மாவட்ட செய்திகள்

புதுவை முன்னாள் அமைச்சர் ஏழுமலை கொரோனாவுக்கு பலி + "||" + New Delhi: Former minister Yelumalai Corona has been killed

புதுவை முன்னாள் அமைச்சர் ஏழுமலை கொரோனாவுக்கு பலி

புதுவை முன்னாள் அமைச்சர் ஏழுமலை கொரோனாவுக்கு பலி
புதுச்சேரி முன்னாள் அமைச்சர் ஏழுமலை கொரோனாவுக்கு பலியானார்.
புதுச்சேரி, 

புதுவை முன்னாள் அமைச்சர் ஏழுமலை (வயது 56). இவருக்கு நேற்று முன்தினம் திடீரென மூச்சுதிணறல் ஏற்பட்டது. இதைத்தொடர்ந்து உறவினர்கள் அவரை உடனடியாக ஜிப்மர் ஆஸ்பத்திரியில் அனுமதித்தனர். அங்கு அவருக்கு தீவிர சிகிச்சை அளிக்கப்பட்டு வந்தது. அவருக்கு கொரோனா அறிகுறிகள் இருந்ததால் அதற்கான மருத்துவ பரிசோதனைகள் மேற்கொள்ளப்பட்டன. இந்தநிலையில் நேற்று பிற்பகல் அவர் மரணமடைந்தார். ஏற்கனவே மேற்கொள்ளப்பட்ட பரிசோதனை முடிவுகள் வெளியானதில் ஏழுமலைக்கு தொற்று இருப்பது உறுதி செய்யப்பட்டது.

முன்னாள் அமைச்சர்

ஊசுடு தொகுதியில் கடந்த 1996-ம் ஆண்டு நடந்த சட்டமன்ற தேர்தலில் த.மா.கா. சார்பில் போட்டியிட்டு ஏழுமலை வெற்றிபெற்றார். அதன்பின் 2001 தேர்தலில் கண்ணன் தலைமையிலான புதுச்சேரி மக்கள் காங்கிரஸ் கட்சி சார்பில் அதே தொகுதியில் போட்டியிட்டு மீண்டும் எம்.எல்.ஏ. ஆனார். காங்கிரஸ்-புதுச்சேரி மக்கள் காங்கிரஸ் கூட்டணி அரசில் 2004 வரை உள்ளாட்சித்துறை அமைச்சராக பதவி வகித்தார். அதன்பின் 2006-ம் ஆண்டு நடந்த சட்டமன்ற தேர்தலிலும் ஊசுடு தொகுதியில் சுயேச்சையாக போட்டியிட்டு வெற்றி பெற்றார்.

பாசிக் நிறுவனத்தின் தலைவராகவும் ஏழுமலை பதவி வகித்து உள்ளார். தற்போது காங்கிரஸ் கட்சியின் பொதுச்செயலாளராக இருந்து வந்தார்.

குடும்பம்

வில்லியனூர் அருகே உள்ள பங்கூரில் தனது குடும்பத்துடன் ஏழுமலை வசித்து வந்தார். கடந்த சில ஆண்டுகளாகவே அவர் உடல் நலக்குறைவினால் பாதிக்கப்பட்டிருந்தார். இவருக்கு கவிப்பிரியா என்ற மனைவியும் 3 மகன் களும் உள்ளனர். அரசு மரியாதையுடன் அவரது உடல் இன்று (வியாழக்கிழமை) அடக்கம் செய்யப்படுகிறது.

புதுவையில் ஏற்கனவே முன்னாள் எம்.எல்.ஏ.வும், என்.ஆர்.காங்கிரஸ் கட்சியின் பொதுச்செயலாளருமான பாலன் கொரோனாவுக்கு பலியாகி உள்ள நிலையில் தற்போது முன்னாள் அமைச்சர் ஏழுமலையும் பலியாகி இருப்பது அரசியல் வட்டாரத்தில் பரபரப்பை ஏற்படுத்தி உள்ளது. 

தொடர்புடைய செய்திகள்

1. கோபி அருகே மின்சாரம் தாக்கி தொழிலாளி பலி
கோபி அருகே மின்சாரம் தாக்கி கூலி தொழிலாளி பலியானார்.
2. தாம்பரம் அருகே மாநகர பஸ் சக்கரத்தில் சிக்கி 2 இளம்பெண்கள் பலி
தாம்பரம் அருகே மாநகர பஸ் சக்கரத்தில் சிக்கி 2 இளம்பெண்கள் பரிதாபமாக இறந்தனர்.
3. டிராக்டர்- மோட்டார் சைக்கிள் மோதி விபத்து; வாலிபர் பலி
அச்சரப்பாக்கம் அருகே டிராக்டர் மீது மோட்டார் சைக்கிள் மோதி விபத்துக்குள்ளானதில் வாலிபர் பலியானார். உடன் சென்ற தாய் படுகாயமடைந்தார்.
4. தெலுங்கானா, ஆந்திராவில் கனமழைக்கு 25 பேர் பலி 2 நாள் விடுமுறை அறிவிப்பு
தெலுங்கானாவில் கனமழைக்கு 15 பேரும், ஆந்திராவில் 10 பேரும் பலியானார்கள். மழை தொடரும் என்பதால், தெலுங்கானாவில் 2 நாட்கள் விடுமுறை அறிவிக்கப்பட்டது.
5. கடையநல்லூர் அருகே லாரி மோதி ஆசிரியையின் கணவர் பலி
கடையநல்லூர் அருகே லாரி மோதி ஆசிரியையின் கணவர் பரிதாபமாக இறந்தார். மற்றொரு விபத்தில் பெண் பலியானார்.