மாவட்ட செய்திகள்

டாஸ்மாக் கடையில் துளைபோட்டு கொள்ளை முயற்சி; 2 பேர் சிக்கினர் + "||" + Attempted burglary at a tasmac shop; 2 people were trapped

டாஸ்மாக் கடையில் துளைபோட்டு கொள்ளை முயற்சி; 2 பேர் சிக்கினர்

டாஸ்மாக் கடையில் துளைபோட்டு கொள்ளை முயற்சி; 2 பேர் சிக்கினர்
புவனகிரி அருகே டாஸ்மாக் கடையில் துளைபோட்டு கொள்ளை முயற்சியில் ஈடுபட்ட 2 வாலிபர்கள், ரோந்து சென்ற போலீஸ்காரரிடம் சிக்கினார்.
புவனகிரி, 

கடலூர் மாவட்டம் புவனகிரி அருகே உள்ள குறியாமங்கலம் கிராமத்தில் டாஸ்மாக் கடை உள்ளது. இங்கு வடலூரை சேர்ந்த சுந்தரம் பணி மேற்பார்வையாளராகவும், சுத்துகுழி கிராமத்தை சேர்ந்த செல்வகுமார் விற்பனையாளராகவும் உள்ளனர். இவர்கள் இருவரும் நேற்று முன்தினம் இரவு 7 மணிக்கு விற்பனையை முடித்த விட்டு கடையை பூட்டி விட்டு வீட்டுக்கு திரும்பினர்.

இந்த நிலையில் நள்ளிரவு 12 மணிக்கு டாஸ்மாக் கடை அமைந்துள்ள வழியாக புவனகிரி போலீஸ் ஏட்டு விவேகானந்தன் ரோந்து சென்றார். அப்போது டாஸ்மாக் கடையில் இருந்து சத்தம் கேட்டதால், அவர் அங்கு சென்று பார்த்தார். அப்போது 2 வாலிபர்கள் டாஸ்மாக் கடையின் சுவரில் துளையிட்டு கொள்ளையடிக்கும் முயற்சியில் ஈடுபட்டதை கண்டு அவர் அதிர்ச்சி அடைந்தார்.

இதையடுத்து அவர், 2 வாலிபர்களையும் கையும் களவுமாக பிடித்து போலீஸ் நிலையத்திற்கு அழைத்து சென்றார். தொடர்ந்து போலீசார் நடத்திய விசாரணையில், அவர்கள் ஆயிபுரத்தை சேர்ந்த லட்சுமிகாந்தன் மகன் முத்து(வயது 22), ராதாகிருஷ்ணன் மகன் மதியழகன்(23) என்பது தெரியவந்தது. இதையடுத்து 2 பேரையும் போலீசார் கைது செய்தனர். இந்த சம்பவம் அப்பகுதியில் பரபரப்பை ஏற்படுத்தி உள்ளது. இது பற்றி அறிந்ததும் சிதம்பரம் துணை போலீஸ் சூப்பிரண்டு கார்த்திகேயன், புவனகிரி போலீஸ் நிலையத்துக்கு வந்து, கொள்ளை முயற்சியை தடுத்து நிறுத்திய போலீஸ் ஏட்டு விவேகானந்தனை வெகுவாக பாராட்டி வெகுமதி வழங்கினார்.

தொடர்புடைய செய்திகள்

1. டாஸ்மாக் கடைகளில் கிரெடிட் கார்டு கொடுத்து மது வாங்கும் வசதி விரைவில் அறிமுகம்
அனைத்து டாஸ்மாக் கடைகளிலும் கிரெடிட் கார்டு கொடுத்து மது வாங்கிக்கொள்ளும் வசதி விரைவில் அறிமுகப்படுத்தப்பட உள்ளது.
2. டாஸ்மாக் கடைக்கு லாரியில் கொண்டு செல்லப்பட்ட ரூ.8 லட்சம் மதுபாட்டில்கள் திருட்டு
திருவாரூர் அருகே டாஸ்மாக் கடைக்கு லாரியில் கொண்டு செல்லப்பட்ட ரூ.8 லட்சம் மதுபாட்டில்களை திருடிச்சென்றது தொடர்பாக லாரியின் டிரைவர் உள்பட 5 பேரை போலீசார் கைது செய்தனர். கார் மற்றும் சரக்கு வேன் பறிமுதல் செய்யப்பட்டது.
3. கொரோனா பரவும் அபாயம்: டாஸ்மாக் கடைகளை மூட நடவடிக்கை எடுக்க வேண்டும்; கிராம மக்கள் மனு
அலங்காநல்லூரில் ஊரடங்கு நேரத்தில் செயல்படும் மதுக்கடைகளை மூட வலியுறுத்தி கிராம மக்கள் கலெக்டரிடம் மனு அளித்தனர்.
4. ஆலங்குடி அருகே புதிதாக டாஸ்மாக் கடை திறக்க எதிர்ப்பு; பொதுமக்கள் சாலை மறியல்
ஆலங்குடி அருகே வெண்ணாவல்குடியில் டாஸ்மாக் கடை இல்லை. தற்போது புதிதாக டாஸ்மாக் கடையை திறக்க சிலர் ஏற்பாடு செய்து, கடையையும் கட்டியுள்ளனர்.
5. ‘டாஸ்மாக்’ கடைகளில் கூடுதல் விலைக்கு மதுபானங்கள் விற்பனை வழக்கு: நிர்வாகத்துக்கு, ஐகோர்ட்டு உத்தரவு
‘டாஸ்மாக்’ கடைகளில் கூடுதல் விலைக்கு மதுபானங்கள் விற்பனை வழக்கு தொடர்பாக நிர்வாகத்துக்கு, ஐகோர்ட்டு உத்தரவிட்டுள்ளது.