மாவட்ட செய்திகள்

நீலகிரி மாவட்டத்தின் முதல் கலெக்டர்: ஜான் சல்லீவனின் 232-வது பிறந்த நாள் விழா - சிலைக்கு, கலெக்டர் இன்னசென்ட் திவ்யா மாலை அணிவிப்பு + "||" + First Collector of Nilgiris District: 232nd birthday of John Sullivan

நீலகிரி மாவட்டத்தின் முதல் கலெக்டர்: ஜான் சல்லீவனின் 232-வது பிறந்த நாள் விழா - சிலைக்கு, கலெக்டர் இன்னசென்ட் திவ்யா மாலை அணிவிப்பு

நீலகிரி மாவட்டத்தின் முதல் கலெக்டர்: ஜான் சல்லீவனின் 232-வது பிறந்த நாள் விழா - சிலைக்கு, கலெக்டர் இன்னசென்ட் திவ்யா மாலை அணிவிப்பு
நீலகிரி மாவட்டத்தின் முதல் கலெக்டரான ஜான் சல்லீவனின் 232-வது பிறந்த நாள் விழாவையொட்டி அவரது சிலைக்கு, கலெக்டர் இன்னசென்ட் திவ்யா மாலை அணிவித்து மரியாதை செலுத்தினார்.
கோத்தகிரி,

நீலகிரி மாவட்டத்தின் முதல் கலெக்டர் ஜான் சல்லீவன். இவரே ஊட்டி நகர் மற்றும் ஏரியை நிர்மாணித்தவரும் ஆவார். இவரது நினைவகம், கோத்தகிரி அருகே உள்ள கன்னேரிமுக்கு கிராமத்தில் உள்ளது. மேலும் உருவச்சிலையும் இருக்கிறது. இங்கு ஆண்டுதோறும் ஜான் சல்லீவனின் பிறந்த நாள் மற்றும் நினைவு நாளில், அவரது உருவச்சிலைக்கு மாலை அணிவித்து மரியாதை செலுத்தும் விழா, நீலகிரி மாவட்ட நிர்வாகத்தால் நடத்தப்படுகிறது.

இந்த நிலையில் நேற்று ஜான் சல்லீவனின் 232-வது பிறந்த நாள் ஆகும். இதையொட்டி கன்னேரிமுக்கு கிராமத்தில் உள்ள நினைவகத்தில் அவரது உருவச்சிலைக்கு, தற்போதைய கலெக்டர் இன்னசென்ட் திவ்யா மாலை அணிவித்து, மரியாதை செலுத்தினார். அதன்பிறகு கலெக்டர் பேசும்போது கூறியதாவது:-

இங்கு தமிழக அரசின் சிறப்பு மேம்பாட்டு திட்டத்தின் கீழ் ரூ.88 லட்சம் செலவில், ஜான் சல்லீவன் நினைவு பூங்கா அமைக்கும் பணி தொடங்கியது. அவரது பிறந்த நாளான இன்று(அதாவது நேற்று) பூங்காவை திறக்க முடிவு செய்யப்பட்டு இருந்தது. ஆனால் கொரோனா வைரஸ் பரவல், ஊரடங்கு உத்தரவு ஆகிய காரணங்களால் பணி பாதிக்கப்பட்டது. அடுத்த 2 மாதங்களுக்குள் பணியை முடித்து, பூங்காவை திறக்க நடவடிக்கை எடுக்கப்படும். கொரோனா வைரஸ் பரவாமல் தடுக்கும் வகையில் அரசின் பாதுகாப்பு வழிமுறைகளை அனைவரும் கடைபிடிக்க வேண்டும். இவ்வாறு அவர் கூறினார். பின்னர் பொதுமக்கள் வழங்கிய கோரிக்கை மனுக்களை பெற்று கொண்டார். விழாவில் நீலகிரி மாவட்ட பேரூராட்சிகளின் உதவி இயக்குனர் மனோரஞ்சிதம், கோத்தகிரி பேரூராட்சி செயல் அலுவலர் மணிகண்டன், வட்டார வளர்ச்சி அலுவலர் நந்தகுமார், சுகாதார ஆய்வாளர் ரஞ்சித், தாசில்தார் மோகனா, வருவாய் ஆய்வாளர் பூவேந்திரன் மற்றும பலர் கலந்துகொண்டனர். வழக்கமாக ஜான் சல்லீவன் பிறந்த நாள் நிகழ்ச்சியில் ஏராளமான பொதுமக்கள் கலந்து கொள்வார்கள். ஆனால் இந்த ஆண்டு கொரோனா வைரஸ் பீதியால், குறைந்த அளவிலான பொதுமக்களே நிகழ்ச்சியில் கலந்துகொண்டனர் என்பது குறிப்பிடத்தக்கது.

