மாவட்ட செய்திகள்

மின்துறை தொழிற்சங்க நிர்வாகிகளுடன் நாராயணசாமி ஆலோசனை - போராட்டத்தை கைவிட வலியுறுத்தல் + "||" + With the union executives Narayanaswamy Advice - Insist on abandoning the struggle

மின்துறை தொழிற்சங்க நிர்வாகிகளுடன் நாராயணசாமி ஆலோசனை - போராட்டத்தை கைவிட வலியுறுத்தல்

மின்துறை தொழிற்சங்க நிர்வாகிகளுடன் நாராயணசாமி ஆலோசனை - போராட்டத்தை கைவிட வலியுறுத்தல்
மின்துறை நிர்வாகிகளுடன் முதல்-அமைச்சர் நாராயணசாமி ஆலோசனை நடத்தினார். அப்போது அவர்களிடம் போராட்டத்தை கைவிடுமாறு வலியுறுத்தினார்.
புதுச்சேரி, 

யூனியன் பிரதேசங்களில் மின்துறை தனியார் மயமாக்கப்படும் என மத்திய அரசு அறிவித்தது. புதுவையில் இதற்கு எதிர்ப்பு தெரிவித்து மின்துறை ஊழியர்கள் பல்வேறு கட்ட போராட்டங்கள் நடத்தி வருகின்றனர். நேற்று முன்தினம் முதல் மின்துறை ஊழியர்கள் விதிகளின் கீழ் பணியாற்றி தங்களது எதிர்ப்பை தெரிவித்து வருகின்றனர். அதாவது மாலை 5½ மணிக்கு மேல் ஏற்படும் மின் பழுதுகளை அவர்கள் சரி செய்வது இல்லை. இதனால் மின் வினியோகம் பாதித்து பொதுமக்கள் அவதிக்குள்ளானார்கள். இந்தநிலையில் நாளை மறுநாள் (திங்கட்கிழமை) முதல் பணிகளை புறக்கணித்து போராட்டம் நடத்தப் போவதாக அவர்கள் அறிவித்திருந்தனர்.

இந்தநிலையில் நேற்று மாலை சட்டசபை வளாகத்தில் உள்ள கேபினட் அறையில் மின்துறை தொழிற்சங்க நிர்வாகிகளுடன் முதல்- அமைச்சர் நாராயணசாமி ஆலோசனை நடத்தினார். இதில் மின்துறை கண்காணிப்பு பொறியாளர் முரளி, தொழிற்சங்க நிர்வாகிகள் ராஜேந்திரன், மதிவாணன் மற்றும் பலர் கலந்து கொண்டனர்.

அப்போது முதல்-அமைச்சர் நாராயணசாமி, ‘மின்துறை தனியார் மயமாக்குவதை நாங்கள் ஏற்க மாட்டோம். இதனை எதிர்த்து சட்டமன்ற கூட்டத்தொடரில் தீர்மானம் நிறைவேற்றி மத்திய அரசுக்கு அனுப்பி வைப்போம். எனவே போராட்டத்தை கைவிட வேண்டும். போராட்டத்தினால் பொதுமக்கள் பெரிதும் பாதிக்கப்படுகின்றனர்’ என்றார்.

அதனை ஏற்றுக்கொண்டு அடுத்த கட்டமாக மேற்கொள்ள வேண்டிய நடவடிக்கை குறித்து இன்று (சனிக்கிழமை) தொழிற்சங்க நிர்வாகிகள், தொழிலாளர்களுடன் ஆலோசனை நடத்த திட்டமிட்டுள்ளனர்.

தொடர்புடைய செய்திகள்

1. அரசு பள்ளி மாணவர்களுக்கு மருத்துவபடிப்பில் 10 சதவீத இடஒதுக்கீட்டிற்கு விரைவில் அனுமதி கிடைக்கும் - நாராயணசாமி நம்பிக்கை
அரசு பள்ளி மாணவர்களுக்கு மருத்துவபடிப்பில் 10 சதவீத இடஒதுக்கீட்டிற்கு விரைவில் அனுமதி கிடைக்கும் என்று முதல்-அமைச்சர் நாராயணசாமி நம்பிக்கை தெரிவித்துள்ளார். புதுச்சேரி முதல்-அமைச்சர் நாராயணசாமி நிருபர்களுக்கு பேட்டி அளித்தார். அப்போது அவர் கூறியதாவது:-
2. மருத்துவ படிப்பில் உள் ஒதுக்கீடு வழங்க மறுத்து அரசு பள்ளி மாணவர்களுக்கு எதிராக கவர்னர் சதி - முதல்-அமைச்சர் நாராயணசாமி குற்றச்சாட்டு
மருத்துவ படிப்பில் உள் ஒதுக்கீடு வழங்க மறுத்து அரசு பள்ளி மாணவர் களுக்கு எதிராக கவர்னர் சதி செய்துள்ளார் என்று முதல்-அமைச்சர் நாராயணசாமி குற்றம் சாட்டினார்.
3. முழுவீச்சில் மீட்பு நடவடிக்கைகளுக்கு ஏற்பாடு பருவ மழையை எதிர்கொள்ள புதுவை அரசு நிர்வாகம் தயார் முதல்-அமைச்சர் நாராயணசாமி அறிவிப்பு
பருவ மழையை எதிர்கொள்ளும் வகையில் அனைத்து துறைகளையும் முழு வீச்சில் மீட்பு நடவடிக்கைகளுக்கு ஏற்பாடு செய்து அரசு நிர்வாகம் தயார் நிலையில் உள்ளதாக முதல்-அமைச்சர் நாராயணசாமி கூறினார்.
4. கஞ்சா, லாட்டரி ஒழிப்பில் போலீசார் முனைப்பு காட்ட வேண்டும் - நாராயணசாமி அறிவுறுத்தல்
புதுச்சேரியில் கஞ்சா, லாட்டரியை ஒழிப்பதில் போலீசார் முனைப்பு காட்ட வேண்டும் என்று முதல்-அமைச்சர் நாராயணசாமி கூறினார்.
5. கவர்னர் உரையுடன் சட்டசபை தொடங்குகிறது: நாளை மறுநாள் புதுவை பட்ஜெட் - முதல்-அமைச்சர் நாராயணசாமி தாக்கல் செய்கிறார்
புதுச்சேரி சட்டசபை பட்ஜெட் கூட்டத் தொடர் நாளை மறுநாள் (திங்கட்கிழமை) கவர்னர் உரையுடன் தொடங்குகிறது. அதையடுத்து முதல்-அமைச்சர் நாராயணசாமி ரூ.9 ஆயிரம் கோடிக்கு பட்ஜெட் தாக்கல் செய்கிறார்.