பிளேடால் கழுத்தை அறுத்து விவசாயி தற்கொலை

பாடாலூர்,

பெரம்பலூர் மாவட்டம் ஆலத்தூர் தாலுகா பாடாலூர் அருகே உள்ள பெருமாள்பாளையம் கிராமத்தை சேர்ந்தவர் கிருஷ்ணன்(வயது 53). விவசாயியான இவர் உடல்நிலை சரியில்லாமல் அவதிப்பட்டு வந்தார். இதனால் அவர் மனமுடைந்த நிலையில் இருந்ததாக தெரிகிறது.

இந்நிலையில் அவர் பிளேடால் தனது கழுத்தை அறுத்துக்கொண்டார். இதனையறிந்த உறவினர்கள் உடனடியாக அவரை மீட்டு பெரம்பலூர் மாவட்ட அரசு தலைமை பொது மருத்துவமனையில் சிகிச்சைக்காக சேர்த்தனர்.

அங்கு சிகிச்சை பலனின்றி அவர் இறந்தார். இது குறித்து பாடாலூர் போலீசார் வழக்குப்பதிவு செய்து விசாரணை நடத்தி வருகின்றனர்.