நாகை மாவட்டத்தில் ஒரேநாளில் 30 பேருக்கு கொரோனா பாதிப்பு எண்ணிக்கை 310 ஆக உயர்வு

நாகப்பட்டினம்,

தமிழகத்தில் கொரோனா தொற்று நாளுக்கு நாள் அதிகரித்து வருகிறது. நாகை மாவட்டத்தில் நேற்றுமுன்தினம் பாதிக்கப்பட்டவர்களின் எண்ணிக்கை 285 ஆக இருந்தது. இதில் வெளிமாநிலம் மற்றும் வெளி மாவட்டங்களை சேர்ந்த 5 பேர் நாகை மாவட்ட கணக்கில் இருந்து நீக்கம் செய்யப்பட்டதால் தொற்று எண்ணிக்கை 280 ஆக குறைக்கப்பட்டது. இந்தநிலையில் நாகை மாவட்டத்தில் நேற்று ஒரேநாளில் வேதாரண்யம் தாலுகாவில் 2 பேருக்கும், கீழ்வேளூரில் 3 பேருக்கும், தரங்கம்பாடியில் 3 பேருக்கும், சீர்காழியில் 17 பேருக்கும், மயிலாடுதுறையில் 5 பேருக்கும் என 30 பேருக்கு தொற்று இருப்பது உறுதி செய்யப்பட்டது.

இதனால் நாகை மாவட்டத்தில் பாதிப்பு எண்ணிக்கை 310 ஆக உயர்ந்துள்ளது. இதில் 128 பேர் குணமடைந்துள்ளனர். 182 பேர் சிகிச்சை பெற்று வருகின்றனர்.