மாவட்ட செய்திகள்

மது பாட்டிலால் குத்தி வாலிபர் கொலை: ‘காதலுக்கு இடையூறு செய்ததால் தீர்த்து கட்டினேன்’ கைதான நண்பர் பரபரப்பு வாக்குமூலம் + "||" + Young man stabbed to death with a liquor bottle: 'I settled for disturbing love' Arrested friend's sensational confession

மது பாட்டிலால் குத்தி வாலிபர் கொலை: ‘காதலுக்கு இடையூறு செய்ததால் தீர்த்து கட்டினேன்’ கைதான நண்பர் பரபரப்பு வாக்குமூலம்

மது பாட்டிலால் குத்தி வாலிபர் கொலை: ‘காதலுக்கு இடையூறு செய்ததால் தீர்த்து கட்டினேன்’ கைதான நண்பர் பரபரப்பு வாக்குமூலம்
காதலுக்கு இடையூறு செய்ததால் நண்பரை மது பாட்டிலால் குத்தி கொன்றேன் என்று வாலிபர் கொலையில் கைதான நண்பர் போலீசில் பரபரப்பு வாக்குமூலம் அளித்துள்ளார்.
குள்ளனம்பட்டி,

திண்டுக்கல் அருகே உள்ள ஆதிதிராவிடர் காலனியை சேர்ந்தவர் சகாதேவன். இவரது மகன் மணிகண்டன் (வயது 23). நேற்று முன்தினம் இவர் முத்தமிழ் நகர் அருகே ஓடைப்பட்டி காட்டுப் பகுதியில் மது பாட்டிலால் கழுத்து மற்றும் வயிற்றுப் பகுதியில் குத்தப்பட்டு ரத்த வெள்ளத்தில் பிணமாக கிடந்தார்.


கைது

தகவல் அறிந்த திண்டுக்கல் புறநகர் போலீஸ் துணை சூப்பிரண்டு வினோத், தாலுகா போலீஸ் இன்ஸ்பெக்டர் தெய்வம், சப்-இன்ஸ்பெக்டர் அழகுபாண்டி மற்றும் போலீசார் சம்பவ இடத்திற்கு விரைந்து சென்று விசாரணை நடத்தினர். இதுதொடர்பாக தாலுகா போலீசார் வழக்குப்பதிவு செய்து விசாரணையை தீவிரப்படுத்தினர்.

இதில் அதே பகுதியைச் சேர்ந்த அஜித் (21) என்பவர் மணிகண்டனை கொலை செய்தது தெரியவந்தது. இதையடுத்து அவரை போலீசார் கைது செய்தனர்.

பரபரப்பு வாக்குமூலம்

கைதான அஜித் போலீசில் கொடுத்த பரபரப்பு வாக்குமூலம் விவரம் வருமாறு:-

நானும் மணிகண்டனும் நெருங்கிய நண்பர்களாக இருந்தோம். நான் எங்கள் தெருவை சேர்ந்த ஒரு பெண்ணை காதலித்து வந்தேன். இது மணிகண்டனுக்கு பிடிக்காமல் காதலுக்கு இடையூறு செய்யும் வகையில் பெண்ணின் பெற்றோரிடம் என்னை பற்றி அவதூறாக கூறினார். ஆகவே மணிகண்டன் உயிருடன் இருந்தால் எனது காதல் நிறைவேறாது என நினைத்து மணிகண்டனை தீர்த்துக்கட்ட திட்டமிட்டடேன்.

இதையடுத்து மது அருந்த செல்லலாம் என மணிகண்டனை அழைத்தேன். அதன்பின்னர் நானும் மணிகண்டனும் சேர்ந்து மது அருந்தினோம். இந்தநிலையில் மதுபோதையில் இருந்த மணிகண்டனை மது பாட்டிலால் குத்தி கொலை செய்தேன். இதில் அவர் சம்பவ இடத்திலேயே பலியானார். பின்னர் நான் தப்பிச்செல்ல முயன்றபோது போலீசாரிடம் சிக்கிக் கொண்டேன். இவ்வாறு அஜித் வாக்குமூலத்தில் கூறியிருப்பதாக போலீசார் தெரிவித்தனர்.

தொடர்புடைய செய்திகள்

1. பெங்களூரு டி.ஜே.ஹள்ளி வன்முறை வழக்கில் தலைமறைவாக இருந்த வாலிபர் கைது
பெங்களூரு டி.ஜே.ஹள்ளி வன்முறை வழக்கில் தலைமறைவாக இருந்த வாலிபர் கைது செய்யப்பட்டுள்ளார். அவர், டி.ஜே.ஹள்ளி போலீஸ் நிலையத்தின் மீது தாக்குதல் நடத்தியவர் ஆவார்.
2. எதிரிகளிடம் இருந்து தப்பிச் செல்ல ஏறிய போது சிமெண்டு கூரை உடைந்து ரவுடியின் ஆதரவாளர் பலி
கொலையான ரவுடியின் ஆதரவாளர்கள்- எதிர் தரப்பினர் கத்தி, கம்பி உள்ளிட்ட பயங்கர ஆயுதங்களுடன் மோதிக் கொண்டனர். அப்போது தப்பி ஓட முயன்றபோது சிமெண்டு கூரை உடைந்து கீழே விழுந்து ரவுடியின் ஆதரவாளரான வாலிபர் பலியானார்.
3. தட்டார்மடம் வியாபாரி கொலை: கைதானவரிடம் சி.பி.சி.ஐ.டி. விசாரணை மேலும் ஒருவர் சிக்குகிறார்
தட்டார்மடம் வியாபாரி கொலை வழக்கில் கைதானவரிடம் சி.பி.சி.ஐ.டி. போலீசார் விசாரணை நடத்தினார்கள். இந்த வழக்கில் மேலும் ஒருவர் சிக்குகிறார்.
4. அயர்லாந்தில் இருந்தபடி கண்காணிப்பு கேமராவில் பார்த்து புகார்: வீடு புகுந்து திருடிய வாலிபர் கைது
அயர்லாந்தில் இருந்தபடி கண்காணிப்பு கேமராவில் பார்த்து அளித்த புகாரின்பேரில் வீடு புகுந்து திருடிய வாலிபர் கைதானார். திருடும் போதெல்லாம் சிக்கி கொள்வதாக கொள்ளையன் புலம்பியதாக போலீசார் தெரிவித்தனர்.
5. அயர்லாந்தில் இருந்தபடி கண்காணிப்பு கேமராவில் பார்த்து புகார்: வீடு புகுந்து திருடிய வாலிபர் கைது
அயர்லாந்தில் இருந்தபடி கண்காணிப்பு கேமராவில் பார்த்து அளித்த புகாரின்பேரில் வீடு புகுந்து திருடிய வாலிபர் கைதானார். திருடும் போதெல்லாம் சிக்கி கொள்வதாக கொள்ளையன் புலம்பியதாக போலீசார் தெரிவித்தனர்.