மாவட்ட செய்திகள்

பேரணாம்பட்டு பகுதியில் பலத்த மழை பத்தலப்பல்லி மலைப்பாதையில் ‘திடீர்’ நிலச்சரிவு ஆந்திரா, கர்நாடகா மாநில போக்குவரத்து துண்டிப்பு + "||" + Andhra Pradesh, Karnataka cut off due to 'sudden' landslide on Pathalappally hill road

பேரணாம்பட்டு பகுதியில் பலத்த மழை பத்தலப்பல்லி மலைப்பாதையில் ‘திடீர்’ நிலச்சரிவு ஆந்திரா, கர்நாடகா மாநில போக்குவரத்து துண்டிப்பு

பேரணாம்பட்டு பகுதியில் பலத்த மழை பத்தலப்பல்லி மலைப்பாதையில் ‘திடீர்’ நிலச்சரிவு ஆந்திரா, கர்நாடகா மாநில போக்குவரத்து துண்டிப்பு
பேரணாம்பட்டு பகுதியில் பெய்த பலத்த மழை காரணமாக பத்தலப்பல்லி மலைப்பாதையில் திடீரென நிலச்சரிவு ஏற்பட்டது. இதனால் ஆந்திரா, கர்நாடகா மாநில போக்குவரத்து துண்டிக்கப்பட்டது.
பேரணாம்பட்டு,

வேலூர் மாவட்டம் பேரணாம்பட்டு அருகே தமிழக எல்லையில் அமைந்துள்ளது பத்தலப்பல்லி மலைக்கிராமம். தமிழக எல்லையான பத்தலப்பல்லி கிராமத்தையொட்டி ஆந்திர எல்லை உள்ளது. பத்தலப்பல்லி மலைப்பாதையில் 7 கொண்டை ஊசி வளைவுகள் உள்ளன. கடந்த 2 நாட்களுக்கு முன்பு பெய்த மழையினால் மலைப்பகுதியிலிருந்து சிறிய பாறை சரிந்து மலைப்பாதையில் உருண்டு விழுந்தது.


இந்தநிலையில் நேற்று மாலை பேரணாம்பட்டு மற்றும் பத்தலப்பல்லி பகுதியில் சுமார் 2 மணி நேரம் பலத்த மழை பெய்தது. இந்த பலத்த மழையின் காரணமாக 7-வது கொண்டை ஊசி வளைவான குண்டன் கானாறு என்ற இடத்தில் சுமார் 30 மீட்டர் நீள தூரத்திற்கு திடீர் நிலச்சரிவு ஏற்பட்டது.

போக்குவரத்து துண்டிப்பு

இதனால் பத்தலபல்லி வழியாக ஆந்திரா, கர்நாடகா மாநிலங்களுக்கு போக்குவரத்து துண்டிக்கப்பட்டது.

இதே போன்று ஆந்திர மாநில எல்லையான நாய்க்கனேரி சோதனைச்சாவடியிலும் தமிழக எல்லைக்குள் போக்குவரத்து தடை செய்யப்பட்டது. நிலச்சரிவு காரணமாக ஆந்திரா, கர்நாடகா மாநிலங்களில் இருந்து பேரணாம்பட்டு பகுதிக்கு காய்கறிகள், பூக்கள், பழங்கள் விற்பனைக்கு வருவது முழுமையாக பாதிக்கப்பட்டுள்ளது.

போக்குவரத்து மாற்றம்

இதுதொடர்பாக கலெக்டர் சண்முகசுந்தரம் கூறுகையில், இந்த சாலை வழியாக தினமும் பல வாகனங்கள் காய்கறிகள் ஏற்றிக் கொண்டு சென்னைக்கு செல்வது வழக்கம். இந்த மண் சரிவை அப்புறப்படுத்த தற்காலிகமாக போக்குவரத்து தடை செய்யப்பட்டுள்ளது. மேலும், இது சரி செய்ய ஒரு வாரமாகும் என்பதால், இந்த வழியாக செல்லும் அனைத்து வாகனங்களும் பலமனேர், சித்தூர் வழியாக சென்னை அல்லது பெங்களூருக்கு செல்லலாம் என்றார்.

தொடர்புடைய செய்திகள்

1. கூடலூர்-கேரள மலைப்பாதையில் மண்சரிவால் போக்குவரத்து பாதிப்பு
கூடலூர்-கேரள மலைப்பாதையில் மண்சரிவால் போக்குவரத்து பாதிக்கப்பட்டது.
2. மூடப்படுவதாக வதந்தி: மதுக்கடையில் குவிந்த மது பிரியர்கள் போக்குவரத்து நெரிசல்
மூடப்படுவதாக பரவிய வதந்தியால் மதுக்கடையில் மது பிரியர்கள் குவிந்தனர். இதனால் போக்குவரத்து நெரிசல் ஏற்பட்டது.
3. இயல்பு நிலைக்கு மெல்ல திரும்பும் மக்கள்: விழுப்புரத்தில் மீண்டும் இயங்க தொடங்கிய போக்குவரத்து சிக்னல்கள்
விழுப்புரத்தில் இயல்பு நிலைக்கு மக்கள் மெல்ல திரும்பி வரும் நிலையில், நகரில் உள்ள போக்குவரத்து சிக்னல்கள் மீண்டும் இயங்க தொடங்கி உள்ளது.
4. கொரோனா வைரசால் போக்குவரத்து முடக்கம்: லாரிகளுக்கான 3 மாத காலாண்டு வரியை ரத்து செய்ய வேண்டும்
கொரோனா வைரஸ் பாதிப்பு காரணமாக போக்குவரத்து முடக்கப்பட்டு இருப்பதால் லாரிகளுக்கான 3 மாத காலாண்டு வரியை ரத்து செய்ய வேண்டும் என தமிழ்நாடு மணல் லாரி உரிமையாளர்கள் சம்மேளனத்தின் தலைவர் செல்ல.ராசாமணி கூறினார்.
5. தமிழக-ஆந்திர எல்லையின் குறுக்கே தடுப்புச்சுவர் இருமாநில போக்குவரத்து அடியோடு துண்டிப்பு
தமிழக-ஆந்திர மாநில எல்லையில் சைனகுண்டா அருகே குடியாத்தம்-பலமநேர் சாலையின் குறுக்கே தடுப்புச்சுவர் கட்டப்பட்டுள்ளதால், இரு மாநில வாகனப் போக்குவரத்து அடியோடு துண்டிக்கப்பட்டுள்ளது. அத்தியாவசியப் பொருட்கள் வருவதும் தடைப்பட்டுள்ளது.