மாவட்ட செய்திகள்

ஆன்லைன் வகுப்புக்கு பெற்றோர் செல்போன் வாங்கி தராததால் பிளஸ்-2 மாணவி தூக்குப்போட்டு தற்கொலை + "||" + Plus-2 student commits suicide by hanging because parents did not buy a cell phone for online class

ஆன்லைன் வகுப்புக்கு பெற்றோர் செல்போன் வாங்கி தராததால் பிளஸ்-2 மாணவி தூக்குப்போட்டு தற்கொலை

ஆன்லைன் வகுப்புக்கு பெற்றோர் செல்போன் வாங்கி தராததால் பிளஸ்-2 மாணவி தூக்குப்போட்டு தற்கொலை
ஆன்லைன் வகுப்புக்கு பெற்றோர் செல்போன் வாங்கி தராததால் பிளஸ்-2 மாணவி தூக்குப்போட்டு தற்கொலை செய்துகொண்டார்.
பூந்தமல்லி, 

சென்னை வளசரவாக்கம் அடுத்த ராமாபுரம், பூத்தபேடு, ஏழுமலை தெருவைச் சேர்ந்தவர் சின்னையா. கட்டிட மேஸ்திரி. இவருடைய மனைவி சுவர்ணா. இவர், தனியார் நிறுவனத்தில் வேலை செய்து வருகிறார். இவர்களுடைய மகன் கோபி, வளசரவாக்கம் மண்டல வார்டு அலுவலகத்தில் வேலை செய்து வருகிறார்.

சின்னையா-சுவர்ணா தம்பதிக்கு யாமினி(வயது 17) என்ற மகளும் இருந்தார். அவர், அருகில் உள்ள அரசு உதவிபெறும் பெண்கள் மேல் நிலைப்பள்ளியில் தற்போது பிளஸ்-2 படித்து வந்தார். ஊரடங்கு காரணமாக பள்ளிகள் மூடப்பட்டு உள்ளதால் மாணவர்களுக்கு வீட்டில் இருந்தபடி ஆன்லைன் மூலம் பிளஸ்-2 கல்வி கற்பிக்கப்பட்டு வருகிறது.

புதிய செல்போன்

எனவே ஆன்லைன் மூலம் கல்வி கற்க தனக்கு புதிய செல்போன் வாங்கித்தரும்படி யாமினி தனது பெற்றோர் மற்றும் அண்ணனிடமும் கேட்டார். அவர்களும், இன்னும் 2 நாட்களில் வாங்கி தருவதாக கூறி இருந்தனர்.

அதுவரை தனது சித்தியின் செல்போனை ஆன்லைன் வகுப்புக்கு பயன்படுத்தி படித்து வந்தார். ஆனால் அவரது செல்போனுக்கு அடிக்கடி அழைப்புகள் வந்ததால் யாமினியால் ஆன்லைன் வகுப்பில் சரியாக கவனம் செலுத்த முடியாமல் அவதிப்பட்டார்.

தூக்குப்போட்டு தற்கொலை

இதனால் ஆன்லைன் வகுப்புக்கு தனது பெற்றோர் செல்போன் வாங்கி தரவில்லையே என விரக்தி அடைந்த யாமினி, நேற்று முன்தினம் இரவு வீட்டில் யாரும் இல்லாத நேரத்தில் தூக்குப்போட்டு தற்கொலை செய்து கொண்டார்.

வேலை முடிந்து வீட்டுக்கு வந்த அவரது பெற்றோர், யாமினி தூக்கில் பிணமாக தொங்குவதை கண்டு அதிர்ச்சி அடைந்தனர். இதுபற்றி தகவல் அறிந்ததும் யாமினியுடன் படித்த சக மாணவிகள் நேரில் வந்து அவரது உடலுக்கு அஞ்சலி செலுத்தினார்கள்.

இதுபற்றி ராயலாநகர் போலீசார் வழக்குப்பதிவு செய்து விசாரித்து வருகின்றனர்.


தொடர்புடைய செய்திகள்

1. செல்போனில் விளையாடியதை தாய் கண்டித்ததால் மாணவன் தற்கொலை
மண்டைக்காடு அருகே செல்போனில் விளையாடியதை தாயார் கண்டித்ததால் 9-ம் வகுப்பு மாணவர் விஷம் குடித்து தற்கொலை செய்து கொண்டார்.
2. 9-ம் வகுப்பு மாணவி தூக்குப்போட்டு தற்கொலை அதிக நேரம் செல்போன் பார்த்ததை தந்தை கண்டித்ததால் விபரீதம்
திருச்சியில் அதிக நேரம் செல்போன் பார்த்ததை தந்தை கண்டித்ததால் 9-ம் வகுப்பு மாணவி தூக்குப்போட்டு தற்கொலை செய்து கொண்டார்.
3. கடலூரில், மீனவர் விஷம் குடித்து தற்கொலை உறவினர்கள் மறியலில் ஈடுபட்டதால் பரபரப்பு
கடலூரில் சுருக்குமடி வலையை பயன்படுத்த தடை விதிக்கப்பட்டதால் பாதிக்கப்பட்ட மீனவர் விஷம் குடித்து தற்கொலை செய்து கொண்டார். இதனால் சுருக்குமடி வலையை பயன்படுத்த அனுமதி வழங்கக்கோரி உறவினர்கள் மறியலில் ஈடுபட்டனர்.
4. வளசரவாக்கம் அருகே மருத்துவ கல்லூரி மாணவர் தற்கொலை பேரன் இறந்த அதிர்ச்சியில் தாத்தாவும் சாவு
மருத்துவ கல்லூரி மாணவர் தூக்குப்போட்டு தற்கொலை செய்து கொண்டார். பேரன் இறந்த அதிர்ச்சியில் அவரது தாத்தாவும் மாரடைப்பால் உயிரிழந்தார்.
5. தொட்டியம் அருகே குடும்ப பிரச்சினையால் பட்டதாரி பெண் தற்கொலை முசிறி சப்-கலெக்டர் விசாரணை
தொட்டியம் அருகே குடும்ப பிரச்சினையில் பட்டதாரி பெண் தூக்குப்போட்டு தற்கொலை செய்து கொண்டார். அவருக்கு திருமணமாகி 2 ஆண்டுகளே ஆவதால் முசிறி சப்-கலெக்டர் விசாரணை நடத்தி வருகிறார்.