மாவட்ட செய்திகள்

3 மந்திரிகளின் இலாகா திடீர் மாற்றம் எடியூரப்பாவிடம் ஸ்ரீராமுலு அதிருப்தியை வெளிப்படுத்தினார் + "||" + Sriramulu expressed dissatisfaction with Eduyurappa for the sudden change of portfolio of 3 ministers

3 மந்திரிகளின் இலாகா திடீர் மாற்றம் எடியூரப்பாவிடம் ஸ்ரீராமுலு அதிருப்தியை வெளிப்படுத்தினார்

3 மந்திரிகளின் இலாகா திடீர் மாற்றம் எடியூரப்பாவிடம் ஸ்ரீராமுலு அதிருப்தியை வெளிப்படுத்தினார்
கர்நாடகத்தில் 3 மந்திரிகளின் இலாகா நேற்று திடீரென்று மாற்றப்பட்டது. அதாவது மந்திரி ஸ்ரீராமுலுவிடம் இருந்த சுகாதாரத்துறை, கூடுதல் பொறுப்பாக மந்திரி சுதாகருக்கு வழங்கப்பட்டுள்ளது. இந்த நிலையில் தன்னிடம் இருந்து சுகாதாரத் துறை பறிக்கப்பட்டதால் முதல்-மந்திரி எடியூரப்பாவை சந்தித்து ஸ்ரீராமுலு அதிருப்தியை வெளிப்படுத்தினார்.
பெங்களூரு,

கர்நாடகத்தில் கொரோனா வைரஸ் கடந்த மார்ச் மாதம் பரவத்தொடங்கியது. கொரோனா தடுப்பு நிர்வாக பணிகளை கர்நாடக அரசு மேற்கொண்டு வருகின்றது. இந்த பணிகளை மேற்கொள்வதில் சுகாதாரத்துறை மற்றும் மருத்துவக் கல்வித் துறை மந்திரிகள் இடையே அவ்வப்போது கருத்துவேறுபாடு ஏற்பட்டு வந்தது. கொரோனோ தடுப்பு நிர்வாக பணிகள் மருத்துவ கல்வித்துறை மந்திரி சுதாகர் வசம் ஒப்படைக்கப்பட்டது. இதனால் சுகாதாரத்துறை மந்திரி ஸ்ரீராமுலு கடும் அதிருப்தி அடைந்தார்.


மேலும் கொரோனா தடுப்பு நிர்வாக பணிகளை மேற்கொள்ள 4 மந்திரிகள் அடங்கிய செயல்படை ஒன்று அமைக்கப்பட்டது. அதில் துணை முதல்-மந்திரி அஸ்வத் நாராயண், சுகாதாரத்துறை மந்திரி ஸ்ரீராமுலு, மருத்துவ கல்வித் துறை மந்திரி சுதாகர், போலீஸ் மந்திரி பசவராஜ் பொம்மை ஆகியோர் இடம் பெற்றனர்.

இதில் கொரோனா தடுப்பு குறித்து அவ்வப்போது ஆலோசிக்கப்பட்டு முடிவுகள் எடுக்கப்பட்டு வருகிறது. இந்த நிலையில் கொரோனா தடுப்பு தொடர்பான அனைத்து பணிகளையும் மருத்துவக் கல்வித் துறை மந்திரி சுதாகர் மேற்கொண்டு வருகிறார். கர்நாடக சட்டசபையில் கொரோனோ தொடர்பாக நடைபெற்ற விவாதத்திற்கு சுதாகர் தான் பதிலளித்தார். இதனால் மந்திரி ஸ்ரீராமுலு அதிருப்தியில் இருந்து வந்தார்.

3 மந்திரிகளின் இலாகா மாற்றம்

இந்த நிலையில் கர்நாடகத்தில் 3 மந்திரிகளின் இலாகா திடீரென்று மாற்றம் செய்யப்பட்டுள்ளது. அதாவது, ஸ்ரீராமுலு வசம் இருந்த சுகாதாரத்துறை பறிக்கப்பட்டுள்ளது. அந்த துறை மருத்துவ கல்வித்துறை மந்திரி சுதாகருக்கு கூடுதல் பொறுப்பாக வழங்கப்பட்டுள்ளது.

அதே வேளையில் மந்திரி ஸ்ரீராமுலுக்கு சமூகநலத்துறை ஒதுக்கப்பட்டுள்ளது. இந்த சமூக நலத்துறை துணை முதல்-மந்திரி கோவிந்த் கார்ஜோளிடம் இருந்தது. மேலும் ஸ்ரீராமுலுவிடம் இருந்த இன்னொரு துறையான பிற்படுத்தப்பட்டோர் நலத்துறையை முதல்-மந்திரி எடியூரப்பா தன்வசம் எடுத்துக்கொண்டுள்ளார் என்பது குறிப்பிடத்தக்கது. இந்த இலாகா மாற்றத்திற்கு கவர்னர் வஜூபாய் வாலா ஒப்புதல் வழங்கியுள்ளார்.

