருவாய் அலுவலர் பார்த்திபன், உதவி கலெக்டர்கள் கணேஷ், இளம்பகவத், காட்பாடி தாசில்தார் பாலமுருகன், ரெயில் நிலைய மேலாளர் ரவீந்திரநாத் ,காட்பாடி துணை போலீஸ் சூப்பிரண்டு துரைப்பாண்டியன் ஆகியோர் உடனிருந்தனர். முன்னதா அவர்களுக்கு உணவுப்பொருட்கள் அடங்கிய பை வழங்கப்பட்டது. காட்பாடி ரெயில் நிலையத்தில் இருந்து சிறப்பு ரெயில் நேற்று மாலை 6 மணிக்கு ஹராரியா நகரை நோக்கி புறப்பட்டு சென்றது.

தொடர்புடைய செய்திகள்

1. காட்பாடியில் பரிதாபம்: பிளஸ்-1 முடித்த இரட்டை சகோதரிகள் தூக்குப்போட்டு தற்கொலை
காட்பாடியில் பிளஸ்-1 முடித்த இரட்டை சகோதரிகள் தூக்குப்போட்டு தற்கொலை செய்து கொண்டனர். அவர்களது சாவுக்கு காரணம் என்ன? என்பது குறித்து போலீசார் விசாரணை நடத்தி வருகிறார்கள்.
2. காட்பாடியில் குடோனில் பதுக்கிய 1 டன் செம்மரக்கட்டைகள் பறிமுதல் - ரவுடி ஜானி கூட்டாளி கைது
பல்வேறு குற்ற வழக்குகளில் தொடர்புடைய ரவுடி ஜானி கூட்டாளியை போலீசார் கைது செய்தனர். அவர் கொடுத்த தகவலின்பேரில் குடோனில் பதுக்கி வைத்திருந்த 1 டன் செம்மரக்கட்டைகள் பறிமுதல் செய்யப்பட்டன.
3. காட்பாடியில் இருந்து கோரக்பூருக்கு 1,464 பேர் சிறப்பு ரெயில் மூலம் அனுப்பி வைப்பு
காட்பாடியில் இருந்து, மேற்கு வங்காள மாநிலம் கோரக்பூருக்கு 1,464 பேர் சிறப்பு ரெயில் மூலம் நேற்று அனுப்பிவைக்கப்பட்டனர்.
4. காட்பாடியில் இருந்து 3-வது கட்டமாக சிறப்பு ரெயில் மூலம் 1,139 பேர் பாட்னா அனுப்பி வைக்கப்பட்டனர்
காட்பாடியில் இருந்து 3-வது கட்டமாக சிறப்பு ரெயில் மூலம் பீகார் மாநிலத்தை சேர்ந்த 1,139 பேர் நேற்று பாட்னாவுக்கு அனுப்பி வைக்கப்பட்டனர்.