மாவட்ட செய்திகள்

சிவகங்கை மாவட்டத்தில், நுண்ணீர் பாசன திட்டத்திற்கு ரூ.12¾ கோடி ஒதுக்கீடு + "||" + In Sivagangai district, For micro-irrigation project An allocation of Rs.120 crore

சிவகங்கை மாவட்டத்தில், நுண்ணீர் பாசன திட்டத்திற்கு ரூ.12¾ கோடி ஒதுக்கீடு

சிவகங்கை மாவட்டத்தில், நுண்ணீர் பாசன திட்டத்திற்கு ரூ.12¾ கோடி ஒதுக்கீடு
சிவகங்கை மாவட்டத்தில் நுண்ணீர் பாசன திட்டத்திற்கு ரூ.12 கோடியே 77 லட்சம் மானியம் நிதி ஒதுக்கீடு செய்யப்பட்டுள்ளது.
சிவகங்கை, 

சிவகங்கை மாவட்டத்தில் பிரதம மந்திரி நுண்ணீர் பாசன திட்டத்தை 2 ஆயிரத்து 216 எக்டர் பரப்பளவில் செயல்படுத்த ரூ.8 கோடியே 23 லட்சமும், துணை நிலை நீர் மேலாண்மை திட்ட பணிகளை செயல்படுத்த ரூ.4 கோடியே 54 லட்சமும் சேர்த்து ரூ.12 கோடியே 77 லட்சம் மானியம் நிதி ஒதுக்கீடு செய்யப்பட்டுள்ளது. 

நுண்ணீர் பாசன திட்டத்தின் கீழ் சிறு,குறு விவசாயிகளுக்கு 100 சதவீதமும், இதர விவசாயிகளுக்கு 75 சதவீதமும் மானியம் வழங்கப்படும். மேலும் சொட்டுநீர், தெளிப்பு நீர், மழை தூவாண் உபகரணங்கள் ஆகியவை வயலில் அமைத்து கொடுக்கப்படும். இத்திட்டத்தில் 7 ஆண்டுகளுக்கு முன்பு நுண்ணுயிர் பாசனம் அமைத்த விவசாயிகள் அதே இடத்தில் மீண்டும் பாசனம் அமைக்க மானியம் பெறலாம். 

மாவட்டத்தில் எஸ்.புதூரை தவிர அனைத்து வட்டாரங்களிலும் குழாய் கிணறு அல்லது ஆழ்துளை கிணறு அமைக்க விவசாயிகள் செலவிடும் தொகையில் 50 சதவீதமாக அதிகபட்சம் ரூ.25 ஆயிரம் வழங்கப்படும். டீசல் பம்புசெட், மின் மோட்டார் பம்புசெட் ஆகியவை அமைப்பதற்கு ரூ.15 ஆயிரம் வரை 50 சதவீதமும், வயலுக்கு அருகில் பாசன நீரை கொண்டு செல்லும் வகையில், குழாய் அமைப்பதற்கு எக்டருக்கு ரூ.10 ஆயிரம் வீதம் 50 சதவீதமும் வழங்கப்படும். இந்த பணிகளை விவசாயிகள் தங்கள் சொந்த செலவில் மேற்கொண்டு அதற்கான முழு ஆவணங்களையும் சமர்ப்பிக்க வேண்டும். 
மானியம் விவசாயிகளின் வங்கி சேமிப்பு கணக்கில் செலுத்தப்படும். மானியத்தை பெற விரும்பும் விவசாயிகள் அருகில் உள்ள வட்டார வேளாண்மை உதவி இயக்குனர் அலுவலகத்தில் பதிவு செய்து கொண்டு பயன் அடையலாம்.

இத்தகவலை மாவட்ட கலெக்டர் ஜெயகாந்தன் தெரிவித்துள்ளார்.

தொடர்புடைய செய்திகள்

1. மருதுபாண்டியர் நினைவு தினம்: அஞ்சலி செலுத்த வருபவர்கள் அனுமதி பெற்று வரவேண்டும் - கலெக்டர் ஜெயகாந்தன் தகவல்
மாமன்னர் மருதுபாண்டியர் நினைவு தினத்திற்கு அஞ்சலி செலுத்த வருபவர்கள் போலீசாரிடம் அனுமதி பெற்று வரவேண்டும் என்று சிவகங்கை கலெக்டர் ஜெயகாந்தன் தெரிவித்துள்ளார்.
2. பயோமெட்ரிக் முறையில் அத்தியாவசிய பொருள் வாங்கமுடியாத முதியவர்கள், மாற்றுத்திறனாளிகளுக்கு உணவு பொருள் பெற சிறப்பு சலுகை - கலெக்டர் ஜெயகாந்தன் தகவல்
பயோமெட்ரிக் முறையில் நியாயவிலை கடைக்கு சென்று அத்தியாவசிய பொருள் பெற முடியாத முதியவர்கள் மற்றும் மாற்றுத்திறனாளிகளுக்கு சிறப்பு சலுகை அளிக்கப்பட்டுள்ளது என்று மாவட்ட கலெக்டர் ஜெயகாந்தன் தெரிவித்துள்ளார். சிவகங்கை மாவட்ட கலெக்டர் ஜெயகாந்தன் விடுத்துள்ள அறிக்கையில் கூறியுள்ளதாவது:-
3. தீபாவளியையொட்டி கோ-ஆப்டெக்ஸ் மூலம் ரூ.70 லட்சத்திற்கு விற்பனை செய்ய இலக்கு - கலெக்டர் ஜெயகாந்தன் தகவல்
சிவகங்கை மாவட்டத்தில் கோ-ஆப்டெக்ஸ் நிறுவனத்தின் மூலம் தீபாவளி பண்டிகையையொட்டி ரூ.70 லட்சத்திற்கு விற்பனை செய்ய இலக்கு நிர்ணயம் செய்யப்பட்டுள்ளது என்று மாவட்ட கலெக்டர் ஜெயகாந்தன் தெரிவித்தார்.
4. பொதுமக்கள் வசிக்கும் இடத்திலிருந்து 2 கிலோமீட்டர் தொலைவிற்குள் வாக்குச்சாவடி மையங்கள் அமைக்க நடவடிக்கை - கலெக்டர் ஜெயகாந்தன் தகவல்
பொதுமக்கள் வசிக்கும் இடத்தில் இருந்து 2 கிலோமீட்டர் தொலைவிற்குள் வாக்குச்சாவடி மையங்கள் அமைக்க நடவடிக்கை எடுக்கப்பட உள்ளது என்று சிவகங்கை மாவட்ட கலெக்டர் ஜெயகாந்தன் தெரிவித்தார்.
5. மழை பாதித்த பகுதிகளில் நிவாரண பணிகளை உடனடியாக மேற்கொள்ள வேண்டும் - கலெக்டர் ஜெயகாந்தன் உத்தரவு
மழை வெள்ளத்தினால் பாதிக்கப்பட்ட மக்களுக்கு உடனடியாக நிவாரண உதவி கிடைக்க நடவடிக்கை எடுக்க வேண்டும் என்று சிவகங்கை மாவட்ட கலெக்டர் ஜெயகாந்தன் தெரிவித்தார்.