மாவட்ட செய்திகள்

பெரம்பலூருக்கு முதல்-அமைச்சர் வரும் போது ஆர்ப்பாட்டத்தில் ஈடுபட அனைத்து விவசாய சங்கங்கள் முடிவு + "||" + All the agricultural associations decided to take part in the protest when the First-Minister came to Perambalur

பெரம்பலூருக்கு முதல்-அமைச்சர் வரும் போது ஆர்ப்பாட்டத்தில் ஈடுபட அனைத்து விவசாய சங்கங்கள் முடிவு

பெரம்பலூருக்கு முதல்-அமைச்சர் வரும் போது ஆர்ப்பாட்டத்தில் ஈடுபட அனைத்து விவசாய சங்கங்கள் முடிவு
பெரம்பலூருக்கு முதல்-அமைச்சர் வரும் போது, கோரிக்கைகளை வலியுறுத்தி ஆர்ப்பாட்டம் நடத்தப்போவதாக அனைத்து விவசாய சங்கங்களின் நிர்வாகிகள் முடிவு செய்தனர்.
பெரம்பலூர்,

பெரம்பலூர் மாவட்ட அனைத்து விவசாயிகள் சங்கங்களின் அவரச ஆலோசனை கூட்டம் துறைமங்கலத்தில் உள்ள மார்க்சிஸ்ட் கம்யூனிஸ்டு கட்சி அலுவலகத்தில் நடந்தது. கூட்டத்திற்கு பெரம்பலூர் சர்க்கரை ஆலை கரும்பு விவசாயிகள் சங்க தலைவர் ஞானமூர்த்தி தலைமை தாங்கினார். தமிழக விவசாயிகள் சங்க மாநில செயலாளர் ராஜா சிதம்பரம், தமிழ்நாடு விவசாயிகள் சங்க மாவட்ட செயலாளர் செல்லதுரை, தமிழ்நாடு கரும்பு விவசாயிகள் சங்க மாநில செயலாளர் ராஜேந்திரன் ஆகியோர் முன்னிலை வகித்தனர்.


கூட்டத்தில் பெரம்பலூர் சர்க்கரை ஆலைக்கு வெட்டி அனுப்பிய கரும்புக்கு மாநில அரசின் பரிந்துரை விலை நிலுவைத் தொகை ரூ.28 கோடியை உடனடியாக வழங்க வேண்டும். மத்திய-மாநில அரசுகள் கரும்பு விலையை உயர்த்தி டன்னுக்கு ரூ.4,500 அறிவிக்க வேண்டும்.

ஆர்ப்பாட்டத்தில் ஈடுபட முடிவு

விவசாயிகளின் நலத்திட்டங்களான பிரதமர் கிசான் நிதியுதவித் திட்டம், பிரதமர் வீட்டு வசதித் திட்டம், மக்காச் சோளத்துக்குப் பூச்சிக் கொல்லி மருந்துகள் வழங்கும் திட்டம், கிணறு வெட்டும் திட்டம், மாட்டு கொட்டகை வழங்கும் திட்டம், விவசாயக் கருவிகள் வழங்கும் திட்டம், வரப்புகள் அமைக்கும் திட்டம் போன்ற திட்டங்களில் நடைபெற்றுள்ள முறைகேடுகள் குறித்து உரிய விசாரணை நடத்த வேண்டும்.

மத்திய அரசின் நிர்ப்பந்தத்தால், மாநில அரசு விவசாயிகளுக்கு வழங்கும் மின்சாரத்துக்குத் தனி உயரழுத்த மும்முனை வழித்தடம் அமைத்து, ஒரு நாளைக்கு 8 மணி நேரம் மட்டுமே மின்சாரத்தை வழங்கும் முயற்சியை கைவிட வேண்டும். கல்லாற்றின் குறுக்கே சின்ன முட்டு நீர்த்தேக்கம் அமைத்துதர வேண்டும் என்பன உள்ளிட்ட கோரிக்கைகளை நிறைவேற்ற வலியுறுத்தி, தமிழக முதல்-அமைச்சர் எடப்பாடி பழனிசாமி பெரம்பலூர் மாவட்டத்துக்கு வரும் போது, அனைத்து விவசாயிகள் சங்கம் சார்பில் பெரம்பலூர் புதிய பஸ் நிலையத்தில் ஆர்ப்பாட்டத்தில் ஈடுபடுவது என முடிவெடுக்கப்பட்டது.

இதில், அனைத்து விவசாயிகள் சங்கங்களின் நிர்வாகிகள் கலந்து கொண்டனர். முடிவில் பாலகிருஷ்ணன் நன்றி கூறினார்.

தொடர்புடைய செய்திகள்

1. கடலூர் மாவட்டத்தில் காணொலி காட்சி மூலம் பொதுமக்கள் குறைகேட்பு கூட்டம்
கடலூர் மாவட்டத்தில் காணொலி காட்சி மூலம் பொதுமக்கள் குறைகேட்பு கூட்டம் நடைபெற்றது.
2. புரட்டாசி மாதம் தொடங்கினாலும் காசிமேடு மீன் மார்க்கெட்டில் மக்கள் கூட்டம் அலைமோதியது
புரட்டாசி மாதம் தொடங்கினாலும் காசிமேடு மீன் மார்க்கெட்டில் மக்கள் கூட்டம் குறைந்தபாடில்லை. இறைச்சி கடைகளில் வழக்கத்தைவிட கூட்டம் சற்று குறைந்திருந்தது.
3. புரட்டாசி மாத முதல் சனிக்கிழமை: குமரி பெருமாள் கோவில்களில் அலைமோதிய பக்தர்கள் கூட்டம்
புரட்டாசி மாத முதல் சனிக்கிழமையையொட்டி குமரி மாவட்டத்தில் உள்ள பெருமாள் கோவில்களில் பக்தர்கள் கூட்டம் அலைமோதியது.
4. ஐ.நா. பொது சபையின் கூட்டத்தின் இரு அமர்வுகளில் பிரதமர் நரேந்திர மோடி பங்கேற்பு - ஐ.நா.வுக்கான இந்திய நிரந்தர பிரதிநிதி
ஐ.நா. பொது சபையின் கூட்டத்தின் இரு அமர்வுகளில் பிரதமர் நரேந்திர மோடி பங்கேற்க உள்ளதாக ஐ.நா.வுக்கான இந்திய நிரந்தர பிரதிநிதி டி.எஸ். திருமூர்த்தி தெரிவித்துள்ளார்.
5. திருவண்ணாமலை கலெக்டர் அலுவலகத்தில் கோரிக்கை மனுக்களை அளிக்க நூற்றுக்கணக்கானோர் குவிந்ததால் பரபரப்பு
திருவண்ணாமலை கலெக்டர் அலுவலகத்தில் கோரிக்கை மனுக்கள் அளிக்க ஒரே நேரத்தில் நூற்றுக்கணக்கானோர் திரண்டதால், கொரோனா பரவும் அபாயம் ஏற்பட்டுள்ளது.