மாவட்ட செய்திகள்

சுஷாந்த் சிங் வங்கி கணக்கில் பண மோசடி நடிகை ரியாவிடம் அமலாக்கத்துறை விசாரணை + "||" + Enforcement department investigates actress Riya for money laundering in Sushant Singh's bank account

சுஷாந்த் சிங் வங்கி கணக்கில் பண மோசடி நடிகை ரியாவிடம் அமலாக்கத்துறை விசாரணை

சுஷாந்த் சிங் வங்கி கணக்கில் பண மோசடி நடிகை ரியாவிடம் அமலாக்கத்துறை விசாரணை
நடிகர் சுஷாந்த் சிங்கின் வங்கி கணக்கில் ரூ.15 கோடி பணம் மோசடி செய்யப்பட்டு இருப்பதாக அவரது தந்தை அளித்த புகார் தொடர்பாக அமலாக்கத்துறை நடிகை ரியா சக்கரபோர்த்தியிடம் விசாரணை நடத்தியது.
மும்பை,

34 வயது இந்தி நடிகர் சுஷாந்த் சிங் கடந்த ஜூன் மாதம் 14-ந் தேதி மும்பை பாந்திராவில் உள்ள வீட்டில் தூக்குப்போட்டு தற்கொலை செய்துகொண்டார். இந்த சம்பவம் தொடர்பாக மும்பை போலீசார் விசாரணை நடத்திய நிலையில், சுஷாந்த் சிங் மரணம் தொடர்பாக பீகாரில் வசித்து வரும் அவரது தந்தை கே.கே. சிங் பாட்னா போலீசில் புகார் ஒன்றை அளித்தார்.


அதில் தனது மகன் தற்கொலைக்கு நடிகை ரியா சக்ரபோர்த்தியே காரணம் என்றும், சுஷாந்த் சிங்கின் வங்கி கணக்கில் ரூ.15 கோடி மோசடி நடந்து இருப்பதாகவும் குற்றம்சாட்டி இருந்தார். இந்த புகார் தொடர்பாக பாட்னா போலீசாா் தற்கொலைக்கு தூண்டியது, பணமோசடி உள்ளிட்ட பிரிவுகளின் கீழ் சுஷாந்த் சிங்கின் காதலி ரியா சக்கரபோர்த்தி மற்றும் அவரது குடும்பத்தினர் மீது வழக்குப்பதிவு செய்தனர்.

தற்போது இந்த வழக்கு சி.பி.ஐ. விசாரணைக்கு மாற்றப்பட்டு உள்ளது.

அமலாக்கத்துறை விசாரணை

இந்தநிலையில் சுஷாந்த் சிங் வங்கி கணக்கில் நடந்த பண மோசடி புகாரை அடிப்படையாக வைத்து அமலாக்கத்துறை வழக்குப்பதிவு செய்து உள்ளது. இதுதொடர்பான விசாரணைக்கு நேற்று மதியம் மும்பை பல்லர்டு எஸ்டேட்டில் உள்ள அமலாக்கத்துறை அலுவலகத்தில் ரியா சக்கரபோர்த்தி ஆஜரானார். அவருடன் விசாரணைக்கு அவரது தம்பி சோவிக் வந்து இருந்தார். ரியா சக்கரபோர்த்தியின் வருமானம், முதலீடு, தொழில் விவகாரங்கள் குறித்து விசாரணை நடத்தி இருக்கலாம் என கூறப்படுகிறது.

இதேபோல சுஷாந்த் சிங், ரியா சக்கரபோர்த்தியின் தொழில் மேலாளர் சுருதி மோடியிடமும் அமலாக்கத்துறை அதிகாரிகள் விசாரணை நடத்தினர். சுஷாந்த் சிங்கின் ஆடிட்டர் சந்தீப் ஸ்ரீதரிடம் ஏற்கனவே அமலாக்கத்துறை விசாரணை நடத்தி இருந்தது.

இந்தநிலையில் சுஷாந்த் சிங்குடன் வீட்டில் ஒன்றாக வசித்து வந்த சித்தார்த் பிதானியை அமலாக்கத்துறை விசாரணைக்கு அழைத்து உள்ளது.

நிராகரிப்பு

முன்னதாக பீகார் போலீசார் பதிவு செய்த வழக்கை மும்பைக்கு மாற்ற சுப்ரீம் கோர்ட்டில் தாக்கல் செய்த மனுவை காரணம் காட்டி ரியா சக்கரபோர்த்தி அமலாக்கத்துறை விசாரணைக்கு ஆஜராவதில் இருந்து விலக்கு கேட்டு இருந்தார். ஆனால் அமலாக்கத்துறை அவரது கோரிக்கையை நிராகரித்தது.

மேலும் ரியா சக்ரபோர்த்தி தலைமறைவாக உள்ளார் என்று பீகார் போலீசார் குற்றம்சாட்டி இருந்த நிலையில், அமலாக்கத்துறை அலுவலகத்தில் அவர் நேரில் ஆஜராகி இருப்பது குறிப்பிடத்தக்கது.

தொடர்புடைய செய்திகள்

1. குட்கா ஊழல் தொடர்பான வழக்கில் நீதி நிலைநாட்டப்பட வேண்டும் - மு.க.ஸ்டாலின்
குட்கா ஊழல் தொடர்பான விசாரணை விரைவாக நடைபெற்று நீதி நிலைநாட்டப்பட வேண்டும் தி.மு.க தலைவர் மு.க.ஸ்டாலின் தெரிவித்துள்ளார்.
2. சிறுவன், சிறுமியை கட்டி வைத்து சித்ரவதை இளம்பெண்ணை பிடித்து போலீசார் விசாரணை
உடன்குடி அருகே தோட்டத்தில் சிறுவன், சிறுமி கட்டி வைத்து சித்ரவதை செய்யப்பட்டனர். இதுதொடர்பாக இளம்பெண்ணை பிடித்து விசாரணை நடத்தி வருகின்றனர்.
3. நெல்லையில் பரிதாபம்: கல்லூரி மாணவர் தற்கொலை போலீசார் விசாரணை
நெல்லையில் கல்லூரி மாணவர் விஷம் குடித்து தற்கொலை செய்து கொண்டார். அவர் சாவுக்கான காரணம் குறித்து போலீசார் தீவிர விசாரணை நடத்தி வருகிறார்கள்.
4. குளச்சல் பஸ் நிலையத்தில் 6 மாத குழந்தை கடத்தல் பெற்றோரிடம், போலீசார் விசாரணை
குளச்சல் பஸ் நிலையத்தில் பெற்றோருடன் தூங்கிய 6 மாத பெண் குழந்தை கடத்தப்பட்ட சம்பவம் பரபரப்பை ஏற்படுத்தியுள்ளது.
5. பிளாஸ்டிக் படகில் வந்த சிங்கள போலீஸ்காரர்: தனுஷ்கோடிக்கு அழைத்து வந்து சி.பி.சி.ஐ.டி. போலீசார் விசாரணை
தனுஷ்கோடிக்கு அழைத்து வந்து இலங்கை காவலரிடம் சி.பி.சி.ஐ.டி போலீசார் தீவிர விசாரணை நடத்தினர்.

அதிகம் வாசிக்கப்பட்டவை