கள்ளக்குறிச்சி மாவட்டத்தில் மேலும் 4 பேருக்கு கொரோனா

கள்ளக்குறிச்சி,

மராட்டியத்தில் இருந்து வந்த ஒருவர், கொரோனாவால் பாதிக்கப்பட்டவரோடு தொடர்பில் இருந்த தாய், மகன், பாட்டி என ஒரே குடும்பத்தை சேர்ந்த 3 பேர் என மொத்தம் 4 பேருக்கு கொரோனா தொற்று இருப்பது உறுதி செய்யப்பட்டது.

இதையடுத்து இவர்கள் சிகிச்சைக்காக மருத்துவமனையில் அனுமதிக்கப்பட்டனர். இதன் மூலம் கள்ளக்குறிச்சி மாவட்டத்தில் கொரோனா தொற்றால் பாதிக்கப்பட்டவர்களின் எண்ணிக்கை 295-ல் இருந்து 299- ஆக உயர்ந்துள்ளது. இதில் 238 பேர் குணமடைந்து வீடு திரும்பி உள்ளனர். ஒருவர் இறந்துள்ளார்.