மாவட்ட செய்திகள்

நீட் தேர்வை ரத்து செய்யக்கோரி விழுப்புரத்தில் தி.மு.க. கூட்டணி கட்சியினர் ஆர்ப்பாட்டம் 100 பேர் கைது + "||" + DMK in Villupuram demands cancellation of NEET exam Coalition party arrests 100 protesters

நீட் தேர்வை ரத்து செய்யக்கோரி விழுப்புரத்தில் தி.மு.க. கூட்டணி கட்சியினர் ஆர்ப்பாட்டம் 100 பேர் கைது

நீட் தேர்வை ரத்து செய்யக்கோரி விழுப்புரத்தில் தி.மு.க. கூட்டணி கட்சியினர் ஆர்ப்பாட்டம் 100 பேர் கைது
நீட் தேர்வை ரத்து செய்யக்கோரி தடையை மீறி விழுப்புரத்தில் ஆர்ப்பாட்டத்தில் ஈடுபட்ட தி.மு.க. கூட்டணி கட்சியினர் 100 பேரை போலீசார் கைது செய்தனர்.
விழுப்புரம்,

பிரதமரின் கிசான் சம்மன் நிதி உதவி திட்டத்தில் முறைகேட்டில் ஈடுபட்ட அனைத்து அதிகாரிகளையும் கைது செய்ய வேண்டும், நீட் தேர்வை ரத்து செய்ய வேண்டும் என்பன உள்பட பல்வேறு கோரிக்கைகளை வலியுறுத்தி விழுப்புரம் கலெக்டர் அலுவலம் முன்பு தி.மு.க. கூட்டணி கட்சி சார்பில் ஆர்ப்பாட்டம் நடைபெறும் என அறிவிக்கப்பட்டிருந்தது. ஆனால் ஊரடங்கு காரணமாக இந்த ஆர்ப்பாட்டத்திற்கு போலீசார் அனுமதி மறுத்தனர். இருப்பினும் தடையை மீறி தி.மு.க. கூட்டணி கட்சியினர் நேற்று ஆர்ப்பாட்டத்தில் ஈடுபட்டனர். இதற்கு மாவட்ட தி.மு.க. அவைத்தலைவர் புகழேந்தி தலைமை தாங்கினார். மாவட்ட பொருளாளர் ஜனகராஜ் , துணைச் செயலாளர்கள் ஜெயச்சந்திரன், புஷ்பராஜ், மைதிலி ராஜேந்திரன் ஆகியோர் முன்னிலை வகித்தனர். விழுப்புரம் காங்கிரஸ் மாவட்ட தலைவர்கள் சீனுவாசக்குமார், ரமேஷ் ஆகியோர் வரவேற்றனர்.


கைது

அப்போது முறைகேட்டில் ஈடுபட்ட வேளாண் அதிகாரிகள் மீது கடும் நடவடிக்கை எடுக்க வேண்டும், நீட் தேர்வை ரத்து செய்ய மத்திய, மாநில அரசுகள் உரிய நடவடிக்கை எடுக்க வேண்டும் என கோரி தி.மு.க. கூட்டணி கட்சியினர் கோஷங்களை எழுப்பினர். இதில் இந்திய முஸ்லிம் லீக் கட்சி மாவட்ட செயலாளர் அமீர் அப்பாஸ், இந்திய கம்யூனிஸ்டு கட்சி மாவட்டசெயலாளர் ஏ.வி.சரவணன், காங்கிரஸ் செயற்குழு உறுப்பினர் குலாம் மொய்தீன், விடுதலை சிறுத்தைகள் கட்சி மாவட்ட செயலாளர் பாமரன், ஆற்றலரசு மற்றும் பலர் கலந்து கொண்டனர். இதையடுத்து தடையை மீறி ஆர்ப்பாட்டத்தில் ஈடுபட்டதாக கூறி 100-க்கும் மேற்பட்டவர்களை போலீசார் கைது செய்தனர்.

தொடர்புடைய செய்திகள்

1. யூ டியூப்பை பார்த்து நாட்டுத்துப்பாக்கி தயாரித்த 2 பேர் கைது
கடலூரில், யூ டியூப்பை பார்த்து நாட்டுத்துப்பாக்கி தயாரித்த 2 பேரை போலீசார் கைது செய்தனர்.
2. சரவணம்பட்டியில் வீட்டின் பூட்டை உடைத்து ரூ.30 லட்சம் திருடிய 2 பேர் கைது
சரவணம்பட்டியில் வீட்டின் பூட்டை உடைத்து ரூ.30 லட்சம் திருடிய வழக்கில் 2 பேரை போலீசார் கைது செய்தனர்.
3. மூதாட்டி கொலை வழக்கில் கைது: கொரோனா பாதித்த வாலிபர் தப்பி ஓட்டம்
மூதாட்டியை கொலை செய்த வழக்கில் கைது செய்யப்பட்டு கொரோனாவுக்கு சிகிச்சை பெற்ற வாலிபர் சேலம் அரசு ஆஸ்பத்திரியில் இருந்து தப்பி ஓடிய சம்பவம் பரபரப்பை ஏற்படுத்தி உள்ளது.
4. ஆன்லைனில் பெண்களின் படத்தை வெளியிட்டு விபசாரத்திற்கு அழைத்து பணம் பறித்தவர் கைது
ஆன்லைனில் பெண்களின் படத்தை வெளியிட்டு விபசாரத்திற்கு அழைத்து பணம் பறித்தவர் கைது செய்யப்பட்டார்.
5. ரூ.3 லட்சம் புகையிலை பொருட்கள் கடத்திய காரை துரத்தி பிடித்த போலீசார் வடமாநில வாலிபர் கைது
வேப்பந்தட்டை அருகே ரூ.3 லட்சம் மதிப்பிலான புகையிலை பொருட்கள் கடத்திய காரை சினிமா பாணியில் போலீசார் துரத்தி சென்று பிடித்தனர். காரை ஓட்டி வந்த வடமாநில வாலிபரை கைது செய்தனர்.