மாவட்ட செய்திகள்

சென்னையில் கொரோனாவுக்கு சப்-இன்ஸ்பெக்டர் பலி + "||" + Sub-inspector killed for corona in Chennai

சென்னையில் கொரோனாவுக்கு சப்-இன்ஸ்பெக்டர் பலி

சென்னையில் கொரோனாவுக்கு சப்-இன்ஸ்பெக்டர் பலி
சென்னை தலைமைச்செயலக காலனி சப்-இன்ஸ்பெக்டர் ஒருவர் கொரோனா தொற்றுக்குள்ளாகி, தனியார் மருத்துவமனையில் சிகிச்சை பெற்று வந்த நிலையில் நேற்று உயிரிழந்தார்.
திரு.வி.க.நகர்,

சென்னை கீழ்ப்பாக்கம் போலீஸ் குடியிருப்பில் வசித்து வந்தவர் பாபு (வயது 57). இவர் 1984-ம் ஆண்டு போலீஸ் பணியில் சேர்ந்து தற்போது தலைமை செயலக காலனி போலீஸ் நிலையத்தில் சப்-இன்ஸ்பெக்டராக வேலை செய்து வந்தார்.


இந்த நிலையில், கடந்த ஆகஸ்டு மாதம் பரிசோதனை செய்து கொண்டதில், அவருக்கு கொரோனா தொற்று இருப்பது உறுதியானது. இதையடுத்து, கீழ்ப்பாக்கம் அரசு மருத்துவமனையில் அனுமதிக்கப்பட்டு சிகிச்சை பெற்ற அவருக்கு, நுரையீரலில் தொற்று அதிகமாக இருந்ததால் மூச்சுவிடுவதில் சிரமம் ஏற்பட்டது. இதையடுத்து அமைந்தகரையில் உள்ள தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வந்தார்.

அதைத்தொடர்ந்து, நேற்று காலை சிகிச்சை பலனின்றி திடீரென சப்-இன்ஸ்பெக்டர் பாபு உயிரிழந்தார்.

போலீசார் மரியாதை

இவருக்கு நிர்மலா(55) என்ற மனைவியும், சுபாஷினி (38) என்ற மகளும், ராம்குமார் (30) என்ற மகனும் உள்ளனர். ராம்குமார் தற்போது சென்னை ஆயுதப்படை பிரிவில் போலீசாக வேலை செய்து வருகிறார். உயிரிழந்த சப்-இன்ஸ்பெக்டரின் உடலை தலைமைச்செயலக காலனி இன்ஸ்பெக்டர் ராஜேஸ்வரி, உதவி கமிஷனர் சீனிவாசன் அமைந்தகரை தனியார் மருத்துவமனைக்கு விரைந்து சென்று பார்வையிட்டனர்.

அதைத்தொடர்ந்து நேற்று மாலை டி.ஜி.பி திரிபாதி, சென்னை போலீஸ் கமிஷனர் மகேஷ்குமார் அகர்வால் ஆகியோர் தலைமைச் செயலக காலனி போலீஸ் நிலையம் சென்று அங்கு வைக்கப்பட்டிருந்த பாபுவின் உருவப்படத்திற்கு மலர்தூவி மரியாதை செலுத்தினர்.

ஏற்கனவே மாம்பலம் இன்ஸ்பெக்டர் பாலமுரளி, நீலாங்கரை போக்குவரத்து இன்ஸ்பெக்டர் புருஷோத்தமன் உள்ளிட்ட 6 போலீசார் கொரோனா தொற்றில் இறந்துள்ளனர் என்பது குறிப்பிடத்தக்கது.

தொடர்புடைய செய்திகள்

1. இந்தியாவில் கொரோனா உயிர்ப்பலி தொடர்ந்து குறைகிறது 17 மாநிலங்களில் உயிரிழப்பு இல்லை
இந்தியாவில் தினசரி கொரோனா உயிர்ப்பலி தொடர்ந்து குறைந்து வருவதும், 17 மாநிலங்களில் நேற்று உயிரிழப்பு ஏதுமில்லை என்பதும் ஆறுதல் அளிப்பதாக அமைந்துள்ளது.
2. கொரோனா பரவல் அதிகரிப்பு மாநிலங்களுடன் மத்திய அரசு ஆலோசனை
கொரோனா பாதிப்பு அதிகமாக உள்ள மாநிலங்கள், யூனியன் பிரதேசங்களுடன் மத்திய அரசு ஆலோசனை நடத்தியது. கண்காணிப்பை தீவிரப்படுத்தவும், பரிசோதனைகளை அதிகரிப்பதில் கவனம் செலுத்துமாறும் அறிவுறுத்தியது.
3. சென்னை கோட்டையில் விஷவாயு தாக்கி 2 பேர் பலி
சென்னை கோட்டையில் விஷவாயு தாக்கி 2 பேர் மரணமடைந்தனர்.
4. 12 இந்தியர்கள் பலியான பஸ் விபத்து வழக்கு: டிரைவருக்கு விதிக்கப்பட்ட சிறை தண்டனை ஒரு ஆண்டாக குறைப்பு துபாய் கோர்ட்டு உத்தரவு
ஓமன் நாட்டின் மஸ்கட் நகரில் இருந்து துபாய் நகருக்கு வந்த பயணிகள் பஸ் கடந்த 2019-ம் ஆண்டு ஜூன் மாதம் 6-ந் தேதி சாலையின் தகவல் பலகையின் மீது மோதி விபத்துக்குள்ளானது. இந்த விபத்து ஷேக் முகம்மது பின் ஜாயித் சாலையில் ஏற்பட்டது. மொத்தம் 17 பயணிகள் இந்த விபத்தில் பலியானார்கள்.
5. பெரம்பலூரில் கொரோனா பாதிப்பு இல்லை
பெரம்பலூரில் கொரோனா பாதிப்பு இல்லை