விழுப்புரத்தில் அம்மா குடிநீர் விற்பனை மீண்டும் தொடங்கியது

விழுப்புரம்,


இந்த சூழலில் கொரோனா வைரஸ் பரவலை தடுக்க பிறப்பிக்கப்பட்ட ஊரடங்கு உத்தரவினால் கடந்த மார்ச் மாதம் 25-ந் தேதி முதல் அம்மா குடிநீர் விற்பனை முற்றிலும் நிறுத்தப்பட்டது. பஸ் போக்குவரத்து இல்லாத நிலையில் பஸ் நிலையங்களில் செயல்பட்டு வந்த அம்மா குடிநீர் விற்பனை மையங்கள் மூடிக்கிடந்தன. இதனால் பொதுமக்கள் மிகுந்த ஏமாற்றமடைந்தனர்.

இந்நிலையில் தமிழக அரசு தற்போது 5-ம் கட்ட ஊரடங்கை வருகிற 30-ந் தேதி வரை நீட்டித்துள்ள போதிலும் படிப்படியாக சில தளர்வுகளை அறிவித்துள்ளது. அந்த தளர்வுகளின்படி கடந்த 1-ந் தேதி முதல் 50 சதவீதம் பஸ் போக்குவரத்து தொடங் கப்பட்டுள்ளது. இதன் மூலம் பொதுமக்களும் மெல்ல, மெல்ல இயல்பு நிலைக்கு திரும்பி வருகின்றனர்.

இதையடுத்து தற்போது அரசு விதிகளின்படி குறைந்தபட்ச தொழிலாளர்களுடன் கும்மிடிப்பூண்டியில் உள்ள குடிநீர் சுத்திகரிப்பு தொழிற்சாலை செயல்பட தொடங்கியுள்ளது. இதன் மூலம் குடிநீர் சுத்திகரிப்பு செய்து அனைத்து மாவட்டங்களுக்கும் அனுப்பி வைக்கப்பட்டு வருகிறது.

அந்த வகையில் விழுப்புரம் புதிய பஸ் நிலையத்திற்கு நேற்று முதல் அம்மா குடிநீர் பாட்டில்கள் விற்பனைக்கு வந்தன. இதையடுத்து 2½ மாதங்களுக்கு பிறகு அங்குள்ள மையங்கள் திறக்கப்பட்டு மீண்டும் குடிநீர் விற்பனை செய்யப்பட்டு வருகிறது. தற்போது கோடை வெயில் சுட்டெரிக்கும் இந்நேரத்தில் அம்மா குடிநீர் விற்பனை மையங்கள் திறக்கப்பட்டு குடிநீர் பாட்டில்கள் விற்பனை செய்யப்பட்டு வருவதால் பொதுமக்கள் மகிழ்ச்சியடைந்துள்ளனர்.