எடியூரப்பாவிடம் அதிருப்தி

இதுதொடர்பான அறிவிப்பு வெளியானதும் மந்திரி ராமுலு தன்னிடம் இருந்த 2 துறை பறிக்கப்பட்டது மற்றும் தனக்கு சமூகநலத்துறை ஒதுக்கியதற்கும் கடும் அதிர்ச்சி அடைந்தார். மேலும் அவர் சிறிது நேரத்தில் முதல்-மந்திரி எடியூரப்பாவை அவரது காவேரி இல்லத்தில் நேரில் சந்தித்து பேசினார்.

அப்போது, ஸ்ரீராமுலு, தன்னிடம் இருந்த துறையை பறித்தது சரியல்ல என்று கூறி தனது அதிருப்தியை வெளிப்படுத்தினார்.

அதற்கு எடியூரப்பா, கொரோனா பணிகளை நிர்வகிக்க வேண்டியிருப்பதால், சுகாதாரத்துறையும், மருத்துவ கல்வித்துறையும் ஒருவரிடமே இருப்பது நல்லது என்று கருதி இந்த முடிவு எடுக்கப்பட்டுள்ளதாக கூறி அவரை சமாதானப்படுத்தியதாக தெரிகிறது.

தனக்கு தற்போது ஒதுக்கப்பட்டுள்ள சமூக நலத்துறை பணிகளில் யாருடைய தலையீட்டையும் அனுமதிக்காதீர்கள் என்று அவர் கேட்டுக் கொண்டதாக கூறப்படுகிறது. சுமார் 15 நிமிடங்கள் சந்திப்புக்கு பிறகு மந்திரி ஸ்ரீராமுலு அங்கிருந்து புறப்பட்டு சென்றார்.

தொடர்புடைய செய்திகள்

1. புதிய பஸ் நிலைய தற்காலிக காய்கறி கடைகள் பெரிய மார்க்கெட்டுக்கு மீண்டும் மாற்றம் இன்று முதல் செயல்பட ஏற்பாடு
புதுவை புதிய பஸ்நிலையத்தில் செயல்பட்டு வந்த தற்காலிக காய்கறி கடைகள் இன்று முதல் மீண்டும் பெரிய மார்க்கெட்டுக்கு மாற்றப்படுகின்றன.
2. மும்பையில் 18 துணை போலீஸ் கமிஷனர்கள் பணி இடமாற்றம்
மும்பையில் 18 போலீஸ் துணை கமிஷனர்கள் பணி இடமாற்றம் செய்யப்பட்டுள்ளனர்.
3. பத்திர பதிவு அலுவலகத்தில் கணக்கில் வராத ரூ.50 ஆயிரம் பறிமுதல் பெண் சார் பதிவாளர் உள்பட 3 பேர் பணியிட மாற்றம்
திருத்தணி பத்திர பதிவு அலுவலகத்தில் மாவட்ட லஞ்சஒழிப்பு போலீசார் அதிரடி சோதனை நடத்தி கணக்கில் வராத ரூ.50 ஆயிரத்தை பறிமுதல் செய்தனர். இதை தொடர்ந்து இந்த அலுவலகத்தை சேர்ந்த பெண் சார் பதிவாளர் உள்பட 3 பேரை பத்திர பதிவு செயலாளர் பணியிட மாற்றம் செய்து அதிரடி உத்தரவு பிறப்பித்தார்.
4. பத்திர பதிவு அலுவலகத்தில் கணக்கில் வராத ரூ.50 ஆயிரம் பறிமுதல் பெண் சார் பதிவாளர் உள்பட 3 பேர் பணியிட மாற்றம்
திருத்தணி பத்திர பதிவு அலுவலகத்தில் மாவட்ட லஞ்சஒழிப்பு போலீசார் அதிரடி சோதனை நடத்தி கணக்கில் வராத ரூ.50 ஆயிரத்தை பறிமுதல் செய்தனர். இதை தொடர்ந்து இந்த அலுவலகத்தை சேர்ந்த பெண் சார் பதிவாளர் உள்பட 3 பேரை பத்திர பதிவு செயலாளர் பணியிட மாற்றம் செய்து அதிரடி உத்தரவு பிறப்பித்தார்.
5. பத்திர பதிவு அலுவலகத்தில் கணக்கில் வராத ரூ.50 ஆயிரம் பறிமுதல் பெண் சார் பதிவாளர் உள்பட 3 பேர் பணியிட மாற்றம்
திருத்தணி பத்திர பதிவு அலுவலகத்தில் மாவட்ட லஞ்சஒழிப்பு போலீசார் அதிரடி சோதனை நடத்தி கணக்கில் வராத ரூ.50 ஆயிரத்தை பறிமுதல் செய்தனர். இதை தொடர்ந்து இந்த அலுவலகத்தை சேர்ந்த பெண் சார் பதிவாளர் உள்பட 3 பேரை பத்திர பதிவு செயலாளர் பணியிட மாற்றம் செய்து அதிரடி உத்தரவு பிறப்பித்தார்.