திருவாரூர் மாவட்டத்தில் மேலும் 11 பேருக்கு கொரோனா

திருவாரூர், 

திருவாரூர் மாவட்டத்தில் நேற்று முன்தினம் வரை 513 பேர் கொரோனா தொற்றினால் பாதிக்கப்பட்டு இருந்தனர். இதில் ஒரு ஆண், ஒரு பெண் என 2 பேர் உயிரிழந்துள்ளனர். இந்தநிலையில் திருவாரூர் மாவட்டத்தில் நேற்று திருவாரூரில் ஒருவர், மன்னார்குடியில் 4 பேர், வலங்கைமானில் 5 பேர், கோட்டூரில் ஒருவர் உள்பட 11 பேருக்கு கொரோனா தொற்று இருப்பது உறுதி செய்யப்பட்டது.

இதனால் பாதிக்கப்பட்டவர்களின் எண்ணிக்கை 524 ஆக உயர்ந்துள்ளது. இதில் நேற்று மட்டும் 46 பேர் குணமடைந்து வீடு திரும்பினர்.