மாவட்ட செய்திகள்

மத்திய அரசின் புதிய வேளாண்மை சட்டங்களை கண்டித்து வருகிற 10-ந் தேதி விவசாயிகள் மாநாடு டி.கே.சிவக்குமார் பேட்டி + "||" + Interview with DK Sivakumar at the 10th Farmers' Conference condemning the new agricultural laws of the Central Government

மத்திய அரசின் புதிய வேளாண்மை சட்டங்களை கண்டித்து வருகிற 10-ந் தேதி விவசாயிகள் மாநாடு டி.கே.சிவக்குமார் பேட்டி

மத்திய அரசின் புதிய வேளாண்மை சட்டங்களை கண்டித்து வருகிற 10-ந் தேதி விவசாயிகள் மாநாடு டி.கே.சிவக்குமார் பேட்டி
மத்திய அரசின் புதிய வேளாண்மை சட்டங்களை கண்டித்து வருகிற 10-ந் தேதி மண்டியாவில் மாநில விவசாயிகள் மாநாடு நடத்தப்படும் என்று காங்கிரஸ் தலைவர் டி.கே.சிவக்குமார் கூறினார்.
பெங்களூரு,

அகில இந்திய காங்கிரஸ் கட்சியின் உத்தரவுப்படி கர்நாடக காங்கிரஸ் சார்பில் மாநில விவசாயிகள் மாநாட்டை தாவணகெரேயில் நடத்த முடிவு செய்திருந்தோம். ஆனால் தேர்தல் நடத்தை விதிமுறை அமலில் உள்ளதால், அந்த மாநாட்டை வருகிற 10-ந் தேதி மண்டியாவில் நடத்த முடிவு செய்துள்ளோம். ஏற்கனவே மத்திய அரசின் வேளாண்மை சட்டங்களை கண்டித்து போராட்டங்களை நடத்தியுள்ளோம். விவசாயிகள் மாநாடு, கட்சி சார்பற்றது. இந்த மாநாட்டில் விவசாயிகள் சங்கத்தினர் 6 பேருக்கு பேச வாய்ப்பு அளிக்கிறோம்.


மத்திய அரசின் விவசாயிகள் விரோத சட்டங்களை கண்டித்து நாடு முழுவதும் கையெழுத்து இயக்கத்தை காங்கிரஸ் தொடங்கியுள்ளது. கர்நாடகத்தில் 2 கோடி பேரிடம் கையெழுத்து பெற முயற்சி மேற்கொண்டுள்ளோம். இந்த கையெழுத்து அடங்கிய தொகுப்பை அகில இந்திய காங்கிரஸ் தலைவி சோனியா காந்தியிடம் வழங்குவோம். அவர் ஜனாதிபதியிடம் வழங்குவார். மத்திய அரசின் இந்த சட்டங்களை கண்டித்து அகாலிதளம் கட்சியை சேர்ந்த மத்திய மந்திரி ஒருவர் ராஜினாமா செய்துள்ளார். அவரது முடிவை நாங்கள் வரவேற்கிறோம்.

ஒன்றும் கிடைக்கவில்லை

சி.பி.ஐ. அதிகாரிகள் எங்களது வீடுகளில் சோதனை செய்தனர். இதில் டி.கே.சுரேசின் வீட்டில் ரூ.1½ லட்சம், அதே நகரில் உள்ள எனது வீட்டில் ரூ.1.77 லட்சம், எனது அலுவலகத்தில் ரூ.3½ லட்சத்தை சி.பி.ஐ. அதிகாரிகள் பறிமுதல் செய்துள்ளனர். மும்பையில் உள்ள எனது வீட்டில் எதுவும் இல்லை. நான் அங்கு சென்று 6 ஆண்டுகள் ஆகிறது. எனது தாயார் வீட்டிலும் ஒன்றும் கிடைக்கவில்லை. எனது நண்பர் சசின் நாராயண் வீட்டில் ரூ.50 லட்சம் கிடைத்துள்ளது.

மத்திய மந்திரி பிரகலாத்ஜோஷி பெரிய தலைவர். அவர் எனது சொத்து விவரங்களை கேட்டுள்ளார். அவர் முதலில் தனது கட்சி தலைவர்களின் சொத்துகள் குறித்து கூற வேண்டும். எனது வீட்டில் நடந்த சி.பி.ஐ. சோதனை அரசியல் உள்நோக்கம் கொண்டது. இதை, எப்.ஐ.ஆர்.-ஐ பார்த்தாலே தெரியும். நான் கட்சி தலைவராக பொறுப்பேற்றது எப்போது, அந்த வழக்குப்பதிவு செய்தது எப்போது என்பதை பார்த்தாலே தெளிவாக புரியும்.

இவ்வாறு டி.கே.சிவக்குமார் கூறினார்.

தொடர்புடைய செய்திகள்

1. சாக்குலூத்துமெட்டு மலைப்பாதையில் சாலை அமைக்கக்கோரி விவசாயிகள் நடைபயணம் போலீசார் தடுத்ததால் பரபரப்பு
தேவாரம் அருகே சாக்குலூத்து மெட்டு மலைப்பாதையில் சாலை அமைக்கக்கோரி விவசாயிகள் நடைபயணம் சென்றனர். அவர்களை போலீசார் தடுத்து நிறுத்தியதால் பரபரப்பு ஏற்பட்டது.
2. வீணாக கடலில் கலக்கும் தண்ணீரை சேமிக்க தென்காசி மாவட்டத்தில் அணைகள் விரிவாக்கம் செய்யப்படுமா? விவசாயிகள் எதிர்பார்ப்பு
வீணாக கடலில் கலக்கும் தண்ணீரை கூடுதலாக சேமிக்கும் வகையில், தென்காசி மாவட்டத்தில் உள்ள அணைகள் விரிவாக்கம் செய்ய நடவடிக்கை எடுக்கப்படுமா? என்று விவசாயிகள் எதிர்பார்த்துள்ளனர்.
3. நுண்ணீர் பாசனத்திற்கு மானியம் விவசாயிகள் பயன்பெற வேண்டுகோள்
தென்காசி மாவட்டத்தில் நுண்ணீர் பாசனத்திற்கு மானியம் வழங்கப்படுகிறது. இதனை விவசாயிகள் பயன்படுத்திக் கொள்ள வேண்டும் என கலெக்டர் அருண் சுந்தர் தயாளன் தெரிவித்துள்ளார்.
4. விவசாயிகளுக்கான பிரதமரின் நிதி உதவி திட்டத்தில் முறைகேடு: 20 மாவட்டங்களில் 101 பேர் அதிரடி கைது
விவசாயிகளுக்கான பிரதமரின் நிதி உதவி திட்டத்தில் நடந்த முறைகேடு தொடர்பாக தமிழகத்தில் 20 மாவட்டங்களில் 101 பேர் அதிரடியாக கைது செய்யப்பட்டனர்.
5. கரும்புக்கு நிலுவைத்தொகை வழங்கக்கோரி விவசாயிகள் நூதன போராட்டம்
கரும்புக்கு உரிய நிலுவை தொகையை வழங்கக்கோரி நேற்று தென்காசியில் விவசாயிகள் நூதன போராட்டத்தில் ஈடுபட்டனர். பின்னர் உதவி கலெக்டரின் கடிதத்தால் போராட்டம் கைவிடப்பட்டது.