மாவட்ட செய்திகள்

மத்தியில் காங்கிரஸ் ஆட்சிக்கு வந்ததும் ‘நீட்’ தேர்வு ரத்து முதல்-அமைச்சர் நாராயணசாமி பேட்டி + "||" + Interview with First Minister Narayanasamy

மத்தியில் காங்கிரஸ் ஆட்சிக்கு வந்ததும் ‘நீட்’ தேர்வு ரத்து முதல்-அமைச்சர் நாராயணசாமி பேட்டி

மத்தியில் காங்கிரஸ் ஆட்சிக்கு வந்ததும் ‘நீட்’ தேர்வு ரத்து முதல்-அமைச்சர் நாராயணசாமி பேட்டி
மத்தியில் காங்கிரஸ் ஆட்சிக்கு வந்ததும் ‘நீட்’ தேர்வு ரத்து செய்யப்படும் என்று முதல்-அமைச்சர் நாராயணசாமி கூறினார்.
புதுச்சேரி,

புதுவை மாநிலத்தில் நேற்று 15 மையங்களில் ‘நீட்’ தேர்வு நடந்தது. தேர்வு நடந்த கிறிஸ்ட் என்ஜினீயரிங் கல்லூரியில் முதல்-அமைச்சர் நாராயணசாமி நேற்று மதியம் ஆய்வு செய்தார். அப்போது சமூக இடைவெளியை கடைப்பிடிக்குமாறு அங்கிருந்த மாணவர்களின் பெற்றோரை அறிவுறுத்தினார்.


இதன்பின் நிருபர்களுக்கு நாராயணசாமி பேட்டி அளித்தார். அப்போது அவர் கூறியதாவது:-

மாணவர்கள் அவதி

புதுவை, தமிழக அரசுகள் சார்பில் நீட் தேர்வை ரத்து செய்யுமாறு மத்திய அரசுக்கு கடிதம் அனுப்பினோம். மத்திய மனித வளத்துறை மந்திரிக்கும், பிரதமருக்கும் கடிதம் அனுப்பினோம். தமிழகம், புதுவையில் தமிழக அரசின் பாடத்திட்டம் பின்பற்றப்படுகிறது. மற்ற மாநிலங்களில் மத்திய அரசின் பாடத்திட்டம் (சி.பி.எஸ்.இ.) பின்பற்றப்பட்டு வருகிறது. ‘நீட்’ தேர்வை பொறுத்தவரை சி.பி.எஸ்.இ. பாடத்திட்டத்தின் அடிப்படையிலேயே கேள்விகள் தயாரிக்கப்படுகின்றன.

எனவே நீட் தேர்வை ரத்து செய்யுமாறு சுப்ரீம் கோர்ட்டில் புதுவை, தமிழக அரசுகள் சார்பில் வழக்கு தொடுக்கப்பட்டது. தி.மு.க. சார்பிலும் பெற்றோர்கள் தரப்பிலும் மனுதாக்கல் செய்யப்பட்டது. ஆனால் அனைத்து மனுக்களையும் சுப்ரீம் கோர்ட்டு தள்ளுபடி செய்து விட்டது. எனவே மாணவர்கள் தற்போது கடும் அவதி அடைந்துள்ளனர்.

ரத்து செய்வோம்

இது கொரோனா நேரம் கண்டிப்பாக சமூக இடைவெளியை கடைபிடிக்க வேண்டும், முகக்கவசம் அணியவேண்டும். பல பாதுகாப்பு அம்சங்கள் வேண்டும். யாருக்கு கொரோனா வரப்போகிறது என்பது தெரியாது. இதுபோன்று தேர்வு நடத்துவது மாணவர்கள் உயிருக்கு மிகப்பெரிய ஆபத்து. மாணவர்கள் சிலர் தற்கொலை செய்துள்ளனர். இதற்கு பிரதமரும், மத்தியில் உள்ள பா.ஜ.க. ஆட்சியும் தான் பொறுப்பு. இது மத்திய அரசின் அதிகாரப் போக்கை தான் காட்டுகிறது. எனவே தான் தேர்வு நடத்தப்படுகிறது.

மத்தியில் காங்கிரஸ் கட்சி ஆட்சிக்கு வந்தால் ‘நீட்’ தேர்வை ரத்து செய்வோம். புதுவை மாநிலத்தில் ‘நீட்’ தேர்வை ரத்து செய்ய எங்களுக்கு அதிகாரம் கிடையாது. எனவே அதனை நாங்கள் செய்ய முடியாது. மத்தியில் காங்கிரஸ் ஆட்சிக்கு வந்தால் முதல் கையெழுத்தே ‘நீட்’ தேர்வை ரத்து செய்வது தான். ஏற்கனவே எங்கள் தேர்தல் அறிக்கையில் அதனை நாங்கள் அறிவுறுத்தி இருந்தோம்.

இவ்வாறு அவர் கூறினார்.

தொடர்புடைய செய்திகள்

1. பேரறிவாளன் விடுதலை தொடர்பாக கோர்ட்டு என்ன நடவடிக்கை எடுத்தாலும் ஆட்சேபனை இல்லை ஈ.வி.கே.எஸ்.இளங்கோவன் பேட்டி
பேரறிவாளன் விடுதலை தொடர்பாக கோர்ட்டு என்ன நடவடிக்கை எடுத்தாலும் ஆட்சேபனை இல்லை என்று ஈ.வி.கே.எஸ்.இளங்கோவன் கூறினார்.
2. நெல்லுக்கான காப்பீட்டு தொகையை செலுத்த வேண்டும் மத்திய மந்திரியிடம் நாராயணசாமி வலியுறுத்தல்
நெல்லுக்கான காப்பீட்டு பிரிமீய தொகையை செலுத்த வேண்டும் என்று மத்திய வேளாண் மந்திரியிடம் முதல்-அமைச்சர் நாராயணசாமி வலியுறுத்தினார்.
3. தமிழகத்தில் வெற்றி வாய்ப்புள்ள தொகுதிகளை பா.ஜனதா கேட்டு பெறும் மேலிட பொறுப்பாளர் சி.டி.ரவி பேட்டி
தமிழகத்தில் வெற்றி வாய்ப்புள்ள தொகுதிகளை பா.ஜனதா கேட்டு பெறும் என்று அந்த கட்சியின் மேலிட பொறுப்பாளர் சி.டி.ரவி கூறினார்.
4. மத்திய, மாநில அரசுகள் ஆன்லைன் வர்த்தகத்தை தடை செய்ய வேண்டும் விக்கிரமராஜா பேட்டி
ஆன்லைன் வர்த்தகத்தை மத்திய, மாநில அரசுகள் தடை செய்ய வேண்டும் என்று தமிழ்நாடு வணிகர் சங்க பேரமைப்பு தலைவர் விக்கிரமராஜா கூறினார்.
5. அரசு விதிமுறைகளை மீறும் பள்ளிகள் மீது நடவடிக்கை ஆசிரியர் தேர்வு வாரிய தலைவர் நிர்மல்ராஜ் பேட்டி
அரசு விதிமுறைகளை மீறும் பள்ளிகள் மீது நடவடிக்கை எடுக்கப்படும் என ஆசிரியர் தேர்வு வாரிய தலைவர் நிர்மல்ராஜ் கூறினார்.