மாவட்ட செய்திகள்

ஊட்டியில் பலத்த மழை + "||" + Heavy rain in Ooty

ஊட்டியில் பலத்த மழை

ஊட்டியில் பலத்த மழை
ஊட்டியில் பலத்த மழை பெய்தது.
ஊட்டி,

நீலகிரி மாவட்டத்தில் வழக்கமாக ஜூன், ஜூலை, ஆகஸ்டு மாதங்களில் தென்மேற்கு பருவமழை பெய்யும். இந்த ஆண்டு ஜூன் மாத தொடக்கத்தில் பரவலாக மழை பெய்தது. பின்னர் கடந்த சில நாட்களாக மழை பெய்யாமல், பகலில் வெயில் அடித்து வந்தது. இந்த நிலையில் நேற்று முன்தினம் இரவு சூறாவளி காற்றுடன் ஊட்டி மற்றும் அதன் சுற்றுப்புற பகுதிகளில் பலத்த மழை பெய்தது. நேற்று காலையில் ஊட்டி நகரில் வெயில் அடித்தது. பின்னர் 11 மணியளவில் வானம் மேகமூட்டத்துடன் மப்பும், மந்தாரமுமாக காணப்பட்டது. தொடர்ந்து மழை பெய்ய தொடங்கியது. அரை மணி நேரத்துக்கும் மேலாக பலத்த மழை பெய்தது.


சாலைகளில் வெள்ளம்

இதனால் கமர்சியல் சாலை, ஏடிசி, மத்திய பஸ் நிலையம் உள்ளிட்ட சாலைகளில் மழை வெள்ளம் பெருக்கெடுத்து ஓடியது. பொதுமக்கள் மழையில் நனையாமல் இருக்க குடைகளை பிடித்தபடி நடந்து செல்வதை காண முடிந்தது. பலத்த மழையால் ஊட்டி நகராட்சி மார்க்கெட்டில் உள்ள சில கடைகளுக்குள் தண்ணீர் புகுந்தது. பின்னர் மழைநீர் கால்வாயில் ஏற்பட்ட அடைப்புகள் நீக்கப்பட்டு, தண்ணீர் வடிந்தோடியது.

நீலகிரி மாவட்டத்தில் நேற்று காலை 8 மணியுடன் முடிவடைந்த மழையளவு (மில்லி மீட்டரில்)விவரம் வருமாறு:- ஊட்டி - 8.5, குந்தா -9, எமரால்டு - 12, கெத்தை-11, கேத்தி -11, உலிக்கல்-40, கோடநாடு-13.5, கூடலூர்- 4 உள்பட மொத்தம் 184.5 மழை பதிவாகி உள்ளது. சராசரியாக 6.36 பதிவானது.

தொடர்புடைய செய்திகள்

1. சூறாவளி காற்றுடன் பலத்த மழை 362 மரங்கள் சாய்ந்தன; வாகனங்கள் நொறுங்கின பெரும் பாதிப்பை சந்தித்த மும்பை
மும்பையில் கடந்த திங்கட்கிழமை இரவு முதல் நேற்று முன்தினம் இரவு வரை 3 நாட்களாக பலத்த மழை கொட்டித்தீர்த்தது.
2. மும்பையில் சூறாவளி காற்றுடன் 3-வது நாளாக மழை 2 மின்சார ரெயில்கள் வெள்ளத்தில் சிக்கின 200 பயணிகள் மீட்பு
மும்பையில் சூறாவளி காற்றுடன் நேற்று 3-வது நாளாக பலத்த மழை பெய்தது. இந்தநிலையில் 2 மின்சார ரெயில்கள் வெள்ளத்தில் சிக்கின.
3. மேற்கு தொடர்ச்சி மலை பகுதியில் கனமழை: பாபநாசம், சேர்வலாறு அணைகள் நீர்மட்டம் ‘கிடுகிடு’ உயர்வு
மேற்கு தொடர்ச்சி மலைப்பகுதியில் பெய்து வரும் கனமழையால் பாபநாசம், சேர்வலாறு அணைகளில் நீர்மட்டம் கிடுகிடுவென உயர்ந்து உள்ளது. களக்காடு தலையணையில் வெள்ளப்பெருக்கு ஏற்பட்டது.
4. பாகூர் பகுதியில் பலத்த மழை தாழ்வான குடியிருப்புகளில் தண்ணீர் சூழ்ந்தது
புதுச்சேரியில் கடந்த சில நாட்களாக அவ்வப்போது மழை பெய்து வருகிறது. நகர பகுதியை காட்டிலும் புறநகர் பகுதியில் அதிகளவு மழை பதிவானது.
5. குளிர்ந்த காற்றுடன் சென்னையில் இதமான சாரல் மழை ரம்மியமான காலநிலை நிலவியது
சென்னை மற்றும் புறநகர் பகுதிகளில் காலை முதல் மாலை வரை குளிர்ந்த காற்றுடன் சாரல் மழை பெய்ததன் காரணமாக ரம்மியமான காலநிலை நிலவியது.