மாவட்ட செய்திகள்

கொரோனாவுக்கு சிகிச்சை அளித்த டாக்டர்களுக்கு நன்றிக்கடன் பட்டுள்ளேன் - அமிதாப் பச்சன் உருக்கம் + "||" + I am indebted to the doctors who treated Corona - Amitabh Bachchan

கொரோனாவுக்கு சிகிச்சை அளித்த டாக்டர்களுக்கு நன்றிக்கடன் பட்டுள்ளேன் - அமிதாப் பச்சன் உருக்கம்

கொரோனாவுக்கு சிகிச்சை அளித்த டாக்டர்களுக்கு நன்றிக்கடன் பட்டுள்ளேன் - அமிதாப் பச்சன் உருக்கம்
கொரோனாவுக்கு சிகிச்சை அளித்த டாக்டர்களுக்கு மிகப்பெரிய நன்றிக்கடன் பட்டுள்ளேன் என நடிகர் அமிதாப்பச்சன் உருக்கமாக கூறியுள்ளார்.
மும்பை,

இந்தி திரையுலக சூப்பர் ஸ்டார் அமிதாப் பச்சன், அவரது மகன் அபிஷேக் பச்சன், மருமகள் ஐஸ்வர்யா ராய், பேத்தி ஆராத்யா ஆகியோருக்கு கடந்த மாதம் கொரோனா தொற்று உறுதி செய்யப்பட்டது. இதில், லேசான பாதிப்புடன் இருந்த ஐஸ்வர்யா ராய், ஆராத்யா ஆகியோர் கடந்த வாரம் குணமாகி ஆஸ்பத்திரியில் இருந்து வீடு திரும்பினர்.


இந்தநிலையில் 77 வயதான நடிகர் அமிதாப் பச்சனும் நேற்று முன் தினம் கொரோனாவில் இருந்து மீண்டு வீடு திரும்பினார். அபிஷேக் பச்சன் தொடர்ந்து ஆஸ்பத்திரியில் சிகிச்சை பெற்று வருகிறார்.

இந்தநிலையில் வீடு திரும்பிய நடிகர் அமிதாப் பச்சன் வலைதள பக்கத்தில் தனக்கு சிகிச்சை அளித்த டாக்டர்களுக்கு மிகப்பெரிய நன்றிக் கடன்பட்டு இருப்பதாக உருக்கமாக கூறியுள்ளார்.

இது குறித்து அவர் கூறியிருப்பதாவது:-

கொரோனாவில் இருந்து முக்தி பெற்று ஆஸ்பத்திரியில் இருந்து வீடு திரும்பி இருப்பது மனநிறைவாக உள்ளது. எனினும் அபிஷேக் தொடர்ந்து சிகிச்சை பெற்று வருவது கவலையாக உள்ளது. டாக்டர்கள் ஒவ்வொரு மணி நேரமும் கொரோனாவுக்கு எதிராக ஓய்வின்றி போராடி வருகின்றனர். எல்லாம் சரியாகிவிடும் என ஒவ்வொரு நிமிடமும் எங்களுக்கு உறுதி அளிக்கின்றனர். வைரசில் இருந்து நோயாளிகளை காப்பாற்ற அவர்கள் போராடி வருகின்றனர். டாக்டர்களை ‘‘வெண்ணிற ஆடை அணிந்த தேவதைகள்'' என கூறியபோது, அவர்களின் சிறந்த சேவையை அனுபவிக்க அந்த தேவதைகள் மத்தியில் நான் படுத்து இருப்பேன் என்று ஒருபோதும் நினைக்கவில்லை.

அவர்கள் எங்களுக்கு நம்பிக்கை, உற்சாகம், கொரோனாவுக்கு எதிராக போராடும் பலத்தை தருகிறார்கள். அவர்கள் மிக, மிக முக்கியமானவர்கள். அவர்களுக்கான என் நன்றி கடன் எப்போதும் தீராது. அபிஷேக்கிற்காக மிகவும் வருந்துகிறேன். அவர் வீட்டுக்கு விரைவில் வர பிரார்த்தனை செய்கிறேன்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. கொரோனாவுக்கு சிகிச்சை பெற்று வரும் அமைச்சர் எம்.ஆர்.விஜயபாஸ்கரிடம் தொலைபேசி மூலம் நலம் விசாரித்தார் முதலமைச்சர் பழனிசாமி
கொரோனாவுக்கு சிகிச்சை பெற்று வரும் அமைச்சர் எம்.ஆர்.விஜயபாஸ்கரிடம் முதலமைச்சர் பழனிசாமி தொலைபேசி மூலம் தொடர்பு கொண்டு நலம் விசாரித்தார்.
2. கொரோனா பாதிப்பு; மரணத்தில் தப்பி பிழைத்த நபருக்கு மருத்துவ பில் தந்த பேரதிர்ச்சி
அமெரிக்காவில் கொரோனாவுக்கு சிகிச்சை பெற்று மரணத்தில் இருந்து உயிர் தப்பிய முதியவருக்கு வந்த மருத்துவ பில் பேரதிர்ச்சியை ஏற்படுத்தியது.
3. கொரோனாவுக்கு சிகிச்சை அளிக்க நாடு முழுவதும் 7,740 இடங்களில் ஏற்பாடு - மத்திய அரசு தகவல்
நாடு முழுவதும் கொரோனாவுக்கு சிகிச்சை அளிக்க 483 மாவட்டங்களில் 7,740 இடங்களில் ஏற்பாடு செய்யப்பட்டுள்ளதாக மத்திய அரசு தெரிவித்துள்ளது.
4. கொரோனாவுக்கு சிகிச்சை அளிக்க 2 ஆயிரம் படுக்கை வசதிகள் தயார் - கலெக்டர் வினய் தகவல்
மதுரை மாவட்டத்தில் கொரோனா பாதித்த வர்களுக்கு சிகிச்சை அளிக்க 2 ஆயிரம் படுக்கை வசதிகள் தயார் நிலையில் உள்ளன என்று கலெக்டர் வினய் தெரிவித்துள்ளார். மதுரை மாவட்ட கலெக்டர் வினய் வெளியிட்டுள்ள செய்திக்குறிப்பில் கூறியிருப்பதாவது:-
5. கொரோனாவுக்கு சிகிச்சை அளிக்க 2 ஆயிரத்து 500 ரெயில் பெட்டி ‘வார்டு’கள் தயார் - ரெயில்வே அறிவிப்பு
கொரோனா வைரசுக்கு சிகிச்சை அளிப்பதற்காக ரெயில் பெட்டிகளை ‘வார்டு’களாக மாற்ற தொடங்கப்பட்ட பணியில் 2 ஆயிரத்து 500 வார்டுகள் தயார் நிலையில் உள்ளது என இந்தியன் ரெயில்வே தெரிவித்துள்ளது.

அதிகம் வாசிக்கப்பட்டவை