சென்னையில் கொரோனா நோயாளி தற்கொலை - ஆஸ்பத்திரியில் தூக்கில் தொங்கினார்

சென்னை,

சென்னை ராயப்பேட்டை பாலாஜி நகரைச் சேர்ந்த வக்கீல் குமாஸ்தா ஒருவர் கடந்த 25-ந் தேதி கொரோனா தொற்றால் பாதிக்கப்பட்டார். 57 வயது நிரம்பிய அவர் சென்னை ஓமந்தூரார் அரசு ஆஸ்பத்திரியில் சிகிச்சைக்கு சேர்க்கப்பட்டார். நேற்று அதிகாலை அவர் ஆஸ்பத்திரியின் கழிவறைக்கு சென்றார். நீண்ட நேரம் ஆகியும் அவர் வெளியில் வரவில்லை. நீண்ட நேரம் கழிவறை திறக்கப்படாமல் இருந்ததால் மற்ற நோயாளிகள் கழிவறை கதவை உடைத்து திறந்து பார்த்தனர்.

அப்போது அவர் கழிவறைக்குள் தூக்குப்போட்டு தற்கொலை செய்து கொண்டது தெரிய வந்தது. இது குறித்து திருவல்லிக்கேணி போலீசுக்கு தகவல் தெரிவிக்கப்பட்டது. திருவல்லிக்கேணி போலீசார் பிணத்தை கைப்பற்றி விசாரணை நடத்தினார்கள். ஏற்கனவே நேற்று முன்தினம் சென்னை ஸ்டான்லி அரசு ஆஸ்பத்திரியில் கொரோனா நோயாளி ஒருவர் தற்கொலை செய்து கொண்டார் என்பது குறிப்பிடத்தக்கது. ஆஸ்பத்திரிக்குள் கொரோனா நோயாளிகள் தற்கொலை செய்து கொண்ட சம்பவங்கள் அரசு வட்டாரத்தில் அதிர்ச்சியை ஏற்படுத்தி உள்ளது.