மாவட்ட செய்திகள்

அரியலூரில் 4 பேருக்கு கொரோனா பெரம்பலூரில் கர்ப்பிணி உள்பட 3 பேர் பாதிப்பு + "||" + 4 people in Ariyalur, 3 including pregnant women in Corona Perambalur

அரியலூரில் 4 பேருக்கு கொரோனா பெரம்பலூரில் கர்ப்பிணி உள்பட 3 பேர் பாதிப்பு

அரியலூரில் 4 பேருக்கு கொரோனா பெரம்பலூரில் கர்ப்பிணி உள்பட 3 பேர் பாதிப்பு
அரியலூர் மாவட்டத்தில் 4 பேருக்கு கொரோனா வைரஸ் தொற்று ஏற்பட்டுள்ளது. மேலும் பெரம்பலூரில் கர்ப்பிணி உள்பட 3 பேர் பாதிக்கப்பட்டுள்ளனர்.
பெரம்பலூர்,

அரியலூர் மாவட்டத்தில் கொரோனா வைரசால் ஏற்கனவே 454 பேர் பாதிக்கப்பட்டிருந்ததில், 394 பேர் சிகிச்சை பெற்று மருத்துவமனைகளில் இருந்து வீடு திரும்பி இருந்தனர். 60 பேர் சிகிச்சை பெற்று வருகின்றனர்.


இந்நிலையில் மாலத்தீவில் இருந்து அரியலூருக்கு வந்த மீன்சுருட்டியை சேர்ந்த 48 வயது ஆண் ஒருவருக்கும் மற்றும் அரியலூர் மாவட்டத்தில் கொரோனா வைரஸ் தொற்றால் பாதிக்கப்பட்டவர்களிடம் இருந்து தொடர்பில் இருந்த வஞ்சினாபுரத்தை சேர்ந்த 40, 25 வயதுடைய பெண்களுக்கும், இலுப்பையூரை சேர்ந்த 18 வயதுடைய சிறுவன் ஒருவனுக்கும் என மொத்தம் 4 பேருக்கு கொரோனா வைரஸ் தொற்று இருப்பது மருத்துவ பரிசோதனையில் உறுதி செய்யப்பட்டது.

அவர்கள் 4 பேரும் அரியலூர் அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனர். மேலும் அரியலூர் மாவட்டத்தில் 171 பேரின் சளி மாதிரிகள் எடுக்கப்பட்டு பரிசோதனைக்காக அனுப்பப்பட்டுள்ளது.

3 பேர் பாதிப்பு

இதேபோல் கொரோனா வைரசால் பாதிக்கப்பட்ட தனது தாத்தாவுக்கு சிகிச்சைக்காக மருத்துவமனையில் உதவியாக இருந்த பெரம்பலூர் மாவட்டம், வேப்பந்தட்டை தாலுகா அனுக்கூரை சேர்ந்த 19 வயது ஆண் ஒருவரும் மற்றும் காரைக்குடியை சேர்ந்த 70 வயது ஆண் ஒருவரும், அத்தியூரை சேர்ந்த 20 வயதுடைய கர்ப்பிணி ஒருவருக்கும் என மொத்தம் 3 பேர் பெரம்பலூர் மாவட்டத்தில் கொரோனா வைரசால் பாதிக்கப்பட்டுள்ளனர்.

அவர்களில் முதியவர் தஞ்சை அரசு மருத்துவக்கல்லூரி மருத்துவமனையிலும், மற்ற 2 பேர் திருச்சி அரசு மருத்துவமனையிலும் சிகிச்சை பெற்று வருகின்றனர். இதனால் பெரம்பலூர் மாவட்டத்தில் கொரோனா வைரசால் பாதிக்கப்பட்டவர்களின் எண்ணிக்கை 161 ஆக உயர்ந்துள்ளது. இதில் 147 பேர் சிகிச்சை பெற்று வீடு திரும்பியுள்ளனர்.

மேலும் பெரம்பலூர் மாவட்டத்தில் எடுக்கப்பட்ட 350 பேரின் சளி மாதிரிகளின் மருத்துவ பரிசோதனை முடிவுகள் இன்னும் வரவில்லை. 

தொடர்புடைய செய்திகள்

1. தேனி மாவட்டத்தில் கொரோனாவுக்கு மேலும் 4 பேர் பலி; செவிலியர் உள்பட 53 பேருக்கு பாதிப்பு
தேனி மாவட்டத்தில் கொரோனா பாதிக்கப்பட்டு இதுவரை 26 பேர் பலியாகி இருந்தனர். இந்நிலையில், தேனி அரசு மருத்துவ கல்லூரி மருத்துவமனையில் கொரோனா பாதிக்கப்பட்ட நிலையில் சிகிச்சை பெற்று வந்த மேலும் 4 பேர் சிகிச்சை பலனின்றி இறந்தனர்.
2. கொரோனாவுக்கு 2 பேர் உயிரிழப்பு; கலெக்டரின் தனி உதவியாளர்கள் உள்பட 46 பேர் பாதிப்பு
திண்டுக்கல் மாவட்டத்தில் கொரோனாவுக்கு 2 பேர் பலியாகி உள்ளனர். கலெக்டரின் தனி உதவியாளர்கள் உள்பட 46 பேர் கொரோனா தொற்றால் பாதிக்கப்பட்டுள்ளனர்.
3. கோவையில் மூதாட்டி உள்பட 2 பேர் கொரோனாவுக்கு பலி
கோவையில் கொரோனாவுக்கு மூதாட்டி உள்பட 2 பேர் பலியானார்கள்.
4. தேனி மாவட்டத்தில் கொரோனாவுக்கு மேலும் 3 பேர் பலி
தேனி மாவட்டத்தில் கொரோனாவுக்கு மேலும் 3 பேர் பலியாகி உள்ளனர். செவிலியர்கள் உள்பட 134 பேருக்கு கொரோனா பாதிப்பு உறுதியாகி உள்ளது.
5. மாவட்டத்தில் 39 பேரின் உயிரை பறித்த கொரோனா; இறுதி கட்டத்தில் சிகிச்சைக்கு வருவதால் பலி எண்ணிக்கை உயர்கிறது
திண்டுக்கல் மாவட்டத்தில் 700-க்கும் மேற்பட்டோர் கொரோனாவால் பாதிக்கப்பட்டு இருக்கின்றனர். அதேநேரம் கொரோனாவால் இறப்பவர்களின் எண்ணிக்கையும் அதிகரித்து கொண்டே இருக்கிறது.