நீர்நிலைகளில் இருந்து விவசாயிகள் வண்டல் மண் அள்ளிக் கொள்ளலாம் ; அமைச்சர் எம்.சி.சம்பத் தகவல்

நெல்லிக்குப்பம்,


இதை தொடர்ந்து பொதுப்பணித்துறை மற்றும் நீர்வள ஆதாரத்துறை சார்பில் தென்னம்பாக்கம் ஏரியில் விவசாயிகள் வண்டல் மண் எடுக்கும் பணியை அமைச்சர் எம்.சி.சம்பத் தொடங்கி வைத்தார். அப்போது அவர் நிருபர்களிடம் கூறியதாவது:-

கடலூர் மாவட்டத்தில் குளங்கள், நீர் நிலைகளில் விவசாயிகள் இலவசமாக வண்டல் மண் எடுத்து பயன் பெறலாம் என முதல்-அமைச்சர் எடப்பாடி பழனிசாமி அறிவித்துள்ளார்.

மேலும் அதற்கான பணிகள் தொடங்கப்பட்டுள்ளது. இதன் மூலம் ஒரு கோடியே 72 லட்சத்து 23 ஆயிரம் கன மீட்டர் வண்டல் மண் விவசாயிகள் எடுத்து பயன் பெறலாம். இதில் விவசாயிகள் கலெக்டர் அலுவலகத்தில் பதிவு செய்து, அந்தந்த பகுதி தாசில்தார்களிடம் அனுமதி பெற்று வண்டல் மண் எடுத்துக் கொள்ளலாம்.

இதுமட்டுமன்றி பானை உள்ளிட்ட பல்வேறு பொருட்கள் தயாரிக்கும் பணிகளுக்கு களிமண் தேவைப்படும் குயவர்களும் அதிகாரிகளிடம் அனுமதி பெற்று மண் எடுத்துக் கொள்ளலாம். விவசாயிகள் இந்த திட்டத்தை முழுமையாக பயன்படுத்தி பயன் பெற்று கொள்ள வேண்டும். இவ்வாறு அமைச்சர் எம்.சி.சம்பத் கூறினார்.