மாவட்ட செய்திகள்

கடலூர் தாலுகா அலுவலகத்தில் பொதுமக்கள் தர்ணா நடுவீரப்பட்டில் சாலைப்பணியை தொடங்க கோரிக்கை + "||" + Public in the Cuddalore Taluk Office requests to start road works

கடலூர் தாலுகா அலுவலகத்தில் பொதுமக்கள் தர்ணா நடுவீரப்பட்டில் சாலைப்பணியை தொடங்க கோரிக்கை

கடலூர் தாலுகா அலுவலகத்தில் பொதுமக்கள் தர்ணா நடுவீரப்பட்டில் சாலைப்பணியை தொடங்க கோரிக்கை
நடுவீரப்பட்டில் சாலைப்பணியை தொடங்க கோரி கடலூர் தாலுகா அலுவலகத்தில் பொதுமக்கள் தர்ணா போராட்டம் நடத்தினர்.
கடலூர்,

கடலூர் அருகே நடுவீரப்பட்டு ஊரராட்சிக்குட்பட்ட சாலக்கரை வீதியில் உள்ள சாலை சேதமடைந்து குண்டும், குழியுமாக காணப்பட்டது. மழைக்காலங்களில் சாலையில் தண்ணீர் தேங்கி குட்டை போல் காட்சி அளித்தது. இதையடுத்து அந்த சாலையை சீரமைக்க வேண்டும் என்று அப்பகுதி மக்கள் மனு அளித்தனர்.


இதை பரிசீலனை செய்த ஊராட்சி மன்ற தலைவர் சந்தோஷம் ஆறுமுகம், அந்த சாலை அமைக்க நிதி ஒதுக்கீடு செய்தார். அதன்படி அரசு உத்தரவின் பேரில் அளவீடு செய்து சாலை அமைக்கும் பணி தொடங்கியது.

தடுத்து நிறுத்தம்

ஆனால் 2 பேர் அந்த இடம் தங்களுக்கு சொந்தமானது என்று கூறி சாலை அமைக்கும் பணியை தடுத்து நிறுத்தி விட்டனர். இதன் காரணமாக சாலைப்பணியை முடிக்க முடியவில்லை.

இது பற்றி அப்பகுதி மக்கள் கடலூர் தாலுகா அலுவலகத்தில் புகார் செய்தனர். ஆனால் இது வரை எவ்வித நடவடிக்கையும் எடுக்கவில்லை என்று தெரிகிறது. இந்நிலையில் நேற்று அப்பகுதி மக்கள் கடலூர் தாலுகா அலுவலகத்திற்கு திரண்டு வந்தனர்.

தர்ணா

பின்னர் அவர்கள் தாலுகா அலுவலகத்தை முற்றுகையிட்டனர். தொடர்ந்து அலுவலகத்திற்குள் அமர்ந்து தர்ணா போராட்டத்தில் ஈடுபட்டனர். அப்போது நிறுத்தப்பட்ட சாலைப்பணியை உடனே தொடங்க வேண்டும் என்று அவர்கள் வலியுறுத்தினர்.

இது பற்றி தகவல் அறிந்ததும் கடலூர் புதுநகர் போலீஸ் இன்ஸ்பெக்டர் உதயகுமார் மற்றும் போலீசார் சம்பவ இடத்திற்கு விரைந்து வந்து பேச்சுவார்த்தை நடத்தினர். தொடர்ந்து அவர்களை தாசில்தார் செல்வக்குமார் அழைத்து பேச்சுவார்த்தை நடத்தினார். அப்போது அமைதி பேச்சுவார்த்தை கூட்டத்தை நடத்தி, அதற்கு உரிய தீர்வு காணப்படும் என்றார். இதையடுத்து தர்ணாவில் ஈடுபட்ட பொதுமக்கள் அங்கிருந்து கலைந்து சென்றனர்.

இருப்பினும் இந்த சம்பவத்தால் அந்த பகுதியில் சிறிது நேரம் பரபரப்பு ஏற்பட்டது.

தொடர்புடைய செய்திகள்

1. ரேஷன் கடையை முற்றுகையிட்டு பொதுமக்கள் போராட்டம் கால தாமதமின்றி பொருட்கள் வழங்க கோரிக்கை
அரிசி, பருப்பு உள்ளிட்ட பொருட்களை கால தாமதமின்றி வழங்கக்கோரி கருகம்புத்தூர் ரேஷன் கடையை முற்றுகையிட்டு பொதுமக்கள் போராட்டத்தில் ஈடுபட்டனர்.
2. மும்பை அருகே தொற்றுநோய் ஆஸ்பத்திரி அமைக்க உதவ வேண்டும் பிரதமரிடம் உத்தவ் தாக்கரே கோரிக்கை
மும்பை அருகே நிரந்தர தொற்றுநோய் ஆஸ்பத்திரி அமைக்க உதவி செய்ய வேண்டும் என பிரதமர் நரேந்திர மோடியிடம் முதல்-மந்திரி உத்தவ் தாக்கரே கோரிக்கை விடுத்தார்.
3. கூடலூர் அருகே வீடு, வாழைகளை சேதப்படுத்திய காட்டு யானை இழப்பீடு வழங்க கோரிக்கை
கூடலூர் அருகே வீடு, வாழைகளை காட்டுயானை சேதப்படுத்தியது. இதற்கு இழப்பீடு வழங்க வேண்டும் என கோரிக்கை விடுத்துள்ளனர்.
4. ஊட்டியில் தொடர் மழை: சேறும் சகதியுமான உழவர் சந்தை மைதானம் இடமாற்றம் செய்ய கோரிக்கை
ஊட்டியில் தொடர் மழையால் உழவர் சந்தை செயல்படும் மைதானம் சேறும், சகதியுமாக மாறியுள்ளது. இதனால் அங்குள்ள கடைகளை இடமாற்றம் செய்ய வேண்டும் என்று வியாபாரிகள் கோரிக்கை விடுத்து உள்ளனர்.
5. கடலூரில் அரசு மருத்துவ கல்லூரி அமைக்க வேண்டும் ரஜினி மக்கள் மன்றத்தினர் கோரிக்கை
கடலூர் தெற்கு மாவட்ட ரஜினி மக்கள் மன்றம் சார்பில் மாவட்ட செயலாளர் ஓ.எல்.பெரியசாமி கடலூர் மாவட்ட கலெக்டர் சந்திரசேகர் சாகமூரியை சந்தித்து கோரிக்கை மனு கொடுத்தார்.