மாவட்ட செய்திகள்

இலவச மனைப்பட்டா வழங்கக்கோரி சாலையில் கஞ்சி காய்ச்சி நரிக்குறவர்கள் போராட்டம் + "||" + Porridge distilleries protest on the road demanding free manipatta

இலவச மனைப்பட்டா வழங்கக்கோரி சாலையில் கஞ்சி காய்ச்சி நரிக்குறவர்கள் போராட்டம்

இலவச மனைப்பட்டா வழங்கக்கோரி சாலையில் கஞ்சி காய்ச்சி நரிக்குறவர்கள் போராட்டம்
இலவச மனைப்பட்டா வழங்கக்கோரி சாலையில் கஞ்சி காய்ச்சி நரிக்குறவர்கள் போராட்டம் நடத்தினர்.
வில்லியனூர்,

வில்லியனூர் மூர்த்தி நகர் கூடப்பாக்கம் சாலையில் பல ஆண்டுகளாக நரிக்குறவர் குடும்பத்தினர் வசித்து வருகின்றனர். இவர்கள் தாங்கள் வசிக்கும் பகுதியில் இலவச மனைப்பட்டா மற்றும் அடிப்படை வசதிகள் செய்து தரக்கோரி அதிகாரிகளிடம் பலமுறை மனு கொடுத்தனர். ஆனால் எந்தவித நடவடிக்கையும் எடுக்கப்படவில்லை என்று கூறப்படுகிறது.


இந்த நிலையில் இலவச மனைப்பட்டா கேட்டு புதுவை மாநில விடுதலை சிறுத்தைகள் கட்சியின் பழங்குடியினர் இயக்கம் சார்பில் கூடப்பாக்கம் சாலையில் நேற்று கஞ்சி காய்ச்சும் போராட்டம் நடைபெற்றது. போராட்டத்தில் விடுதலை சிறுத்தைகள் மாநில முதன்மை செயலாளர் தேவ.பொழிலன், நிர்வாகிகள் செல்வநாதன், எழில்மாறன், தமிழ்வளவன் உள்பட 50-க்கும் மேற்பட்டவர்கள் கலந்துகொண்டனர்.

கஞ்சி காய்ச்சினர்

போராட்டத்தில் பங்கேற்ற நரிக்குறவர்கள் சாலையில் கற்கால் அடுப்பு அமைத்து கஞ்சி காய்ச்சினர். மேலும் அவர்கள் சாலையில் ஆமைகளை விட்டு நூதன போராட்டத்தில் ஈடுபட்டனர். இந்த போராட்டத்தால் அப்பகுதியில் போக்குவரத்து பாதிக்கப்பட்டது.

தகவல் அறிந்த வில்லியனூர் போலீஸ் இன்ஸ்பெக்டர் பழனிவேலு மற்றும் போலீசார் விரைந்து சென்று போராட்டத்தில் ஈடுபட்டவர்களிடம் பேச்சுவார்த்தை நடத்தி, கலைந்துபோக செய்தனர். இந்த போராட்டம் காரணமாக அப்பகுதியில் பரபரப்பு ஏற்பட்டது.

தொடர்புடைய செய்திகள்

1. மார்க்சிஸ்ட் கம்யூனிஸ்டு கட்சியினர் தஞ்சை தபால் நிலையத்தை 3-வது நாளாக முற்றுகை; 40 பேர் கைது
தஞ்சையில் 3-வது நாளாக மார்க்சிஸ்ட் கம்யூனிஸ்டு கட்சியினர் தபால் நிலையத்தை முற்றுகை போராட்டத்தில் ஈடுபட்டனர். இது தொடர்பாக 10 பெண்கள் உள்பட 40 பேர் கைது செய்யப்பட்டனர். மத்திய கலால் அலுவலகத்தை முற்றுகையிட்ட மாணவர் சங்கத்தினர், போலீசார் இடையே தள்ளுமுள்ளு ஏற்பட்டது.
2. திருச்சியில் இருந்து டெல்லிக்கு ரெயிலில் செல்ல முயன்ற 48 விவசாயிகள் கைது
திருச்சியில் இருந்து அய்யாக்கண்ணு தலைமையில் ரெயிலில் டெல்லிக்கு செல்ல முயன்ற 48 விவசாயிகள் கைது செய்யப்பட்டனர்.
3. ஓய்வூதியம் வழங்கக்கோரி மாற்றுத்திறனாளிகள் மறியல் நாகர்கோவிலில் 96 பேர் கைது
அடையாள அட்டை உள்ள அனைவருக்கும் ஓய்வூதியம் வழங்கக்கோரி நாகர்கோவிலில் உள்ள கலெக்டர் அலுவலகம் முன்பு மறியல் போராட்டம் நடத்திய மாற்றுத்திறனாளிகள் 96 பேரை போலீசார் கைது செய்தனர்.
4. டெல்லி விவசாயிகள் போராட்டத்திற்கு ஆதரவாக தபால் நிலையத்தை முற்றுகையிட்ட மார்க்சிஸ்ட் கம்யூனிஸ்டு கட்சியினர்
விவசாய சட்டங்களை ரத்து செய்யக்கோரி டெல்லியில் விவசாயிகள் நடத்தி வரும் போராட்டத்திற்கு ஆதரவாக திருப்பூர் தலைமை தபால் நிலையத்தை முற்றுகையிட்ட மார்க்சிஸ்ட் கம்யூனிஸ்டு கட்சியினர் 80 பேரை போலீசார் கைது செய்தனர்.
5. தஞ்சையில், 2-வது நாளாக மார்க்சிஸ்ட் கம்யூனிஸ்டு கட்சியினர் முற்றுகை போராட்டம்
தஞ்சையில் 2-வது நாளாக மார்க்சிஸ்ட் கம்யூனிஸ்டு கட்சியினர் முற்றுகை போராட்டத்தில் ஈடுபட்டனர். இது தொடர்பாக 5 பெண்கள் உள்பட 45 பேர் கைது செய்யப்பட்டனர்.