மாவட்ட செய்திகள்

பள்ளிகள் திறப்புக்கு எதிராக அன்பழகன் எம்.எல்.ஏ. திடீர் போராட்டம் + "||" + Anbalagan MLA against the opening of schools. Sudden struggle

பள்ளிகள் திறப்புக்கு எதிராக அன்பழகன் எம்.எல்.ஏ. திடீர் போராட்டம்

பள்ளிகள் திறப்புக்கு எதிராக அன்பழகன் எம்.எல்.ஏ. திடீர் போராட்டம்
பள்ளிகள் திறக்கப்பட்டதற்கு எதிர்ப்பு தெரிவித்து அன்பழகன் எம்.எல்.ஏ. திடீரென போராட்டத்தில் ஈடுபட்டார்.
புதுச்சேரி,

கொரோனா தொற்று பரவலை தடுக்கும் விதமாக கடந்த மார்ச் மாதம் முதல் பள்ளிகள் மூடப்பட்டன. தற்போது ஊரடங்கு தளர்வு காரணமாக நேற்று முதல் புதுவையில் பள்ளிகளை திறக்க அறிவிப்பு வெளியிடப்பட்டது. கொரோனா அச்சுறுத்தல் இன்னும் குறையாத நிலையில் தமிழகத்தில் பள்ளிகள் திறக்கப்படவில்லை.


கல்வி முறையில் தமிழகத்தை அப்படியே பின்பற்றும் புதுவை அரசு பள்ளிகளை திறப்பதில் மட்டும் முரண்படுவது ஏன்? என்று அ.தி.மு.க. சட்டமன்ற கட்சி தலைவர் அன்பழகன் எம்.எல்.ஏ. கண்டனம் தெரிவித்தார். தனது தொகுதியில் உள்ள பள்ளிகளை திறக்க விடமாட்டேன் என்றும் அவர் எச்சரித்து இருந்தார்.

கதவை மூடி ஆர்ப்பாட்டம்

இதையடுத்து உப்பளம் தொகுதியில் உள்ள ஒரு சில தனியார் பள்ளிகள் திறக்கப்படவில்லை. அந்த பள்ளிகள் திறப்பினை வேறொரு தேதிக்கு ஒத்திவைத்தன. ஆனால் புதுவை-கடலூர் சாலையில் உள்ள அரசு உதவி பெறும் பள்ளி திறக்கப்பட்டு இருந்தது.

இதுபற்றி அறிந்ததும் அன்பழகன் எம்.எல்.ஏ. தனது ஆதரவாளர்களுடன் அங்கு சென்று அந்த பள்ளியின் கதவை இழுத்துப்பூட்டி ஆர்ப்பாட்டத்தில் ஈடுபட்டார். இதனால் அந்த பகுதியில் சிறிது நேரம் பரபரப்பு ஏற்பட்டது.

கவர்னருக்கு மனு

இதுகுறித்து கவர்னரிடம் கொடுத்துள்ள மனுவில் அன்பழகன் எம்.எல்.ஏ. கூறியிருப்பதாவது:-

புதுச்சேரி மாநிலத்தில் அவசர கோலத்தில் பள்ளிகள் திறக்கப்பட்டுள்ளன. இந்த விஷயத்தில் அரசு தான்தோன்றித்தனமாக செயல்படுகிறது. கல்லூரிகளை திறக்க முடிவு எடுக்காத நிலையில் பள்ளிகள் திறக்க முடிவு எடுத்திருப்பது உள்நோக்கத்தையே காட்டுகிறது.

யூனியன் பிரதேசமான புதுச்சேரியில் மக்களுடைய உயிர் சம்பந்தமான பிரச்சினையில் ஆளும் அரசு தவறான ஒரு நிலைப்பாட்டை எடுக்கும்போது அதை தடுத்து நிறுத்த வேண்டிய கடமையும், பொறுப்பும் கவர்னருக்கு உண்டு. அந்த வகையில் அசாதாரண சூழ்நிலையில் பள்ளிகளை திறந்து மாணவர்களின் உயிரோடு விளையாடும் புதுச்சேரி அரசின் இந்த முடிவை தங்களது அதிகாரத்தை பயன்படுத்தி தடுத்து நிறுத்த வேண்டும். தமிழகத்தில் எப்போது பள்ளிகள் திறக்கப்படுகிறதோ அதற்கு ஏற்றாற்போல் புதுவை மாநிலத்தில் மாணவர்களுக்கு பாதிப்பு இல்லாத வகையில் பள்ளிகளை திறக்க அனுமதிக்கவேண்டும்.

இவ்வாறு அதில் கூறியுள்ளார்.

தொடர்புடைய செய்திகள்

1. திருவெண்ணெய்நல்லூர் அருகே சேறும், சகதியுமான சாலையில் நாற்று நட்டு பொதுமக்கள் போராட்டம்
திருவெண்ணெய்நல்லூர் அருகே சேறும், சகதியுமான சாலையில் பொதுமக்கள் நாற்று நடும் போராட்டத்தில் ஈடுபட்டனர்.
2. சின்னசேலம் அருகே பாதை பிரச்சினையால் இறந்தவரின் உடலை அடக்கம் செய்ய மறுத்து உறவினர்கள் போராட்டம்
சின்னசேலம் அருகே பாதை பிரச்சினையால் இறந்தவரின் உடலை அடக்கம் செய்ய உறவினர்கள் மறுப்பு தெரிவித்து போராட்டம் நடத்தினர். இது தொடர்பாக தாசில்தார் பேச்சுவார்த்தை நடத்தி வருகிறார்.
3. ராசிபுரத்தில் குடிநீர் கேட்டு பொதுமக்கள் காலிக்குடங்களுடன் போராட்டம்
ராசிபுரத்தில் குடிநீர் கேட்டு பொதுமக்கள் காலிக்குடங்களுடன் போராட்டம் நடத்தினர்.
4. சம்பள விவகாரம்; டெல்லியில் ராவணன் உருவ பொம்மையை எரித்து மருத்துவர்கள் போராட்டம்
டெல்லியில் கடந்த 4 மாதங்களாக சம்பளம் வழங்காததற்கு எதிர்ப்பு தெரிவித்து மருத்துவர்கள் ராவணன் உருவ பொம்மையை தீ வைத்து எரித்து போராட்டத்தில் ஈடுபட்டனர்.
5. தூத்துக்குடியில் ஜனநாயக மாதர் சங்கத்தினர் ஒப்பாரி போராட்டம்
தூத்துக்குடியில், வெங்காய விலை உயர்வை மத்திய, மாநில அரசுகள் கட்டுப்படுத்த வலியுறுத்தி நேற்று ஜனநாயக மாதர் சங்கத்தினர் வெங்காய மாலை அணிந்து ஒப்பாரி வைக்கும் போராட்டம் நடத்தினர்.