மாவட்ட செய்திகள்

போலீசார் உள்பட 104 பேருக்கு கொரோனா உறுதி மதுக்கரை போலீஸ் நிலையம் மூடப்பட்டது + "||" + Corona confirmed Madukkarai police station was closed to 104 people, including police

போலீசார் உள்பட 104 பேருக்கு கொரோனா உறுதி மதுக்கரை போலீஸ் நிலையம் மூடப்பட்டது

போலீசார் உள்பட 104 பேருக்கு கொரோனா உறுதி மதுக்கரை போலீஸ் நிலையம் மூடப்பட்டது
கோவை மாவட்டத்தில் போலீசார் உள்பட 104 பேருக்கு கொரோனா தொற்று நேற்று உறுதி செய்யப்பட்டு உள்ளது. இதையடுத்து மதுக்கரை போலீஸ் நிலையம் மூடப்பட்டது.
கோவை,

கோவை மாவட்டம், மதுக்கரை போலீஸ் நிலையத்தில் பணியாற்றி வரும் போலீசாருக்கு கடந்த 2 நாட்களுக்கு முன்பு கொரோனா பரிசோதனை செய்யப்பட்டது. இதில் ரோந்து பணிகளில் ஈடுபட்டு வந்த 2 சிறப்பு சப்-இன்ஸ்பெக்டர்கள், 5 ஆண் போலீசார் மற்றும் ஒரு பெண் போலீஸ் என 8 போலீசாருக்கு கொரோனா தொற்று உறுதி செய்யப்பட்டது. அவர்கள் 8 பேரும் இ.எஸ்.ஐ. ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார்கள். இதையடுத்து மதுக்கரை போலீஸ் நிலையத்தில் கிருமிநாசினி தெளிக்கப்பட்டு மூடப்பட்டது. இந்தநிலையில், மதுக்கரை சிறப்பு உதவியாளர் ஒருவர் தொண்டாமுத்தூரில் உள்ள காவலர் குடியிருப்பில் தங்கி இருந்தார். கொரோனா நோய் தடுப்பு நடவடிக்கையாக சுகாதாரத்துறை அதிகாரிகள் தொண்டாமுத்தூர் காவலர் குடியிருப்பு பகுதிக்கு சீல் வைத்து தடுப்பு வளையங்களை அமைத்தனர்.


கோவை மாவட்டத்தில் போத்தனூர், துடியலூர், சூலூர் போலீஸ் நிலையங்களை தொடர்ந்து மதுக்கரை போலீஸ் நிலையத்தில் பணிபுரிந்து வந்த போலீசாருக்கும் கொரோனா தொற்று உறுதி செய்யப்பட்டு உள்ளது குறிப்பிடத்தக்கது.

இ.எஸ்.ஐ. ஊழியர்கள்

இ.எஸ்.ஐ. ஆஸ்பத்திரியில் பணியாற்றி வரும் ஊழியர்களான 32 வயது பெண், 23 வயது ஆண் இருவருக்கும் கொரோனா தொற்று உறுதி செய்யப்பட்டுள்ளது. கோவை, அவினாசி சாலை பீளமேட்டில் இயங்கி வரும் ஓட்டல் பணியாளரான 25 வயது வாலிபருக்கு கொரோனா தொற்று உறுதியானது.

இதுதவிர உருமாண்டம்பாளையம் பொன்விழா நகரை சேர்ந்த 58, 38, 28, பெண்கள், 15, 11 வயது சிறுமிகள், 38 வயது ஆண், ஹைவே காலனியை சேர்ந்த 52 வயது பெண், 21 வயது வாலிபர், சிவானந்தபுரத்தை சேர்ந்த 48 வயது ஆண், 40 வயது பெண், ஒண்டிப்புதூரை சேர்ந்த 70 வயது முதியவர், 41, 35 வயது ஆண்கள், அருள்கார்டனை சேர்ந்த 47 வயது பெண், 38 வயது ஆண், பீளமேட்டை சேர்ந்த 65 வயது முதியவர், 13 வயது சிறுவன், 16 வயது சிறுமி.

104 பேருக்கு பாதிப்பு

கரும்புக்கடையை சேர்ந்த 30 வயது பெண், 36 வயது ஆண், செல்வபுரம் சாமி அய்யர் வீதியை சேர்ந்த 9 பேர், முத்துசாமி காலனியை சேர்ந்த 13 பேர், சாரமேடு இலாஹி நகரை சேர்ந்த 8 பேர், உப்பார வீதியை சேர்ந்த 3 பேர், செட்டிவீதி நகைப்பட்டறை தொழிலாளர்கள் 3 பேர், சின்னவேடம்பட்டி முருகன் நகரை சேர்ந்த 28 வயது பெண் உள்பட மாவட்டம் முழுவதும் 104 பேருக்கு கொரோனா தொற்று உறுதி செய்யப்பட்டுள்ளது.

செல்வபுரம் பகுதியில் தொடர்ந்து பாதிப்பு அதிகரித்து வருகிறது. கோவை மாவட்டத்தில் நேற்று ஒரே நாளில் 30 பெண்கள், 74 ஆண்கள் சேர்த்து 104 பேருக்கு கொரோனா தொற்று உறுதி செய்யப்பட்டுள்ளது. இதன்மூலம் கோவை மாவட்டத்தில் கொரோனா தொற்று பாதிக்கப்பட்டவர்களின் எண்ணிக்கை 1,591-ஆக உயர்ந்து உள்ளது. 

தொடர்புடைய செய்திகள்

1. ஈரோடு மாவட்டத்தில் கொரோனாவுக்கு ஒரே நாளில் 3 பேர் பலி - மேலும் 140 பேருக்கு தொற்று
ஈரோடு மாவட்டத்தில் கொரோனாவுக்கு ஒரே நாளில் 3 பேர் பலியாகி உள்ளனர். மேலும் 140 பேருக்கு தொற்று உறுதி செய்யப்பட்டு உள்ளது.
2. வேலூரில் ஒரே நாளில் கொரோனாவுக்கு 4 பேர் பலி
வேலூர் தனியார் மருத்துவமனையில் கொரோனாவுக்கு சிகிச்சை பெற்று வந்த 4 பேர் ஒரே நாளில் உயிரிழந்தனர்.
3. இந்தியாவில் கடந்த 24 மணி நேரத்தில் 85,362 பேருக்கு கொரோனா தொற்று உறுதி
இந்தியாவில் கடந்த 24 மணி நேரத்தில் 85,362 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது.
4. தாராவியில் புதிதாக 15 பேருக்கு கொரோனா - சிகிச்சை பெறுவோர் எண்ணிக்கை 194 ஆக உயர்வு
தாராவியில் புதிதாக 15 பேருக்கு கொரோனா தொற்று உறுதி செய்யப்பட்டதையடுத்து சிகிச்சை பெறுவோர் எண்ணிக்கை 194 ஆக உயர்ந்துள்ளது.
5. கொரோனாவால் பாதிக்கப்பட்ட டெல்லி துணை முதல் மந்திரி மனிஷ் சிசோடியா மருத்துவமனையில் அனுமதி
கடந்த 14 ஆம் தேதி டெல்லி துணை முதல் மந்திரி மனிஷ் சிசோடியாவுக்கு கொரோனா தொற்று உறுதி செய்யப்பட்டது.

அதிகம் வாசிக்கப்பட்டவை