மாவட்ட செய்திகள்

கல்லூரி இறுதியாண்டு தேர்வுகளை நடத்துவது குறித்து கவர்னருடன் மந்திரி உதய் சாமந்த் ஆலோசனை + "||" + Minister Uday Samant consults with Governor on conducting college final year exams

கல்லூரி இறுதியாண்டு தேர்வுகளை நடத்துவது குறித்து கவர்னருடன் மந்திரி உதய் சாமந்த் ஆலோசனை

கல்லூரி இறுதியாண்டு தேர்வுகளை நடத்துவது குறித்து கவர்னருடன் மந்திரி உதய் சாமந்த் ஆலோசனை
பல்கலைக்கழக இறுதியாண்டு தேர்வுகளை நடத்துவது குறித்து கவர்னருடன் மந்திரி உதய் சாமந்த் ஆலோசனை நடத்தினார்.
மும்பை,

கொரோனா பிரச்சினை காரணமாக பல மாநிலங்கள் பல்கலைக்கழக, கல்லூரி இறுதி ஆண்டு மாணவர்களையும் தேர்வு இன்றி தேர்ச்சி பெற்றவர்களாக அறிவிக்க முடிவு செய்தன. ஆனால் வருகிற 30-ந் தேதிக்குள் தேர்வுகளை நடத்தி முடிக்க பல்கலைக்கழக மானிய குழு உத்தரவிட்டது.


இதை எதிர்த்து தொடரப்பட்ட வழக்கில், தேர்வுகள் நடத்தாமல் இறுதி ஆண்டு கல்லூரி மாணவர்களை தேர்ச்சி பெற்றவர்களாக அறிவிக்க முடியாது என சுப்ரீம் கோர்ட்டு உத்தரவிட்டது. கொரோனா நெருக்கடி இருப்பதால் தேர்வு தேதியை தள்ளிப்போடுவது குறித்து மாநிலங்கள், பல்கலைக்கழக மானிய குழுவுக்கு கோரிக்கை வைக்கலாம் என சுப்ரீம் கோர்ட்டு அறிவுறுத்தி இருந்தது.

கவர்னருடன் சந்திப்பு

இதையடுத்து தேர்வுகளை ஆன்லைனில் நடத்துவதா அல்லது வேறு எந்த மாதிரியில் தேர்வை நடத்துவது என புதன்கிழமை (நேற்று) முடிவு எடுக்கப்படும் என உயர்கல்வி மந்திரி உதய் சாமந்த் தெரிவித்து இருந்தார்.

இந்த நிலையில் அவர் நேற்று கவர்னர் மாளிகைக்கு சென்றார். அங்கு கவர்னரும், பல்கலைக்கழக வேந்தருமான கவர்னர் பகத்சிங் கோஷ்யாரியை சந்தித்து கல்லூரி இறுதியாண்டு தேர்வு குறித்து ஆலோசித்தார். அப்போது உயர் கல்வி இணை மந்திரி பிரஜாக்த் தன்புரே, கூடுதல் தலைமை செயலாளர் ராஜூவ் ஜலோடா ஆகியோர் உடன் இருந்தனர்.

தற்போது கொரோனா பரவல் அதிகம் இருப்பதால் தேர்தலை தாமதமாக நடத்துவது குறித்து பல்கலைக்கழக மானியக்குழுவுக்கு கடிதம் எழுதுவது என இந்த ஆலோசனையில் முடிவு எடுக்கப்பட்டதாக தகவல்கள் வெளியாகி உள்ளன.

தொடர்புடைய செய்திகள்

1. சண்டே மார்க்கெட் கூட்டத்தை ஒழுங்குபடுத்த வேண்டும் கவர்னர் கிரண்பெடி அறிவுறுத்தல்
சண்டே மார்க்கெட்டுக்கு வரும் பொதுமக்கள் கூட்டத்தை ஒழுங்குபடுத்த வேண்டும் என்று கவர்னர் கிரண்பெடி தெரிவித்துள்ளார்.
2. மும்பையில் இன்று முதல் மின்சார ரெயில்களில் பெண்கள் பயணிக்கலாம் ரெயில்வே மந்திரி அனுமதி
இன்று முதல் மும்பையில் மின்சார ரெயில்களில் பெண்கள் பயணம் செய்ய ரெயில்வே மந்திரி பியூஸ் கோயல் அனுமதி வழங்கி உள்ளார்.
3. கர்நாடகத்தில் சமூக, பொருளாதார கணக்கெடுப்பு அறிக்கை அமல்படுத்தப்படும் மந்திரி ஈசுவரப்பா பேச்சு
கர்நாடகத்தில் சமூக, பொருளாதார கணக்கெடுப்பு அறிக்கை அமல்படுத்தப்படும் என்று மந்திரி ஈசுவரப்பா கூறியுள்ளார்.
4. கர்நாடகத்தில் வெள்ளத்தால் பாதிக்கப்பட்ட 12 மாவட்ட கலெக்டர்களுடன் எடியூரப்பா ஆலோசனை
கர்நாடகத்தில் வெள்ளத்தால் பாதிக்கப்பட்ட 12 மாவட்டங்களின் கலெக்டர்களுடன் முதல்-மந்திரி எடியூரப்பா பெங்களூருவில் இருந்தபடி காணொலி காட்சி மூலம் ஆலோசனை நடத்தினார். அப்போது நிவாரண உதவிகளை முழுவீச்சில் மேற்கொள்ளும்படி கலெக்டர்களுக்கு, முதல்-மந்திரி எடியூரப்பா உத்தரவிட்டார்.
5. மராட்டியத்தில் மேலும் 2 நாட்களுக்கு கனமழை எச்சரிக்கை தயார் நிலையில் மீட்பு படையினர் உத்தவ் தாக்கரே அவசர ஆலோசனை
மராட்டியத்தில் மேலும் 2 நாட்களுக்கு கனமழை எச்சரிக்கை விடுக்கப்பட்டு உள்ள நிலையில் முதல்-மந்திரி உத்தவ் தாக்கரே நேற்று அவசர ஆலோசனை நடத்தினார். அப்போது தேசிய பேரிடர் மீட்பு படை மற்றும் முப்படைகளை தயார் நிலையில் வைக்க அதிகாரிகளுக்கு உத்தரவிட்டார்.