தொடர்புடைய செய்திகள்

1. கொரோனா குறித்து குடும்பத்தினருக்கு விழிப்புணர்வு ஏற்படுத்துங்கள் - மகளிர் குழுவினருக்கு கலெக்டர் ஆலோசனை
கொரோனா தொற்று குறித்து குடும்பத்தினருக்கு விழிப்புணர்வு ஏற்படுத்த வேண்டும் என்று மகளிர் குழுவினருக்கு கலெக்டர் ஆலோசனை வழங்கினார்.
2. நீலகிரி மாவட்டத்தில் கொரோனா தடுப்புபணி தீவிரம்: தனிமைப்படுத்தப்பட்ட பகுதிகளில் கலெக்டர் ஆய்வு
நீலகிரி மாவட்டத்தில் தனிமைப்படுத்தப்ப ட்ட பகுதிகளில் கலெக்டர் இன்னசென்ட் திவ்யா ஆய்வு செய்தார்.
3. நீலகிரி மாவட்டத்தில், கட்டிட அனுமதி வழங்கும் நடைமுறை எளிமையாக்கப்பட்டுள்ளது - கலெக்டர் தகவல்
நீலகிரி மாவட்டத்தில் கட்டிட அனுமதி வழங்கும் நடைமுறை எளிமையாக்கப்பட்டுள்ளது என்று கலெக்டர் தெரிவித்து உள்ளார். நீலகிரி மாவட்ட கலெக்டர் இன்னசென்ட் திவ்யா வெளியிட்டுள்ள செய்திக்குறிப்பில் கூறப்பட்டு உள்ளதாவது:-
4. நீலகிரி மாவட்டத்தில், 373 கர்ப்பிணிகளுக்கு கொரோனா பாதிப்பு இல்லை- கலெக்டர் தகவல்
நீலகிரி மாவட்டத்தில் சளி மாதிரி பரிசோதிக்கப்பட்ட 373 கர்ப்பிணிகளுக்கு கொரோனா பாதிப்பு இல்லை என்று கலெக்டர் இன்னசென்ட் திவ்யா தெரிவித்தார். நீலகிரி மாவட்ட கலெக்டர் இன்னசென்ட் திவ்யா நேற்று நிருபர்களுக்கு பேட்டி அளித்தார். அப்போது அவர் கூறியதாவது:-
5. முகக்கவசம் அணியாத வாடிக்கையாளர்களுக்கு பொருட்கள் வழங்கும் கடைகளுக்கு ‘சீல்’ - கலெக்டர் எச்சரிக்கை
முகக்கவசம் அணியாத வாடிக்கையாளர்களுக்கு பொருட்கள் வழங்கும் கடைகளுக்கு ‘சீல்’ வைக்கப்படும் என்று கலெக்டர் எச்சரித்து உள்ளார். இதுகுறித்து நீலகிரி மாவட்ட கலெக்டர் இன்னசென்ட் திவ்யா வெளியிட்டுள்ள செய்திக்குறிப்பில் கூறப்பட்டு உள்ளதாவது:-