மாவட்ட செய்திகள்

குடியாத்தம், பேரணாம்பட்டு, பள்ளிகொண்டாவில் மளிகை, காய்கறி உள்ளிட்ட கடைகள் திறக்க கட்டுப்பாடுகள் - கலெக்டர் தகவல் + "||" + Gudiyatham, Peranampattu, Pallikonda Shops including grocery and vegetable Open Controls - Collector Info

குடியாத்தம், பேரணாம்பட்டு, பள்ளிகொண்டாவில் மளிகை, காய்கறி உள்ளிட்ட கடைகள் திறக்க கட்டுப்பாடுகள் - கலெக்டர் தகவல்

குடியாத்தம், பேரணாம்பட்டு, பள்ளிகொண்டாவில் மளிகை, காய்கறி உள்ளிட்ட கடைகள் திறக்க கட்டுப்பாடுகள் - கலெக்டர் தகவல்
குடியாத்தம், பேரணாம்பட்டு, பள்ளிகொண்டாவில் மளிகை, காய்கறி உள்ளிட்ட கடைகள் நாளை (திங்கட்கிழமை) முதல் காலை 6 மணி முதல் பிற்பகல் 2 மணி வரை மட்டுமே திறந்திருக்கும் என்று கலெக்டர் சண்முகசுந்தரம் தெரிவித்துள்ளார். இதுதொடர்பாக அவர் வெளியிட்டுள்ள செய்திக்குறிப்பில் கூறியிருப்பதாவது:-
வேலூர், 

வேலூர் மாவட்டத்தில் கொரோனா தொற்றை தடுக்க தீவிர நடவடிக்கை எடுக்கப்பட்டு வருகிறது. சளி, இருமல், காய்ச்சல் அறிகுறி காணப்படுவோர்களுக்காக சிறப்பு மருத்துவ முகாம் நடத்தப்படுகின்றன. கொரோனா தொற்று பாதித்தநபர்கள் வசித்த பகுதிகளில் பிறருக்கு தொற்று உள்ளதா என்பதை கண்டறியவும் நடவடிக்கை எடுக்கப்படுகிறது. மாவட்டம் முழுவதும் நேற்று முன்தினம் வரை 1,452 முகாம்கள் நடத்தப்பட்டு, 56,542 நபர்களுக்கு சோதனை செய்யப்பட்டுள்ளது. அதில், கொரோனா அறிகுறி காணப்பட்ட 26,548 நபர்களுக்கு சளிமாதிரி சேகரிக்கப்பட்டுள்ளன.

சித்த மருத்துவத்தின் மூலம் முதற்கட்டமாக பெறப்பட்ட மருந்துகள் 1,000 பேருக்கு வழங்கப்பட்டு வருகின்றன. அதேபோன்று ஆயுர்வேத மருந்துகளும் முதற்கட்டமாக 1,000 போலீசாருக்கு வழங்கப்பட்டுள்ளன. இதை படிப்படியாக அதிகரித்து தொற்றினால் பாதிக்கப்பட்டவர்கள், கொரோனா தொற்று தடுப்பு களப்பணியாளர்கள் அனைவருக்கும் வழங்கப்பட உள்ளது. கபசுர குடிநீர், நிலவேம்பு கசாயம் ஆகியவை மாவட்டம் முழுவதும் 31 ஆயிரம் பேருக்கு வழங்கப்பட்டுள்ளது. அதேபோன்று வைட்டமின், ஜிங்க் மாத்திரைகளும் 30,450 பேருக்கு வழங்கப்பட்டுள்ளது.

தற்போது கொரோனா தொற்று குடியாத்தம், பேரணாம்பட்டு நகராட்சிகள் மற்றும் பள்ளிகொண்டா பேரூராட்சியில் அதிகரித்து வருகிறது. அதனால் முன்னெச்சரிக்கை நடவடிக்கையாக குடியாத்தம், பேரணாம்பட்டு, பள்ளிகொண்டா பகுதிகளில் நாளை முதல் மருந்துகடைகள், பெட்ரோல் பங்க் தவிர அனைத்து கடைகளும் காலை 6 மணி முதல் பிற்பகல் 2 மணி வரை மட்டுமே திறக்க வேண்டும்.

