மாவட்ட செய்திகள்

புஞ்சைபுளியம்பட்டியில் இருந்து சத்திக்கு 22 கிலோ மீட்டர் தூரம் நடந்து வந்த ஒடிசா மாநிலத்தினர் + "||" + From Punjipulyampatti to Sathi The people of Odisha are 22 kilometers walking

புஞ்சைபுளியம்பட்டியில் இருந்து சத்திக்கு 22 கிலோ மீட்டர் தூரம் நடந்து வந்த ஒடிசா மாநிலத்தினர்

புஞ்சைபுளியம்பட்டியில் இருந்து சத்திக்கு 22 கிலோ மீட்டர் தூரம் நடந்து வந்த ஒடிசா மாநிலத்தினர்
புஞ்சைபுளியம்பட்டியில் இருந்து சத்தியமங்கலத்துக்கு 22 கிலோ மீட்டர் தூரம் நடந்து வந்த ஒடிசா மாநிலத்தினரை போலீசார் தடுத்து நிறுத்தி திருப்பி அனுப்பி வைத்தனர்.

சத்தியமங்கலம், 

ஈரோடு மாவட்டம் சத்தியமங்கலம் அருகே உள்ள புஞ்சைபுளியம்பட்டியில் ஒரு நூற்பாலை செயல்பட்டு வருகிறது. இங்கு ஒடிசா மாநிலத்தை சேர்ந்தவர்கள் பலர் தங்கி இருந்து வேலை பார்த்து வருகிறார்கள். கொரோனா தொற்று ஊரடங்கு காரணமாக நூற்பாலையில் தங்கி இருந்த தொழிலாளர்கள் அவதிப்பட்டு வந்தனர்.

இந்த நிலையில் வடமாநிலங்களுக்கு ரெயில்கள் இயக்கப்படுவதாக தகவல் கிடைத்தது. இதைத்தொடர்ந்து நூற்பாலையில் தங்கி இருந்த 2 குடும்பங்களைச் சேர்ந்த 12 பேர் ரெயில் மூலம் சொந்த ஊருக்கு சென்றுவிடலாம் என நினைத்து தங்களுடைய பொருட்களை மூட்டைகளாக கட்டிக்கொண்டு நூற்பாலையில் இருந்து வெளியேறி ஈரோடு ரெயில் நிலையம் நோக்கி நடக்க தொடங்கினர்.

இவர்கள் 22 கிலோ மீட்டர் தூரம் நடந்து சத்தியமங்கலத்தில் உள்ள மைசூர் நெடுஞ்சாலையில் வந்து கொண்டு இருந்தனர்.

இதுபற்றி அறிந்ததும் சத்தியமங்கலம் போலீசார் விரைந்து சென்று நடந்து வந்தவர்களை தடுத்து நிறுத்தினர். பின்னர் அவர்களிடம் போலீசார் கூறுகையில், ‘ஒடிசா மாநிலத்துக்கு செல்லவேண்டும் என்றால் மாவட்ட நிர்வாகத்திடம் அனுமதி பெறவேண்டும். அனுமதி பெறாததால் நீங்கள் செல்லமுடியாது. மீறி நீங்கள் ரெயில் நிலையம் சென்றாலும், ரெயிலில் உங்களை அழைத்து செல்லமாட்டார்கள்,’ என தெரிவித்தனர்.

பின்னர் அனைத்து தொழிலாளர்களுக்கும் உணவு வழங்கி ஒரு வாகனத்தில் நூற்பாலைக்கு திருப்பி அனுப்பி வைத்தனர்.

தொடர்புடைய செய்திகள்

1. தேனியில் இருந்து வடமாநில தொழிலாளர்கள் 164 பேர் சொந்த ஊருக்கு அனுப்பி வைப்பு
தேனி மாவட்டத்தில் இருந்து மேற்கு வங்கம், உத்தரபிரதேசம் மாநிலங்களை சேர்ந்த தொழிலாளர்கள் 164 பேர் சொந்த ஊருக்கு அனுப்பி வைக்கப்பட்டனர்.
2. நீலகிரி மாவட்டத்தில் இருந்து வடமாநில தொழிலாளர்கள் 919 பேர் சொந்த ஊர்களுக்கு அனுப்பி வைப்பு
நீலகிரி மாவட்டத்தில் இருந்து வடமாநில தொழிலாளர்கள் 919 பேர் சொந்த ஊர்களுக்கு அனுப்பி வைக்கப்பட்டனர்.
3. திண்டுக்கல், தேனி மாவட்டங்களில் வேலை செய்த வடமாநில தொழிலாளர்கள் 1,875 பேர் ரெயில்களில் சொந்த ஊருக்கு அனுப்பி வைப்பு
திண்டுக்கல், தேனி மாவட்டங்களில் வேலை செய்த வடமாநிலங்களை சேர்ந்த 1,875 தொழிலாளர்கள், சிறப்பு ரெயில்களில் சொந்த ஊருக்கு அனுப்பி வைக்கப்பட்டனர்.
4. கேரளாவில் இருந்து லாரியில் அனுமதியின்றி வந்த வடமாநில தொழிலாளர்கள் கல்லூரியில் தனிமைப்படுத்தப்பட்டனர்
சேத்தூர் சொக்கநாதன்புத்தூர் விலக்கு பகுதியில் கேரளாவில் இருந்து லாரியில் அனுமதியின்றி வந்த வடமாநில தொழிலாளர்கள் தனிமைப்படுத்தப்பட்டனர்.
5. ஒடிசாவை சேர்ந்த 1,464 தொழிலாளர்கள் ரெயிலில் பயணம்
ஈரோடு மாவட்டத்தில் வேலை செய்து வந்த ஒடிசாவை சேர்ந்த 1,464 தொழிலாளர்கள் ரெயில் மூலம் அனுப்பி வைக்கப்பட்டனர்.