மாவட்ட செய்திகள்

முழு ஊரடங்கையொட்டி திருவாரூர் மாவட்டத்தில் கடைகள் அடைப்பு; சாலைகள் வெறிச்சோடின + "||" + Shops closed in Thiruvarur district due to full curfew; The roads were deserted

முழு ஊரடங்கையொட்டி திருவாரூர் மாவட்டத்தில் கடைகள் அடைப்பு; சாலைகள் வெறிச்சோடின

முழு ஊரடங்கையொட்டி திருவாரூர் மாவட்டத்தில் கடைகள் அடைப்பு; சாலைகள் வெறிச்சோடின
முழு ஊரடங்கையொட்டி திருவாரூர் மாவட்டத்தில் கடைகள் அடைக்கப்பட்டதால் சாலைகள் வெறிச்சோடி காணப்பட்டன. வெளி மாவட்டங்களில் இருந்து வருபவர்களை போலீசார்் எச்சரித்து அனுப்பினர்.
திருவாரூர்,

தமிழகத்தில் கொரோனா தொற்று அதிகரித்து வருவதை முன்னிட்டு ஆகஸ்டு மாதம் 31-ந் தேதி வரை ஊரடங்கு நீட்டிப்பு செய்து தமிழக அரசு உத்தரவிட்டு இருந்தது இந்த நிலையில் இந்த மாதத்தில் உள்ள அனைத்து ஞாயிற்றுக்கிழமைகளிலும் முழு ஊரடங்கு கடைபிடிக்கப்படும் என முதல்-அமைச்சர் அறிவித்து இருந்தார். அதன் அடிப்படையில் இந்த மாதத்தின் கடைசி ஞாயிற்றுக்கிழமையையொட்டி நேற்று பொதுமுடக்கம் கடைபிடிக்கப்பட்டது


முழு ஊரடங்கையொட்டி அத்்தியாவசிய பொருட்களான காய்கறி, மளி்கை உள்பட அனைத்து கடைகளும் அடைக்கப்பட்டன. இறைச்சி, மீன் கடைகளும் மூடப்பட்டன. ஓட்டல்கள் அடைக்கப்பட்டதால் வெளியூர்களில் வந்து தங்கி வேலை பார்ப்பவர்கள் உணவுக்கு வழியின்றி சிரமப்பட்டனர். கடைவீதி, பழைய பஸ் நிலையம், நகை கடை சந்து, தெற்கு வீதி போன்ற அனைத்து பகுதிகளில் கடைகள் அடைக்கப்பட்டதால் சாலைகளில் மக்கள் நடமாட்டமின்றி வெறிச்சோடி காணப்பட்டது.

பாதுகாப்பு பணி

ஆட்டோ, கார், வேன் என அனைத்து வாடகை வாகனங்களும் இயக்கப்படவில்லை. பெட்ரோல் பங்குகள் அனைத்தும் மூடப்பட்டன. திருவாரூர் மாவட்டம் முழுவதும் உள்ள சாலைகள் அனைத்தும் வெறிச்சோடி காணப்பட்டது. மருந்து கடைகள், மருத்துவமனைகள் மட்டுமே செயல்பட்டன. போலீசார் அனைத்து பகுதிகளிலும் ரோந்து மற்றும் தீவிர கண்காணிப்பில் ஈடுபட்டனர். எந்தவித காரணமின்றி தேவையற்று வெளியில் சுற்றுபவர்களை போலீசார் எச்சரித்தனர்.

மேலும் மாவட்டம் முழுவதும் 13 சோதனை சாவடிகள் அமைக்கப்பட்டு போலீசார் தீவிர பாதுகாப்பு பணியில் ஈடுபட்டனர். வெளி மாவட்டங்களில் இருந்து வரும் மோட்டார் சைக்கிள், கார் போன்ற வாகனங்கள் தடுத்து நிறுத்தப்பட்டன. உரிய விசாரணை நடத்தப்பட்்டு, அவர்களை எச்சரிக்கை செய்து அனுப்பி வைத்தனர். இதேபோல் திருவாரூர் மாவட்டம் முழுவதும் கடைகள் அடைக்கப்பட்டு இருந்தன.

தொடர்புடைய செய்திகள்

1. ஊரடங்கை அறிவிப்பதற்கு முன்பாக ‘மாநிலங்களை மத்திய அரசு ஒருங்கிணைத்து இருக்க வேண்டும்’-காங்கிரஸ் ஆவேசம்
ஊரடங்கை அறிவிப்பதற்கு முன் மாநிலங்களை மத்திய அரசு ஒருங்கிணைத்து இருக்க வேண்டும் என்று மாநிலங்களவையில் நடந்த விவாதத்தில் காங்கிரஸ் ஆவேசமாக கூறியது.
2. புலம்பெயர்ந்தோர் இறப்பு குறித்து தரவு எதுவும் இல்லை: பின்னடைவுக்கு பிறகு மத்திய அரசு விளக்க அறிக்கை
புலம்பெயர்ந்தோர் இறப்பு குறித்து "தரவு எதுவும் இல்லை" என கூறிய மத்திய அரசுக்கு பின்னடைவு ஏற்பட்டது. இதை தொடர்ந்து புலம்பெயர்ந்தோர் இறப்பு குறித்த அரசாங்கத்தின் தெளிவு படுத்தும் அறிக்கை வெளியிடப்பட்டு உள்ளது.
3. ஊரடங்கு காலத்தை வீணாக்காமல் தொப்பூர் அருகே மாணவர்கள் உருவாக்கிய குறுவனம் பொதுமக்கள் வரவேற்பு
தொப்பூர் அருகே ஊரடங்கு காலத்தை வீணாக்காமல் உள்ளூர் பள்ளி, கல்லூரி மாணவர்கள் அரியவகை மரக்கன்றுகளை நட்டு குறு வனத்தை உருவாக்கியுள்ளனர். இது அப்பகுதியில் பொதுமக்கள் இடையே பெரும் வரவேற்பை பெற்றுள்ளது.
4. வரும் செப்.25 -க்கு பிறகு மீண்டும் ஊரடங்கு அமல்படுத்தப்படுகிறதா? மத்திய அரசு விளக்கம்
இந்தியாவில் கொரோனா அச்சுறுத்தல் காரணமாக ஊரடங்குக்கு இணையான கட்டுப்பாடுகள் கொண்டு வரப்பட்டு இன்றோடு கிட்டதட்ட 173 நாட்கள் ஆகின்றன.
5. புதுச்சேரியில் மேலும் 11 இடங்களில் முழு ஊரடங்கு கலெக்டர் அருண் உத்தரவு
புதுவையில் மேலும் 11 இடங்களில் உள்ளூர் ஊரடங்கு பிறப்பித்து கலெக்டர் அருண் உத்தரவிட்டுள்ளார்.