இந்த கட்டுப்பாடுகள் காய்கறி, மளிகை, இறைச்சி, மீன், துணி, ஹார்டுவேர், நகைக்கடைகள், ஓட்டல்கள், பேக்கரி, டீக்கடை உள்ளிட்ட அனைத்து கடைகளுக்கும் பொருந்தும். ஞாயிற்றுக்கிழமை வழக்கம்போல் முழுஊரடங்கு மாவட்டம் முழுவதும் கடைப்பிடிக்கப்படும். மருந்துகடைகள், பெட்ரோல் பங்குகள் அனைத்து நாட்களிலும் 24 மணி நேரமும் இயங்கலாம். இந்த 3 பகுதிகளை தவிர்த்து மாவட்டத்தின் பிறபகுதிகளில் இந்த கட்டுப்பாடுகள் இல்லை.

இவ்வாறு கலெக்டர் தெரிவித்து உள்ளார்.

தொடர்புடைய செய்திகள்

1. நாளை முதல் திங்கட்கிழமைதோறும் வருவாய் ஆய்வாளர் அலுவலகங்களில் மக்கள் குறைதீர்வு முகாம் - கலெக்டர் சண்முகசுந்தரம் தகவல்
வருவாய் அலுவலகங்களில் நாளை முதல் திங்கட்கிழமைதோறும் மக்கள் குறைதீர்வு முகாம் நடத்தப்பட உள்ளதாக வேலூர் மாவட்ட கலெக்டர் சண்முகசுந்தரம் அவித்துள்ளார்.
2. சிறுபான்மையினர் சமுதாயத்தை சேர்ந்த கைவினை கலைஞர்கள் கடனுதவி பெற விண்ணப்பிக்கலாம் - கலெக்டர் தகவல்
சிறுபான்மையினர் சமுதாயத்தை சேர்ந்த கைவினை கலைஞர்கள் கடனுதவி பெற விண்ணப்பிக்கலாம் என்று கலெக்டர் சண்முகசுந்தரம் தகவல் தெரிவித்துள்ளார்.
3. குளங்களின் கரைகளில், எல்லைக்கற்கள் தவறாக நடப்பட்டிருந்தால் கடும் நடவடிக்கை - கலெக்டர் எச்சரிக்கை
குளங்களின் கரைகளில் எல்லைக்கற்கள் தவறாக நடப்பட்டிருந்தால் ஊராட்சி செயலாளர் மீது கடும் நடவடிக்கை எடுக்கப்படும் என்று கலெக்டர் சண்முகசுந்தரம் தெரிவித்தார்.
4. குடியாத்தம் பகுதியில், முழு ஊரடங்கை அமல்படுத்தும் திட்டம் இல்லை - கலெக்டர் தகவல்
குடியாத்தம் பகுதியில் முழு ஊரடங்கை அமல்படுத்தும் திட்டம் ஏதுமில்லை என கலெக்டர் சண்முகசுந்தரம் தெரிவித்துள்ளார்.
5. கொரோனா பாதிக்கப்பட்ட நபரின் குடும்பத்தினர், உறவினர்கள் வீடுகளில் தனிமைப்படுத்த நடவடிக்கை - கலெக்டர் தகவல்
கொரோனா பாதிக்கப்பட்ட நபரின் குடும்பத்தினர், உறவினர்கள் அவரவர் வீடுகளிலேயே தனிமைப்படுத்த நடவடிக்கை எடுக்கப்பட்டுள்ளதாக கலெக்டர் சண்முகசுந்தரம் தெரிவித்து உள்ளார்.

அதிகம் வாசிக்கப்பட்டவை