மாவட்ட செய்திகள்

திண்டிவனத்தில் லாரி மீது கார் மோதல்: ஒரே குடும்பத்தை சேர்ந்த 3 பேர் பலி - உறவினர் துக்க நிகழ்ச்சியில் பங்கேற்று திரும்பி வந்த போது பரிதாபம் + "||" + Car collides with lorry in Tindivanam: 3 members of the same family were killed

திண்டிவனத்தில் லாரி மீது கார் மோதல்: ஒரே குடும்பத்தை சேர்ந்த 3 பேர் பலி - உறவினர் துக்க நிகழ்ச்சியில் பங்கேற்று திரும்பி வந்த போது பரிதாபம்

திண்டிவனத்தில் லாரி மீது கார் மோதல்: ஒரே குடும்பத்தை சேர்ந்த 3 பேர் பலி - உறவினர் துக்க நிகழ்ச்சியில் பங்கேற்று திரும்பி வந்த போது பரிதாபம்
திண்டிவனத்தில் லாரி மீது கார் மோதிய விபத்தில், ஒரே குடும்பத்தை சேர்ந்த 3 பேர் உயிரிழந்தனர். மேலும் 3 பேருக்கு தீவிர சிகிச்சை அளிக்கப்பட்டு வருகிறது.
திண்டிவனம்,

சென்னை அயனாவரத்தை சேர்ந்தவர் தியாகேசுவரன் (வயது 56). ரெயில்வே ஊழியர். இவரது மனைவி ஜெயா(55). இவர்களது சொந்த ஊர் நாகர்கோவில் ஆகும். அங்கு உறவினர் ஒருவர் உயிரிழந்ததை அடுத்து, துக்க நிகழ்ச்சியில் பங்கேற்க தியாகேசுவரன், ஜெயா மற்றும் குடும்பத்தினர் நாகர்கோவிலுக்கு காரில் சென்றனர்.

பின்னர் அங்கிருந்து நேற்று முன்தினம் இரவு சென்னைக்கு காரில் திரும்பி வந்து கொண்டிருந்தனர். காரை அயனாவரத்தை சேர்ந்த டிரைவர் முருகன் என்பவர் ஓட்டி வந்தார். நேற்று அதிகாலை விழுப்புரம் மாவட்டம் திண்டிவனம் அடுத்த ஒலக்கூர் பகுதியில் வந்த போது முன்னால் லாரி ஒன்று சென்று கொண்டிருந்தது. இந்த நிலையில் முருகனின் கட்டுப்பாட்டை இழந்த கார், லாரியின் பின்பக்கம் பயங்கரமாக மோதி உருக்குலைந்தது. தொடர்ந்து, அங்கு சாலையோரம் இருந்த பள்ளத்தில் கவிழ்ந்து விபத்துக்குள்ளானது.

இதில், காரில் பயணம் செய்த, தியாகேசுவரன் (56), அவரது மனைவி ஜெயா (55) ஆகியோர் உடல் நசுங்கி சம்பவ இடத்திலேயே பரிதாபமாக உயிரிழந்தனர். படுகாயமடைந்த தியாகேசுவரனின் மகன் இமானுவேல் (28), உறவினர்கள் ஆனந்த் (28), லிபன் (15), முருகன்(40) ஆகியோர் சிகிச்சைக்காக திண்டிவனம் அரசு மருத்துவமனையில் சேர்க்கப்பட்டனர். பின்னர் அங்கிருந்து மேல் சிகிச்சைக்காக சென்னை குரோம்பேட்டை மருத்துவமனைக்கு அனுப்பி வைக்கப்பட்டனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இந்த நிலையில் இமானுவேல் சிகிச்சை பலனின்றி பரிதாபமாக உயிரிழந்தார்.

இதற்கிடையே விபத்து பற்றி அறிந்த ஒலக்கூர் போலீசார் சம்பவ இடத்துக்கு விரைந்து சென்று பார்வையிட்டனர். இது தொடர்பாக வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. காங்கேயம் அருகே கோர விபத்து: லாரி மீது கார் மோதல்; 4 பேர் பலி- 2 பேர் படுகாயம்
காங்கேயம் அருகே லாரி மீது கார் மோதிய விபத்தில் 4 பேர் பரிதாபமாக இறந்தார்கள். 2 பேர் படுகாயம் அடைந்தனர். இந்த விபத்து பற்றி போலீஸ் தரப்பில் கூறப்படுவதாவது:-
2. ஈரோடு மாவட்டத்தில் கொரோனாவுக்கு 3 பேர் பலி; மொத்த பாதிப்பு 8 ஆயிரத்தை தாண்டியது
ஈரோடு மாவட்டத்தில் கொரோனாவுக்கு 3 பேர் பலியாகி உள்ளனர். மொத்த பாதிப்பு 8 ஆயிரத்தை தாண்டியது.
3. திருச்சி அருகே விபத்து: லாரி மீது கார் மோதல்; பெண் உள்பட 2 பேர் பலி - மேலும் 2 பேர் படுகாயம்
திருச்சி அருகே லாரி மீது கார் மோதியதில் 2 பேர் பரிதாபமாக உயிரிழந்தனர். மேலும், 2 பேர் படுகாயம் அடைந்தனர்.
4. விருதுநகர் மாவட்டத்தில், 424 பேருக்கு கொரோனா; 3 பேர் பலி - பாதிப்பு எண்ணிக்கை 9,804 ஆக உயர்வு
விருதுநகர் மாவட்டத்தில் நேற்று 424 பேருக்கு கொரோனா தொற்று உறுதியாகி உள்ள நிலையில் மாவட்டத்தின் பாதிப்பு எண்ணிக்கை 9,804 ஆக உயர்ந்துள்ளது. மேலும் 3 பேர் சிகிச்சை பலனின்றி இறந்தனர்.
5. நிசர்கா புயலுக்கு 3 பேர் பலி
மராட்டியத்தில் நேற்று கரையை கடந்த நிசர்கா புயல் 3 பேர் உயிரை பறித்துள்ளது.

அதிகம் வாசிக்கப்பட்டவை