மாவட்ட செய்திகள்

தலை, மூக்கு பகுதியில் காயங்கள் இருந்ததால் தகனம் செய்ய முயன்ற மூதாட்டி உடலை கைப்பற்றிய போலீசார் விசாரணை + "||" + Police are investigating the seizure of the body of an elderly woman who tried to cremate her head and nose due to injuries

தலை, மூக்கு பகுதியில் காயங்கள் இருந்ததால் தகனம் செய்ய முயன்ற மூதாட்டி உடலை கைப்பற்றிய போலீசார் விசாரணை

தலை, மூக்கு பகுதியில் காயங்கள் இருந்ததால் தகனம் செய்ய முயன்ற மூதாட்டி உடலை கைப்பற்றிய போலீசார் விசாரணை
தலை, மூக்கு பகுதியில் காயங்களுடன் சுடுகாட்டில் தகனம் செய்ய முயன்ற மூதாட்டியின் உடலை கைப்பற்றிய போலீசார், மகன், பேரன்கள் மற்றும் சான்றிதழ் வழங்கிய டாக்டர் ஆகியோரிடம் விசாரித்து வருகின்றனர்.
ஆலந்தூர்,

சென்னையை அடுத்த கீழ்கட்டளை அருள்முருகன் நகரில் உள்ள சுடுகாட்டில் மூதாட்டி ஒருவரின் உடல் ரகசியமாக தகனம் செய்யப்படுவதாகவும், மூதாட்டியின் தலையில் காயங்கள் இருப்பதாகவும் பழைய பல்லாவரத்தில் உள்ள தனியார் ஆஸ்பத்திரியில் இருந்து மடிப்பாக்கம் போலீசாருக்கு தகவல் கிடைத்தது.


இதையடுத்து மடிப்பாக்கம் போலீசார் கீழ்கட்டளை சுடுகாட்டுக்கு விரைந்து சென்று அங்கு தகனம் செய்ய தயாராக இருந்த மூதாட்டியின் உடலை கைப்பற்றினார்கள். விசாரணையில் அவர், மடிப்பாக்கம் அலமேலு மங்காபுரத்தை சேர்ந்த சரஸ்வதி (வயது 82) என தெரியவந்தது. அவரது உடலை பரிசோதித்த போது தலையில் ஆழமான வெட்டுக்காயம், மூக்கு பகுதியில் சிறு சிறு காயங்கள் இருந்ததை கண்டனர்.

கட்டிலில் இருந்து விழுந்தார்

இதையடுத்து தடயவியல் கூடுதல் இயக்குனர் சோபியா, விரைந்து வந்து மூதாட்டி உடலை ஆய்வு செய்தார். பின்னர் மூதாட்டியின் மரணம் சந்தேக மரணம் என உறுதி செய்தார். இதையடுத்து போலீசார் மூதாட்டி உடலை பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர்.

இதுகுறித்து இறந்துபோன மூதாட்டி சரஸ்வதியின் மகன் ரவி (60) என்பவரிடம் போலீசார் விசாரித்தபோது, “காலையில் சரஸ்வதி அறைக்கு சென்று பார்த்தபோது கட்டிலில் இருந்த கீழே விழுந்துபேச்சு, மூச்சு இல்லாமல் கிடந்தார். பழைய பல்லாவரத்தில் உள்ள தனியார் ஆஸ்பத்திரியில் இருந்து செவிலியர்களை அழைத்து வந்து பரிசோதித்தோம். அப்போது எனது தாய் சரஸ்வதி இறந்து விட்டதாக தெரிவித்தனர். இறுதிச்சடங்கு செய்ய மருத்துவ சான்று தேவைப்பட்டது. தெரிந்த டாக்டர் ராஜீவ் என்பவர் மூலமாக மாரடைப்பால் இறந்ததாக சான்று பெற்று தகனம் செய்ய முயன்றதாக” கூறினார்.

இதுகுறித்து மடிப்பாக்கம் போலீசார் வழக்குபதிவு செய்து சரஸ்வதியின் மகன் ரவி, பேரன்கள் ஜெகதீஷ், லோகேஷ் மற்றும் மருத்துவ சான்றிதழ் வழங்கிய டாக்டர் ராஜீவ் ஆகியோரிடம் விசாரணை நடத்தி வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியது.

தொடர்புடைய செய்திகள்

1. தானேயில் நவநிர்மாண் சேனா பிரமுகர் துப்பாக்கியால் சுட்டுக்கொலை 2 பேருக்கு போலீசார் வலைவீச்சு
தானேயில் நவநிர்மாண் சேனா கட்சி பிரமுகரை துப்பாக்கியால் சுட்டு கொலை செய்த 2 பேரை போலீசார் தேடி வருகின்றனர்.
2. ஆம்பூர் அருகே நகைக்கடை அதிபர் கடத்தல் காரில் வந்த மர்ம நபர்கள் குறித்து போலீசார் விசாரணை
ஆம்பூர் அருகே நகைக்கடை அதிபரை காரில் கடத்தி சென்ற மர்ம நபர்கள் குறித்து போலீசார் விசாரணை நடத்தி வருகின்றனர்.
3. ரப்பர் தோட்டத்தில் பதுக்கிய 1¼ டன் ரேஷன் அரிசி பறிமுதல் போலீஸ் விசாரணை
நட்டாலம் அருகே ரப்பர் தோட்டத்தில் பதுக்கி வைத்திருந்த 1¼ டன் ரேஷன் அரிசி பறிமுதல் செய்யப்பட்டது. இதுதொடர்பாக போலீசார் விசாரணை நடத்தி வருகின்றனர்.
4. திருச்சி விமான நிலையத்தில் 120 பவுன் கடத்தல் தங்கம் பறிமுதல் 2 பயணிகளிடம் அதிகாரிகள் விசாரணை
திருச்சி விமான நிலையத்தில் 120 பவுன் கடத்தல் தங்கத்தை அதிகாரிகள் பறிமுதல் செய்தனர். தொடர்ந்து 2 பயணிகளிடம் விசாரணை நடத்தி வருகிறார்கள்.
5. அம்பர்நாத் அடுக்குமாடி குடியிருப்பில் நண்பரின் மனைவியுடன் வாலிபர் பிணமாக மீட்பு போலீஸ் விசாரணை
அம்பர்நாத் அடுக்குமாடி குடியிருப்பில் நண்பரின் மனைவியுடன், வாலிபர் பிணமாக மீட்கப்பட்டார். இதுகுறித்து போலீசார் விசாரணை நடத்தி வருகின்றனர்.